சொத்துவரி உயர்வு – அமைச்சர் கே.என்.நேரு விளக்கம்!

**ayyasamy ram** · **ayyasamy ram** Sun Apr 03, 2022 7:11 pm

சென்னை மாநகராட்சியில் உயர்த்தப்பட்டுள்ள சொத்துவரி குறித்து அமைச்சர் கே.என்.நேரு விளக்கமளித்துள்ளார்.

இது குறித்து செய்தியாளர்களை சந்தித்த அவர் “தமிழ்நாட்டில் மத்திய அரசு நியமித்த 15வது நிதி ஆணையத்தின் பரிந்துரையின் அடிப்படையில் உள்ளாட்சி அமைப்புகளில் சொத்துவரி உயர்த்தப்பட்டது. அதன் பிறகே மத்திய அரசின் மானியங்கள் விடுவிக்கப்படும் எனவும் தெரிவித்தது.

அதன் அடிப்படையில் சென்னை மாநகராட்சியை பொறுத்த வரையில்24 ஆண்டுகள் வரை சொத்துவரி உயர்த்தப்படவில்லை. ஆனால் தற்போது 24 ஆண்டுகளுக்கு பிறகு சொத்துவரி உயர்வு ஏற்பட்டுள்ளது. மற்ற பகுதிகளில் 14 ஆண்டுகளுக்கு பிறகு இப்போது தான் வரி உயர்வு ஏற்பட்டுள்ளது.

இந்த சொத்துவரி எப்படி என்றால் சந்தை மதிப்பு, பணவீக்கம், மொத்த உள்நாட்டு உற்பத்தி போன்ற காரணங்களை பரிசீலித்து இந்த முடிவுகள் எடுக்கப்பட்டுள்ளது. தமிழ்நாட்டில் உள்ள பெரும்பாலான நகராட்சி, பேரூராட்சி போன்ற உள்ளாட்சி அமைப்புகளில் சொத்துவரி பெருமளவு குறைந்துள்ளது. ஆனால் செலவினம் பலமடங்கு உயர்ந்துள்ளது.

கடந்த 2010-2011 ம் ஆண்டில் சென்னை மாநகராட்சியின் சொத்து வருவாய் மதிப்பு 60%ஆக இருந்தது. ஆனால், 2015-2016 ல் 51% ஆக குறைந்தது. இப்போது 2020-2021 ல் 41% ஆக வருவாய் குறைந்துள்ளது.

மேலும், இந்தியாவை பொறுத்தவரை தமிழ்நாட்டில் மட்டும் தான் அதிகளவு நகர்ப்புற பகுதி உள்ளது. எனவே நகர்ப்புறத்தில் பெருகி வரும் மக்கள்தொகை அடிப்படையில் அவர்களுக்கு வேண்டிய வசதிகள் செய்து கொடுப்பதற்கும், புதிய மேம்பாலங்கள், நவீன பள்ளிக்கூடங்கள், பூங்காக்கள் போன்ற வசதிகள் செய்து தருவதற்கும் உள்ளாட்சி அமைப்புகள் தங்கள் சொந்த வருவாயை செலவும் செய்யும் வழி ஏற்பட்டுள்ளது.

ஆனால், தற்போது அறிவிக்கப்பட்டுள்ள இந்த சொத்துவரி உயர்வு ஏழை மற்றும் நடுத்தர மக்களை அதிகம் பாதிக்கப்படாத வகையில் மிகவும் கவனத்துடன் முதல்வர் ஸ்டாலின் அவர்கள் இந்த முடிவை எடுத்துள்ளார்கள்.

ஏற்கனவே 2018 ல் உயர்த்தப்பட வேண்டிய சொத்துவரியை தேர்தல் வரும் என்பதால் அதிமுக நிறுத்து வைத்தது. ஆனால், தற்போது மத்திய அரசின் 15 வது நிதிக்குழு இந்த வரியை உயர்த்தினால் மட்டுமே ரூ.15 ஆயிரம் கோடி நிதியை விடுவிப்பதாக கூறியதால் மட்டுமே சொத்துவரி உயர்த்தப்பட்டுள்ளது” என்று தெரிவித்துள்ளார்.

-குமுதம்

**T.N.Balasubramanian** · **T.N.Balasubramanian** Sun Apr 03, 2022 8:50 pm

குற்றவாளிகள் எப்போதும் முந்தைய அரசே.
அதனால்தானே உங்களை தேர்ந்து எடுத்தார்கள்.
அவர்கள் ஆரம்பித்த திட்டங்கள் இப்போது முடிவடையும்
போது,ஏதோ உங்களால்தான் அது முடிந்த மாதிரி ஒரு
மாயத்தோற்றத்தையை உண்டாக்குவது
சறுக்கும் போது முந்தைய அரசை சாடுவது.
அரசியலில் எல்லாம் சகஜம் .

**Dr.S.Soundarapandian** · **Dr.S.Soundarapandian** Mon Apr 04, 2022 1:07 pm

உள்ளாட்சித் தேர்தலின் போது ...........கம்கம்கம்கம்!
வெற்றி பெற்ற பிறகு ............... கும்கும்கும்கும்கும்!

**krishnaamma** · **krishnaamma** Mon Apr 04, 2022 7:10 pm

T.N.Balasubramanian wrote:குற்றவாளிகள் எப்போதும் முந்தைய அரசே.
அதனால்தானே உங்களை தேர்ந்து எடுத்தார்கள்.
அவர்கள் ஆரம்பித்த திட்டங்கள் இப்போது முடிவடையும்
போது,ஏதோ உங்களால்தான் அது முடிந்த மாதிரி ஒரு
மாயத்தோற்றத்தையை உண்டாக்குவது
சறுக்கும் போது முந்தைய அரசை சாடுவது.
அரசியலில் எல்லாம் சகஜம் .

மேற்கோள் செய்த பதிவு: 1360629

சொத்துவரி உயர்வு – அமைச்சர் கே.என்.நேரு விளக்கம்! LrlzBtd