பெட்ரோல் மீதான 200%, டீசல் மீதான 500% கலால் வரியை குறைத்திடுக" - பிடிஆர் தியாகராஜன்

**ayyasamy ram** · **ayyasamy ram** Thu Apr 28, 2022 12:09 pm

பெட்ரோல் மீதான 200% மற்றும் டீசல் மீதான 500% கலால் வரியை குறைத்திடுக என பிடிஆர் தியாகராஜன் தெரிவித்துள்ளார்.

அனைத்து மாநில முதலமைச்சர்களுடன் நேற்று காணொளி மூலம் ஆலோசனை நடத்திய பிரதமர் நரேந்திர மோடி, பெட்ரோல், டீசல் மீதான வாட் வரியை மாநில அரசுகள் குறைக்க வேண்டுமென வலியுறுத்தினார். தமிழ்நாடு உள்ளிட்ட மாநிலங்கள் வாட் வரியைக் குறைக்காமல் அடம்பிடிப்பதால், மக்களுக்கு அதிக சுமை ஏற்படுவதாக அவர் குற்றம்சாட்டினார்.

பிரதமர் மோடியின் இந்தப் பேச்சுக்குத் தமிழ்நாடு நிதியமைச்சர் பி.டி.ஆர்.பழனிவேல் தியாகராஜன் பதிலடி கொடுத்துள்ளார். மத்தியில் பாஜக ஆட்சி அமைந்ததிலிருந்து, கடந்த 8 ஆண்டுகளாக பெட்ரோல் - டீசல் மீதான மத்திய, மாநில அரசுகளின் வரி விகிதங்களை அவர் பட்டியலிட்டுள்ளார்.

இந்த 8 ஆண்டுகளில் பெட்ரோல் மீது மத்திய அரசு விதிக்கும் கலால் வரி சுமார் 200 சதவிகிதமும், டீசல் மீதான கலால் வரி 500 சதவிகிதமும் உயர்த்தப்பட்டுள்ளதாக பழனிவேல் தியாகராஜன் சுட்டிக்காட்டியுள்ளார். உயர்த்தப்பட்ட கலால் வரி விகிதத்தை 2014 ஆம் ஆண்டிலிருந்ததுபோல குறைக்குமாறு பிரதமரை அவர் கேட்டுக்கொண்டுள்ளார்.

-குமுதம்

**T.N.Balasubramanian** · **T.N.Balasubramanian** Thu Apr 28, 2022 1:17 pm

கலால் வரி சதவிகிதம் மண்டையை குழப்புகிறது.
எவ்வளவு சதவிகிதம் மத்திய அரசு விதிக்கிறது?
எவ்வளவு சதவிகிதம் மாநில அரசு விதிக்கிறது.?
விற்பனையாளர்கள் எவ்வளவு பெறுகிறார்கள்?

மாநில அரசு கையில் ஒன்றும் இல்லை என்றால்
எப்பிடி மாநில அரசுகள், நாங்கள் பதவிக்கு வந்தால்
10 ரூபாய் குறைப்போம் 20 ரூபாய் குறைப்போம் என்கிறார்கள்?

பெட்ரோல் மீதான 200%, டீசல் மீதான 500% கலால் வரியை குறைத்திடுக" - பிடிஆர் தியாகராஜன்

பெட்ரோல் மீதான 200%, டீசல் மீதான 500% கலால் வரியை குறைத்திடுக" - பிடிஆர் தியாகராஜன்

Re: பெட்ரோல் மீதான 200%, டீசல் மீதான 500% கலால் வரியை குறைத்திடுக" - பிடிஆர் தியாகராஜன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக