ராஜகண்ணப்பனிடமிருந்து போக்குவரத்து துறை பறிப்பு

-

தி.மு.க., அமைச்சரவை பொறுப்பேற்றதில் இருந்து, அடுத்தடுத்து
சர்ச்சைகளில் சிக்கிய, அமைச்சர் ராஜகண்ணப்பன் வசமிருந்த
போக்குவரத்து துறை பறிக்கப்பட்டு உள்ளது. பிற்படுத்தப்பட்டோர் ந
லத் துறை அமைச்சராக அவர் நியமிக்கப்பட்டு உள்ளார்.

முதுகுளத்துார் தொகுதி எம்.எல்.ஏ.,வான ராஜகண்ணப்பன்
அமைச்சரானதில் இருந்து, பல்வேறு சர்ச்சைகளில் சிக்கி வருகிறார்.
௨௦௨௧ ஆகஸ்ட் மாதம், விடுதலை சிறுத்தைகள் கட்சி தலைவர்
திருமாவளவன், அமைச்சர் ராஜகண்ணப்பன் வீட்டுக்கு சென்றார்.

அப்போது, அமைச்சர் சொகுசான சோபாவில் அமர்ந்திருக்க,
திருமாவளவனுக்கு பிளாஸ்டிக் நாற்காலி தரப்பட்டது.
அந்த புகைப்படம் வெளியாகி சர்ச்சையானது.
அதற்கு திருமாவளவன் முற்றுப்புள்ளி வைத்தார்.

கடந்த ஆண்டு தீபாவளி பண்டிகையின்போது, போக்குவரத்துக்
கழகத் தொழிலாளர்களுக்கு இனிப்பு வழங்குவதற்காக, தனியார்
நிறுவனங்களுக்கு 'ஆர்டர்' வழங்கப்பட்டது. இதற்கு எதிர்க்கட்சிகள்
எதிர்ப்பு தெரிவித்தன; அந்த உத்தரவு ரத்து செய்யப்பட்டது.

அடுத்து டிசம்பர் மாதம், தமிழகம் முழுதும் போக்குவரத்துக்
கழகங்களுக்கு வழக்கறிஞர்கள் நியமிக்கப்பட்டனர்.
அந்தப் பட்டியலில், அமைச்சர் சமூகத்தைச் சேர்ந்தவர்களும், மாற்றுக்
கட்சியைச் சேர்ந்தவர்களும், அதிகம் இருப்பதாக புகார் எழுந்தது.
அதைத் தொடர்ந்து, வழக்கறிஞர்கள் நியமனத்தை ரத்து செய்து,
ஆணை பிறப்பிக்கப்பட்டது.

போக்குவரத்து துறை ஆணையர் அலுவலகத்தில், துணை ஆணையர்
நடராஜன், பதவி உயர்வுக்கு லஞ்சம் பெறுவதாக வந்த புகார்
அடிப்படையில், மார்ச் 14ம் தேதி, லஞ்ச ஒழிப்புப் பிரிவு போலீசார் அதிரடி
சோதனை நடத்தினர்; 35 லட்சம் ரூபாய் பறிமுதல் செய்தனர்.

இது, துறையில் நடக்கும் ஊழலை அம்பலப்படுத்தியது. கடந்த வாரம்,
அரசு விரைவு பஸ்கள், சாலையோர ஹோட்டல்களில் நிற்பதற்கான
'டெண்டர்' வெளியிடப்பட்டது. அதில், 'சைவ உணவு மட்டுமே
பயணியருக்கு பரிமாறப்பட வேண்டும்' என கூறப்பட்டதற்கும் எதிர்ப்பு
வந்தது;

பின், நிபந்தனை விலக்கி கொள்ளப்பட்டது. இரு தினங்களுக்கு முன்பு,
ராமநாதபுரம் மாவட்டம், முதுகுளத்துார் வட்டார வளர்ச்சி அலுவலர்
ராஜேந்திரன், தன்னை ஜாதி பெயர் கூறி, அமைச்சர் ராஜகண்ணப்பன்
ஒருமையில் திட்டியதாக குற்றம் சாட்டினார்.

இதற்கிடையில், நேற்று முன்தினம் தொழிற்சங்கங்கள் நடத்திய
போராட்டத்தின்போது, அரசு பஸ்கள் சரிவர இயக்கப்படாதது, மக்களிடம்
அதிருப்தியை ஏற்படுத்தியது. பா.ம.க., உள்ளிட்ட கட்சிகள், 'அரசு கடமை
தவறி விட்டது' என கண்டித்தன.

இப்படி தொடர்ந்து சர்ச்சையில் சிக்கியதால், ராஜகண்ணப்பனை மாற்ற,
முதல்வர் முடிவு செய்தார். அவரிடம் இருந்த முக்கியமான போக்குவரத்து
துறை பறிக்கப்பட்டு, அவர் பிற்படுத்தப்பட்டோர் நலத் துறை அமைச்சராக
நியமிக்கப்பட்டு உள்ளார்.

பிற்படுத்தப்பட்டோர் நலத் துறை அமைச்சராக இருந்த சிவசங்கர்,
போக்குவரத்து துறை அமைச்சராக நியமிக்கப்பட்டு உள்ளார். இவர்,
அரியலுார் மாவட்ட செயலராகவும், குன்னம் தொகுதி எம்.எல்.ஏ.,வாகவும்
உள்ளார்.-

நமது நிருபர் --தினமலர்