300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு

by **ayyasamy ram** Mon Apr 18, 2022 6:15 am

3
சண்டிகர் :
பஞ்சாபில், ஜூலை 1 முதல், ஒரு குடும்பத்திற்கு மாதம் 300 'யூனிட்' மின்சாரம்
இலவசமாக வழங்கப்படும் என அறிவிக்கப்பட்டுள்ளது.பஞ்சாபில், முதல்வர்
பகவந்த் மான் தலைமையில், ஆம் ஆத்மி ஆட்சி நடக்கிறது.

நேற்று, தலைநகர் சண்டிகரில் பகவந்த் மான் செய்தியாளர்களிடம் பேசியதாவது:

ஆம் ஆத்மி தேர்தல் அறிக்கையில் அறிவித்தபடி, ஜூலை 1 முதல், ஒரு குடும்பத்திற்கு
மாதம் 300 யூனிட் மின்சாரம் இலவசமாக வழங்கப்படும்.

மாற்றமில்லை

தொழிற்சாலைகளுக்கான மின் கட்டணத்தில் மாற்றம் ஏதுமில்லை.

விவசாயிகளுக்கு இலவச மின்சாரம் தொடர்ந்து வழங்கப்படும். பட்டியல் இனத்தவர்,
பிற்படுத்தப்பட்ட வகுப்பினர், வறுமைக் கோட்டிற்கு கீழ் உள்ள குடும்பங்களுக்கு மாதம்
200 யூனிட் இலவச மின்சாரம் வழங்குவது தொடரும்.இவ்வாறு அவர் பேசினார்.

இதை வரவேற்றுள்ள காங்., - எம்.எல்.ஏ., சுக்பால் சிங் கைரா, ''இலவச மின்சார திட்டத்தை
உடனே துவங்காமல் ஜூலை வரை தள்ளி வைக்க நிதிப் பற்றாக்குறை காரணமா,'' என,
கேள்வி எழுப்பியுள்ளார்.

கிண்டல்

இது பற்றி பஞ்சாப் முன்னாள் முதல்வர் அமரீந்தர் சிங் கூறுகையில்,
''இலவச மின்சாரம் குறித்த முழு விபரம் வந்தால் தான், நிபந்தனைகள் உள்ளதா என்பது
தெரிய வரும். பஞ்சாப் மின் நிறுவனம் தாக்குப் பிடிக்க வாழ்த்துகள்,'' என, கிண்டல்
செய்துள்ளார்.

-தினமலர்

by **krishnaamma** Mon Apr 18, 2022 6:33 pm

மஹா அபத்தம்... இப்படி எல்லாவற்றையும் இலவசம் என்று அறிவித்தால் கவர்மெண்டை எப்படி நடத்துவார்களாம்???? கோபம்

இலவசத்தைக்
கட்டுப்படுத்துங்கள் என்று னம் பிரதமர் சொல்லும்போது இவர்கள் வேண்டும் என்றே இப்படி ஆடுவதாகப் படுகிறது..... இப்படியே போனால் ஸ்ரீலங்கா போல ஆகவேண்டியது தான்...... ஊத்திக்கிச்சு

by **T.N.Balasubramanian** Mon Apr 18, 2022 7:05 pm

1970 களிலே நான், பஞ்சாப் போகவேண்டிய சந்தர்பம் கிடைத்தது.
நல்ல உழைப்பாளிகள். ஒரு சிலர் மிகவும் சாமர்த்தியசாலிகள். காலையில்
6 மணி அளவிலேயே ,சாலையோரங்களில் லேத் மெஷின் வைத்துக்கொண்டு
வேலை செய்து கொண்டு இருப்பார்கள்.ஆனால் சாலை மேலே செல்லும்
மின்கம்பிகளில் இருந்து இலவச மின்சாரம்.என்கூட வந்த பஞ்சாபியர் கூறியது.
மேலும் பிச்சையெடுக்கும் பஞ்சாபியரை பார்க்கவே முடியாது.
அதான் அரசே இப்ப இலவசமாக கொடுக்கிறது.

by **Dr.S.Soundarapandian** Mon Apr 18, 2022 7:07 pm

பணத்தை வீசி, வாக்குறுதிகளை வீசி , மதச் சண்டையை ஏற்படுத்தி, இதழ்களை விலைக்கு வாங்கி, ........... ஓட்டுப் பறிக்கும் பழக்கம்தான் நம் நாட்டில் உள்ளதே! தேர்தல் நடக்கவேண்டிய முறையிலா நடக்கிறது? எதையும் கூறலாம்! எதையும் செய்யலாம்! புகார் கூறினால், கொர்ர்ர்ர்ர்ர்ர் ........... பணப்பட்டுவாடா நடக்கிறது என்று எத்தனை புகார்கள்? யாராவது நடவடிக்கை எடுக்கிறார்களா? கன்டெய்னர்களில் போன பணத்தைப் பிடித்துக்கொடுத்தும் என்ன செய்தார்கள்?

by Sponsored content

300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு

300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு

Re: 300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு

Re: 300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு

Re: 300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு

Re: 300 'யூனிட்' மின்சாரம் இலவசம்; பஞ்சாப் அரசு அதிரடி அறிவிப்பு