Latest topics

சித்ரா பௌர்ணமியன்று ...

ஈகரை தமிழ் களஞ்சியம் :: ஆன்மீகம் :: இந்து

Page 1 of 1

சித்ரா பௌர்ணமியன்று ...

Post by ayyasamy ram Thu Apr 14, 2022 4:18 pm

-
* திருவக்கரை மகாகாளி தேவிக்கு சித்ரா பௌர்ணமியன்று
ஜோதி ஏற்றி வழிபட்டால் வக்ர தோஷங்கள் அகலும்.

* கோயில்களில் பிரம்மா நடத்தும் திருவிழாக்களுக்கு,
‘பிரம்மோத்ஸவம்’ என்று பெயர். மதுரையில் தேவேந்திரன்
சித்ரா பௌர்ணமி விழாவை நடத்தியதால் அது, ‘இந்திர விழா’
என பெயர் பெற்றது. சிவபெருமானின் சொற்படிதான் இந்திரன்
சித்ரா பௌர்ணமி விழாவை நடத்தியதாகக் கூறுகிறது
திருவிளையாடல் புராணம்.

* சித்ரா பௌர்ணமியன்று திருவண்ணாமலை கோயில் கிழக்கு
கோபுரத்தின் முன் நின்று பசு நெய் விட்டு, தாமரைத் தண்டு திரி
போட்டு விளக்கேற்றி உயர்த்திப் பிடித்தபடி அண்ணாமலையை
தரிசித்து கிரிவலம் தொடங்குவது புண்ணியம்.

* நாமக்கல் கொல்லிமலை அறப்பளீஸ்வரர் கோயிலில் சித்ரா
பௌர்ணமியன்று சித்தர்கள் நீராடிய பொய்கை, கோயில்
தீர்த்தமான சரபேஸ்வரர் தீர்த்தத்தில் கலப்பதாகப் புராணங்கள்
கூறுகின்றன.

* திருக்குற்றாலத்தில் உள்ள செண்பகா தேவிக்கு சித்ரா
பௌர்ணமியன்று சிறப்பு பூஜைகள் நடைபெறும். அப்போது
சந்தன வாசனையோடு கூடிய மழை பெய்யும் என்ற நம்பிக்கை
நிலவுகிறது.

* சித்ரா பௌர்ணமியன்று காஞ்சி வரதராஜரை பிரம்மா
பூஜிப்பதாக ஐதீகம். அவர் பெருமாளுக்கு நைவேத்தியம் செய்யும்
பிரசாதம் நறுமணம் வீசுமாம்.
-
தொகுப்பு-ஆர்.ராஜலட்சுமி
நன்றி-தீபம் -இதழ்
படம்-இணையம்

ayyasamy ram: வழிநடத்துனர்; பதிவுகள் : 84885
இணைந்தது : 30/09/2013