கைரேகைக்கு பதில் கருவிழி சரிபார்ப்பு முறை; ரேஷன் கடைகளில் அமல்படுத்த நடவடிக்கை

சென்னை :
''ரேஷன் கடைகளில் பரிசோதனை அடிப்படையில், கைரேகைக்கு
பதிலாக கண் கருவிழி சரி பார்ப்பு முறை அமல்படுத்தப்படும்,'' என,
உணவுத் துறை அமைச்சர் சக்கரபாணி தெரிவித்தார்

.சட்டசபையில், சிறப்பு கவன ஈர்ப்பு தீர்மானத்தின் மீது நடந்த விவாதம்:

தி.மு.க., - டி.ஆர்.பி.ராஜா: ரேஷன் கடைகளில் கைரேகை வைத்து பொருட்கள்
வாங்கும் நடைமுறை உள்ளது.

டெல்டா மாவட்டங்களில், முதியோர், விவசாயிகள் கைரேகை பதிவு
வைப்பதில் சிக்கல் உள்ளதாக தெரிவித்தனர். அதை தவிர்க்க, நவீன முறை
அறிமுகம் செய்யப்படுமா?

அமைச்சர் சக்கரபாணி:

இந்திய உணவு பாதுகாப்பு சட்டத்தின்படி, பொது வினியோக திட்டத்தில்
வழங்கப்படும் பொருட்கள், உண்மையான பயனாளிகளுக்கு செல்வதை
உறுதி செய்ய, பயனாளிகளின் ஆதார் எண் அடிப்படையில், விரல் ரேகை
சரி பார்க்கப்பட்டு பொருட்கள் வழங்கப்படுகின்றன.


ரேஷன் கார்டில் பெயர் உள்ள உறுப்பினர்கள் யார் வேண்டுமானாலும்,
விரல் ரேகை சரி பார்ப்புக்கு பின், பொருட்களை பெறலாம்; எந்த ரேஷன்
கடையிலும் பொருட்களை வாங்கலாம்.

வயோதிகம் உட்பட சில காரணங்களால், விரல் ரேகை சரி பார்ப்பு தோல்வி
அடையும் நிலையில், அவர்களுக்கு உணவுப் பொருட்களை மறுக்கக் கூடாது.

கடைக்கு வர இயலாத முதியோர், உடல் நலம் பாதிக்கப்பட்டோர் சார்பில்,
அவர்களின் பிரதிநிதி பொருட்களை பெற்றுக் கொள்ள, அனுமதி
அளிக்கப்பட்டுள்ளது.

இதற்கான படிவம் ரேஷன் கடைகளில் வழங்கப்படுகிறது.
படிவத்தில் விபரங்களை பூர்த்தி செய்து, ரேஷன் கடையில் கொடுத்தால்
போதும். வட்ட வழங்கல் ஆய்வு அலுவலர் ஆய்வு செய்து, ஒப்படைப்பு ஆணை
வழங்குவார். இதுவரை, 2.39 லட்சம் பேருக்கு, ஒப்படைப்பு ஆணை
வழங்கப்பட்டுள்ளது.ரேஷன் கடைகளில், இம்மாதம் 22ம் தேதி வரை, 1.79 கோடி
பரிவர்த்தனைகளில், 1.76 கோடி பரிவர்த்தனைகள், கைரேகை சரி பார்ப்புடன்
நடந்துள்ளன.

இது, 98.23 சதவீதம். கண் கருவிழி சரி பார்ப்பு முறை, மஹாராஷ்டிரா, தெலுங்கானா,
உத்தர பிரதேசம் உட்பட சில மாநிலங்களில் நடைமுறையில் உள்ளது.
இது, தமிழகத்தில் ஒரு ஊரகப் பகுதி மற்றும் ஒரு நகர பகுதியில், பரிசோதனை
அடிப்படையில் செயல்படுத்தப்படும்.

தனி நபர் அடையாளம்உறுதி செய்யப்பட்டு, ரேஷன் கடையில் பொருட்கள்
வழங்கப்படும். இந்த நடைமுறை சரியாக இருந்தால், இந்த திட்டத்தை செம்மையாக்கி,
மாநிலம் முழுதும் ரேஷன் கடைகளில் செயல்படுத்த நடவடிக்கை எடுக்கப்படும்.
இவ்வாறு விவாதம் நடந்தது.

-தினமலர்

அதெல்லாம் இருக்கட்டும்! டன் டன்னாக ரேசன் அரிசி ஆங்காங்கே பிடிபடுகிறதே அது எப்படி? ........ ..........