அழைப்பாயா அழைப்பாயா நொடியேனும் அழைப்பாயா

படம்- காதலில் சொதப்புவது எப்படி
பாடல்- கார்க்கி
இசை- எஸ்.தமன்
பாடியவர்- கார்த்திக் மற்றும் ஹரிணி

-----------------------


-
ஆண் : விழுந்தேனா தொலைந்தேனா
நிறையாமல் வழிந்தேனா
இல்லாத பூக்களை கிள்ளாமல் கொய்கிறேன்
சொல்லாமல் உன்னிடம் தந்துவிட்டுப் போகிறேன்

ஆண் : கால் இல்லா ஆமை போல்
காலம் ஓடுதே
இங்கே உன் இன்மை உணர்கிற போது
ஒரே உண்மை அறிகிறேன் நானே

ஆண் : எனக்குள்ளே நிகழ்ந்திடும் அது
உன் நெஞ்சிலும் உண்டா
என்றெண்ணி இருதயம் துடிக்குதே

ஆண் : அழைப்பாயா அழைப்பாயா
நொடியேனும் அழைப்பாயா
பிடிவாதம் பிடிக்கின்றேன்
முடியாமலே….அழைப்பாயா

பெண் : அழைப்பாயா அழைப்பாயா
படிக்காமல் கிடக்கின்றேன்
கடிகாரம் கடிக்கின்றேன்….
விடியாமலே…அழைப்பாயா

ஆண் : நான் என்ன பேச வேண்டும்
என்று சொல்லிப் பார்த்தேன்
நீ என்ன கூற வேண்டும்
என்றும் சொல்லிப் பார்த்தேன்
நான் அத்தனைக்கும் ஒத்திகைகள்
ஓடவிட்டுப் பார்த்தேன்….
நீ எங்கு புன்னகைக்க வேண்டும்
என்று கூட சேர்த்தேன்

ஆண் : நிலைமை தொடர்ந்தால்…
என்ன நான் ஆகுவேன்
மறக்கும் முன்னே அழைத்தால்…
பிழைப்பேன்…

பெண் : அழைப்பாயா அழைப்பாயா
அலைபேசி அழைப்பாயா
தலைகீழாய் குதிக்கின்றேன்
குரல் கேட்கவே…அழைப்பாயா
அழைப்பாயா அழைப்பாயா….
நடுஜாமம் விழிக்கின்றேன்

ஆண் : நாட்காட்டி கிழிக்கின்றேன்…..
உனைப் பார்க்கவே…அழைப்பாயா…

பெண் : ஹே பாதி தின்று
மூடிவைத்த தீனி போலவே
என் காதில் பட்டு
ஓடிப் போன பாடல் போலவே
என் நாசி மீது வீசி விட்ட
மாயமான வாசம் போலே
நீ பேசி வைக்கும் போது
ஏக்கம் மூடும் நெஞ்சின் மேலே

ஆண் : சுருங்கும் விரியும் புவியாய் மாறுதே
இதயம் இங்கே
வேற் ஏதோ… நேருதே…

ஆண் : அழைப்பாயா அழைப்பாயா
தவறாமல் அழைப்பாயா
பெண் : தவறாக அழைத்தாலும்
அது போதுமே…அழைப்பாயா

ஆண் : அழைப்பாயா அழைப்பாயா
ஹோ ஓ ஹோ ஓ ஓ ஓ
அழைப்பாயா அழைப்பாயா
மொழியெல்லாம் கரைந்தாலும்
மௌனங்கள் உரைத்தாலே
அது போதுமே….அழைப்பாயா….ஆஅ….