சிலந்தி வலையின் புதிய பயன்!

**ayyasamy ram** · **ayyasamy ram** Sun Apr 10, 2022 5:53 am

-
சிலந்தி வலை பல நாடுகளில் ஆராய்ச்சி செய்யப்படும்
ஒரு இயற்கைப் பொருள். சிலந்திகள் தங்கள் வலுவான வசிப்பிடமாக,
தங்கள் உடலில் சுரக்கும் பொருட்களால் வலையை பின்னுகின்றன.

இரையைப் பிடிப்பதற்கான பொறியாகவும் சிலந்தி வலை பயன்படுகிறது.
இருந்தாலும், அண்மையில் தான் சிலந்தி வலையின் இன்னொரு பயன்
தெரிய வந்துள்ளது.

இங்கிலாந்திலுள்ள பிங்காம்டன் பல்கலைகழக விஞ்ஞானிகள், வலைகளை
வைத்து, தங்கள் கேட்கும் திறனை சிலந்திகள் மேம்படுத்துவதாக
கண்டறிந்துள்ளனர். அருகாமையில் ஏற்படும் ஒலி அலைகள் மற்றும் இதர
அதிர்வுகளை, சிலந்தி வலைகளில் பிரதிபலிக்கின்றன.

அப்போது ஏற்படும் அதிர்வுகளை வைத்து, சிலந்திகள் எச்சரிக்கை
அடையக்கூடும் என்று விஞ்ஞானிகள் கருதுகின்றனர்.

பிங்காம்டன் ஆய்வகத்தில் பல சிலந்திகளை வலை பின்ன வைத்து, சில
ஆண்டுகள் விரிவாக ஆராய்ச்சி செய்த பின், விஞ்ஞானிகள் இந்த முடிவுக்கு
வந்துள்ளனர்.சிலந்தி வலையின் அதிர்வுகளை கணக்கிட, 'லேசர் வைப்ரா
மீட்டர்' போன்ற அதிநவீன கருவிகளை பயன்படுத்தினர்.

இதன் வாயிலாக, காற்றின் வழியாக வரும் அதிர்வுகள் மற்றும் வலை
பின்னப்பட்டுள்ள பகுதியின் அதிர்வுகள் வழியாகவும் வலைகள் அதிர்கின்றன.

இந்த அதிர்வுகளை சிலந்திகள் தங்கள் தற்காப்புக்குப் பயன்படுத்தக்கூடும்
என விஞ்ஞானிகள் கருதுகின்றனர்.காலங்காலமாக ஆராயப்பட்டு வரும்
சிலந்தி வலை, தற்போது புதிய பயன்பாட்டை வெளிப்படுத்தியுள்ளது.
பிங்காம்டன் விஞ்ஞானிகள், இந்த கண்டு பிடிப்பை வைத்து, ஒலி வாங்கிகள்
மற்றும் காது கேளாதோருக்கு உதவும் கருவி போன்ற வற்றை உருவாக்க
முடியும் என்று தெரிவித்துள்ளனர்.

-அறிவியல் மலர், தினமலர்

சிலந்தி வலையின் புதிய பயன்!

சிலந்தி வலையின் புதிய பயன்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக