அனல் கக்கும் கத்திரி வெயில் நாளை துவங்குகிறது!

**ayyasamy ram** · **ayyasamy ram** Tue May 03, 2022 6:43 am

-

சென்னை:
'நாளை அக்னி நட்சத்திர வெயில் காலம் துவங்கும் நிலையில், இன்றும்,
நாளையும் அதிகபட்ச வெப்ப நிலை, 3 டிகிரி செல்ஷியஸ் வரை அதிகரிக்கும்'
என, சென்னை வானிலை ஆய்வு மையம் தெரிவித்துள்ளது.

தமிழகத்தில் கோடை வெயில் படிப்படியாக அதிகரித்து, உச்சத்தை எட்டியுள்ளது.
கத்திரி வெயில் எனப்படும் அக்னி நட்சத்திர காலம், நாளை துவங்க உள்ளது.
வரும், 28ம் தேதி வரை கத்திரி வெயில் நீடிக்கும் என, கூறப்பட்டுள்ளது.

இந்நிலையில், நேற்று மாலை நிலவரப்படி அதிகபட்சமாக, வேலுாரில், 42 டிகிரி
செல்ஷியஸ் பதிவானது. இது, 108 டிகிரி பாரன்ஹீட். திருத்தணி, 41; மதுரை விமான
நிலையம், திருச்சி, தஞ்சாவூர், கரூர் பரமத்தி, 40; ஈரோடு, சென்னை மீனம்பாக்கம், 39;
கடலுார், சேலம், பாளையங்கோட்டை, நாமக்கல், மதுரை நகரம், சென்னை
நுங்கம்பாக்கம், 38 டிகிரி செல்ஷியஸ் வெப்ப நிலை பதிவானது.

அதாவது, நேற்றைய நிலவரப்படி, 14 இடங்களில், 100 டிகிரி பாரன்ஹீட்டை தாண்டி
வெப்ப நிலை பதிவானது.

இன்றைய வானிலை குறித்து, வானிலை ஆய்வு மையம் வெளியிட்ட அறிவிப்பு

:தமிழக பகுதிகளில், வளி மண்டல கீழடுக்கு சுழற்சி நிலவுகிறது.
இதனாலும், வெப்ப சலனம் காரணமாகவும், தெற்கு கடலோர மாவட்டங்களில்,
இன்று மிதமான மழைக்கு வாய்ப்பு உள்ளது. தமிழகத்தில் இன்றும், நாளையும்
அதிகபட்ச வெப்ப நிலை, இயல்பு அளவிலிருந்து, 3 டிகிரி செல்ஷியஸ் வரை
அதிகமாக பதிவாக வாய்ப்புள்ளது.

மத்திய கிழக்கு மற்றும் தென் கிழக்கு வங்கக் கடல் மற்றும் அந்தமான் பகுதிகளில்,
வரும், 4, 5ம் தேதிகளில் மணிக்கு, 50 கி.மீ., வேகத்தில் சூறாவளி காற்று வீசும்.
எனவே, மீனவர்கள் இந்த பகுதிகளுக்கு செல்ல வேண்டாம். இவ்வாறு அதில்
கூறப்பட்டுள்ளது.
-
தினமலர்

அனல் கக்கும் கத்திரி வெயில் நாளை துவங்குகிறது!

அனல் கக்கும் கத்திரி வெயில் நாளை துவங்குகிறது!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக