திப்பிலி - மருத்துவ பயன்கள்

**ayyasamy ram** · **ayyasamy ram** Sun Apr 17, 2022 7:32 am

-

நோய் எதிர்ப்பு சக்தியை அதிகரிக்கக் கூடியது, திப்பிலி.
மேலும், இதில் தயாரிக்கப்படும் மருந்து, ஆஸ்துமா, மூக்கடைப்பு,
சைனஸ் தலைவலிக்கு சிறந்தது.

உடலில் ஏற்படும் தசை வலி, வயிற்றுப்போக்கு, தொழு நோய்,
முக்கியமாக, இருமல், கபம், சுவாசக்குழாய் அடைப்பு, மார்புச்சளி
ஆகியவற்றிற்கும் சிறந்த மருந்தாக பயன்படுகிறது.

திப்பிலி பொடி மற்றும் கடுக்காய் பொடி சம அளவு எடுத்து, தேன்
விட்டு குழைத்து, அரை தேக்கரண்டி அளவு தினமும் இருவேளை
சாப்பிட்டு வந்தால், இளைப்பு நோய் நீங்கும்.

உடல் வலி, முதுகு வலி மற்றும் வாத நோய்களுக்கு, கண்டந்திப்பிலி,
5 கிராம் எடுத்து அரைத்து, பாலில் கலந்து குடிக்க வேண்டும்.

திப்பிலி பொடி, 10 கிராம் எடுத்து, அரை மி.லி., பசும்பால் விட்டு
காய்ச்சி, இருவேளை குடித்து வர, இருமல் மற்றும் வாயுப் பிரச்னைகள்
குணமாகும்.

துாள் செய்த அரை தேக்கரண்டி திப்பிலியில் தேன் கலந்து,
இரு வேளையாக, ஒரு மாதம் சாப்பிட்டு வர, தேமல் குணமாகும்.

மூட்டு வலிக்கு, 2 கிராம் திப்பிலி பொடியை, 100 மி.லி., பாலில் கலந்து,
30 நாட்கள் தினமும் பருகினால், நல்ல பலன் கிடைக்கும்.

திப்பிலி, மிளகு, தோல் நீக்கிய சுக்கு ஆகியவற்றை சம அளவு எடுத்து,
வறுத்து, பொடியாக்கி, தேனுடன் கலந்து மூன்று வேளை சாப்பிட்டு வர,
வயிற்று வலி, வயிற்றுப் பொருமல், நீர்க்கோவை, தொண்டை கமறல்
குணமாகும்.

— ஏ.ராஜன்
வாரமலர்

**T.N.Balasubramanian** · **T.N.Balasubramanian** Sun Apr 17, 2022 12:41 pm

திப்பிலிகளில் இருவகை உண்டு.கண்ட திப்பிலி -அரிசி திப்பிலி.
கண்டா திப்பிலி ரசம் உடல் வலி ,இருமல் முதலியவற்றை போக்கும்.

**krishnaamma** · **krishnaamma** Mon Apr 18, 2022 1:00 pm

T.N.Balasubramanian wrote:திப்பிலிகளில் இருவகை உண்டு.கண்ட திப்பிலி -அரிசி திப்பிலி.
கண்டா திப்பிலி ரசம் உடல் வலி ,இருமல் முதலியவற்றை போக்கும்.

மேற்கோள் செய்த பதிவு: 1361215

ஆம்மாம் ஐயா, கண்டந்திப்பில்யை வைத்து தான் நாங்கள் ரசம் வைப்போம் ... பூண்டு சேர்க்காதவர்கள் இதை சேர்த்து ரசம் செய்வார்கள்... வாசனை என்னவோ பூண்டு ரசம் போலவே இருக்கும் புன்னகை

Sponsored content · Sponsored content

திப்பிலி - மருத்துவ பயன்கள்

திப்பிலி - மருத்துவ பயன்கள்

Re: திப்பிலி - மருத்துவ பயன்கள்

Re: திப்பிலி - மருத்துவ பயன்கள்

Re: திப்பிலி - மருத்துவ பயன்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக