பூமிக்கு திரும்பிய ராக்கெட்டை நடுவானில் 'கேட்ச்' செய்து சாதனை

**T.N.Balasubramanian** · **T.N.Balasubramanian** Wed May 04, 2022 11:35 am

வெலிங்டன்: செயற்கைக்கோள்களை விண்ணில் நிலைநிறுத்திவிட்டு திரும்பிய ராக்கெட்டை, நடுவானில், ஹெலிகாப்டர்கள் மூலம், 'கேட்ச்' செய்து, நியூசிலாந்தைச் சேர்ந்த தனியார் விண்வெளி ஆராய்ச்சி நிறுவனம் சாதனை படைத்துள்ளது.

விண்ணுக்கு செயற்கைக்கோள்களை ஏந்திச் செல்லும் ராக்கெட்களை மீண்டும் பயன்படுத்த முடியாத நிலை இருந்தது. மீண்டும் பயன்படுத்தக் கூடிய ராக்கெட்களை, அமெரிக்க பணக்கார தொழிலதிபர் எலான் மஸ்க்கின், 'ஸ்பேஸ் எக்ஸ்' நிறுவனம் மட்டுமே தயாரித்துள்ளது.

பூமிக்கு திரும்பிய ராக்கெட்டை நடுவானில் 'கேட்ச்' செய்து சாதனை Gallerye_042745836_3021943

பூமிக்கு திரும்பிய ராக்கெட்டை நடுவானில் 'கேட்ச்' செய்து சாதனை Gallerye_042745836_3021943

இந்நிலையில், நியூசிலாந்தைச் சேர்ந்த தனியார் விண்வெளி ஆராய்ச்சி நிறுவனமான, 'ராக்கெட் லேப்' புதிய முயற்சியாக, பூமிக்கு திரும்பும் ராக்கெட்டை, நடுவானில் கேட்ச் செய்வதற்கான முயற்சியில் ஈடுபட்டது. இந்நிறுவனத்தின், 59 அடி உயரமுள்ள ராக்கெட், 34 செயற்கைக்கோள்களுடன் நேற்று விண்ணில் செலுத்தப்பட்டது. அவற்றை நிலைநிறுத்திய ராக்கெட், பாராசூட் வாயிலாக பூமிக்கு இறங்கிய போது நடுவானில், பூமியில் இருந்து, 6,500 அடி உயரத்தில், அதை ஹெலிகாப்டர் வாயிலாக கேட்ச் செய்ய முயற்சி மேற்கொள்ளப்பட்டது.
பூமிக்கு திரும்பிய ராக்கெட்டை நடுவானில் 'கேட்ச்' செய்து சாதனை Tamil_News_large_3021943

பூமிக்கு திரும்பிய ராக்கெட்டை நடுவானில் 'கேட்ச்' செய்து சாதனை Tamil_News_large_3021943

இதற்காக, ஹெலிகாப்டர்களில் நீண்ட கொக்கி மாட்டப்பட்டது. திட்டமிட்டபடி அந்த ராக்கெட்டை, ஹெலிகாப்டர் கேட்ச் செய்தது. ஆனால், அதிக பாரத்தை தாங்க முடியாமல், ராக்கெட்டை கீழே விட, அது கடலில் விழுந்தது.''ராக்கெட்டை கேட்ச் செய்யும் முயற்சியில் இது புதிய சாதனை,'' என, ராக்கெட் லேப் நிறுவனத்தின் தலைவர் பீட்டர் பெக் மகிழ்ச்சி தெரிவித்துள்ளார்.

நன்றி தின மலர்

**T.N.Balasubramanian** · **T.N.Balasubramanian** Wed May 04, 2022 11:57 am

Code:: திட்டமிட்டபடி அந்த ராக்கெட்டை, ஹெலிகாப்டர் கேட்ச் செய்தது. ஆனால், அதிக பாரத்தை தாங்க முடியாமல், ராக்கெட்டை கீழே விட, அது கடலில் விழுந்தது.''

நிச்சயமாக சாதனையாக கருதவேண்டியதே.
வாழ்த்துகள்.