ஐ.நா.,வில் எம்.எல்.ஏ., உரை: டில்லி முதல்வர் புகழாரம்

**ayyasamy ram** · **ayyasamy ram** Sat 30 Apr 2022 - 7:22

புதுடில்லி :
ஐ.நா., பொது சபையில் உரையாற்றிய ஆம் ஆத்மி எம்.எல்.ஏ., அதிஷிக்கு,
டில்லி முதல்வர் அரவிந்த் கெஜ்ரிவால் புகழாரம் சூட்டி உள்ளார்.

டில்லியில், முதல்வர் அரவிந்த் கெஜ்ரிவால் தலைமையில், ஆம் ஆத்மி
ஆட்சி நடக்கிறது.

இங்கு, ஆளுங்கட்சி எம்.எல்.ஏ.,வாக இருக்கும் அதிஷி, புதிய நகர்ப்புற
கொள்கையை அமல் படுத்துவது தொடர்பாக, ஐ.நா., பொது சபையில்
நேற்று முன்தினம் நடந்த மாநாட்டில் பங்கேற்று சிறப்புரையாற்றினார்.

அதில், டில்லி நகர்ப்புற வளர்ச்சிக்கு, ஆம் ஆத்மி அரசு எடுத்து வரும்
முயற்சிகளை அவர் எடுத்துரைத்தார்.

இது குறித்து அதிஷி கூறுகையில், “டில்லியில் ஏற்பட்டுள்ள மாற்றங்கள்
குறித்து, ஐ.நா., பொது சபையில் பேசியதை கவுரவமாக கருதுகிறேன்
.''உலக நாடுகள் எதிர்கொள்ளும் பிரச்னைகளுக்கு தீர்வு காண, 'டில்லி
மாடல்' உதவியாக இருக்கும் என நம்புகிறேன்,” என்றார்.

இந்நிலையில், முதல்வர் அரவிந்த் கெஜ்ரிவால் நேற்று வெளியிட்ட
அறிக்கையில் கூறப்பட்டுஉள்ளதாவது:

டில்லியும், ஆம் ஆத்மியும், இந்தியர்களை பெருமைப்பட வைத்துள்ளது.
நகர்ப்புற நிர்வாகத்தில் உள்ள பிரச்னைகளுக்கு தீர்வு காண, உலக நாடுகள்,
இப்போது டில்லியை எதிர்நோக்கி உள்ளன.

மிகப்பெரிய சர்வதேச அரங்கில், இந்திய நாட்டின் திறனை, உலக நாடுகளுக்கு
அறிய வைத்த அதிஷிக்கு என் பாராட்டுகள். அவரை நினைத்து பெருமையாக
உள்ளது. இதுபோன்ற முற்போக்கு சிந்தனைகள் தான், நம் நாட்டிற்கு மிகவும்
அவசியம்.இவ்வாறு அதில் கூறப்பட்டுள்ளது.

தினமலர்

**T.N.Balasubramanian** · **T.N.Balasubramanian** Sat 30 Apr 2022 - 12:38

வாழ்த்துவோம்.
உள்நாட்டில் கொள்கை வேறுபாடுகள் இருக்கலாம்
ஆனால் வெளி நாடுகளில் /மகாசபைகளில்
இந்தியாவை பெருமை பட செய்பவர்களை
போற்றுதல் மிகவும் அவசியம். வரவேற்கத்தக்கது.