ஒரு பக்க கதைகள் !

**ayyasamy ram** · **ayyasamy ram** Thu Mar 24, 2022 5:46 pm

First topic message reminder :

தீர்வு

------

-
‘நிஜமாவே என்னை நீங்க விரும்புறீங்களா? நாம கல்யாணம் செஞ்சுக்கிட்டு சந்தோஷமா குடும்பம் நடத்த முடியுமா?’’ ‘‘ஷ்யூர்... நீ இருபதாயிரம் சம்பாதிக்கிறே. நான் இருபதாயிரம் சம்பாதிக்கிறேன். குடும்பம் நடத்த முடியாதா?’’

‘‘கல்யாணத்துக்குப் பிறகும் எங்க அப்பா - அம்மா என்னோட தான் இருப்பாங்க!’’
‘‘ம்ம்... சரி... சமாளிச்சுக்கலாம்!’’

‘‘என் தங்கச்சியும் தம்பியும் என்னோடதான் இருப்பாங்க...’’

‘‘ம்ம்... பார்த்துக்கலாம்!’’
‘‘அம்மாவுக்கு ஆஸ்துமா. அப்பாவுக்கு சுகர். டாக்டர் செலவே மாசம் எட்டாயிரம் ஆகிடும்!’’
‘‘அப்படியா?’’

‘‘தம்பிக்கு புத்தி சுவாதீனம் இல்ல. அவனைப் பார்த்துக்க தனியா ஆள் போடணும். தங்கச்சிக்கும் ஒரு விபத்துல கால் முறிஞ்சிருச்சு. உங்களை மாதிரி ஒருத்தர் மாப்பிள்ளையா வர்ற வரைக்கும் ந £மதான் அவளைப் பராமரிக்கணும்!’’

‘‘என்னது? சரி... சரி... மத்த விஷயங்களை அப்புறமா பேசிக்கலாம். கொஞ்சம் அவசரமா போக வேண்டியிருக்கு!’’

‘அப்பாடா... நான் விட்ட கதையை நம்பி மிரண்டு போய் விட்டான். என் சம்பளத்துக்காக மட்டுமே என்னைச் சுற்றி வந்த இவனால் இனி பிரச்னை இருக்காது!’ - நிம்மதியானாள் அவள்.

தஞ்சை தாமு
நன்றி-குங்குமம்

**ayyasamy ram** · **ayyasamy ram** Wed Mar 30, 2022 3:34 pm

கன்னி - ஒரு பக்க கதை

-

-
எனக்கு ஏகமாய் அரிப்பெடுத்தது.
உடனடித்தேவை ஒரு டீன் ஏஜ் இளசு. அவள் தான் சுத்தமாய்
சகலத்தையும் முடிப்பாள்.

சே போனவாரம் தெரியாத்தனமா அந்த கிழ போல்டு கீதாவை
கூப்பிட்டுட்டேன். அவ எல்லாத்தையும் முடிக்க ரெண்டு மணி
நேரமாச்சி.

கோடி வீட்டு கோமளாவோட வேலை சுத்தம்னு கேள்விப்பட்டு
ஒரு நாள் அவளை கூப்பிட அவ ரொம்பதான் பிகு
பண்ணிக்கிட்டாள். உங்களுக்கு எப்பவும் இதே வேளை தான்
கடைசியில அவ வேலை தொடங்குறதுக்கு முன்னாடியே
புருஷன் வந்துட்டான்னு துண்டைக்காணோம். துணியை
காணோம்னு ஓடிட்டாள்.

அதான் இப்பல்லாம் நான் கன்னிப்பெண்ணாய் பார்த்து
பிடிக்கிறேன். தூரத்தில் யார் அது? அட நம்ம காலேஜ் ஜொள்
கிருத்திகா

வாடியம்மா கிருத்தி நல்ல சமயத்தில வந்தே. என் அரிப்பை
தீர்க்க.ம்ஹூம் நான் மாட்டேன். எனக்கு வெட்கமா இருக்கு.

அடச்சீ இதுல வெட்கப்பட என்ன இருக்குடி? ஊர்ல யாரும்
செய்யாததா? வாடி. வந்து பேன் பாருடி. தலை பயங்கரமா
அரிக்குது.

என் வெள்ளிக்கூந்தலை அவிழ்த்து விட்டு அவள் முன்னே தலை
குனிந்தேன் நான் ø. மீன்இந்த பத்மா பாட்டி.
-
நன்றி-தினமலர்

**ayyasamy ram** · **ayyasamy ram** Wed Mar 30, 2022 3:38 pm

கெட்டது – ஒரு பக்க கதை

-
அந்த வங்கியின் பாதுகாப்புப் பெட்டக அறைக்குள் எல்லாம்
சரியாக இருக்கிறதா என்று பார்வையிட நுழைந்தான் அஸிஸ்டென்ட்
மேனேஜர் மாதவன். ஒரு லாக்கருக்குக் கீழே மினுமினுப்பாக ஏதோ
தட்டுப்பட்டது. எடுத்துப் பார்த்தால் தங்க மோதிரம்.

சற்று முன்பு லாக்கரைத் திறந்து தன் பொருட்களை எடுத்த
வாடிக்கையாளர்தான் விட்டிருக்கிறார் என்பது மாதவனுக்கு
உறுதியாகத் தெரிந்தது.

இதை அவரிடமே ஒப்படைக்க வேண்டுமா? சுற்றும் முற்றும்
பார்த்தான். யாரும் இல்லை. மோதிரம் அரை பவுன் தேறும்.
லாக்கரில் வைக்கும் நகைகளுக்கு கஸ்டமர்களே பொறுப்பு
என்பதால் பிரச்னை வர வாய்ப்பில்லை.

சட்டென்று அதை பாக்கெட்டில் போட்டுக் கொண்டு இருக்கையில்
வந்து அமர்ந்தான் மாதவன்.மாலை உற்சாகமாய் வீடு திரும்பியவனை
அழுதபடி வரவேற்றாள் மனைவி.

‘’ஏம்மா அழறே?’’

‘‘ஹவுசிங் லோன் கட்ட 10 ஆயிரம் ரூபாய் எடுத்துட்டு பஸ்ல
போனேங்க. எவனோ பையை கிழிச்சி பணத்தை எடுத்துட்டான்.
திரும்பி வரக் கூட காசில்லாம நடந்தே வந்தேன். நாம யாருக்கும்
கெட்டது நினைச்சதில்லையே. ஏங்க இப்படி?’’ –
கேட்ட மனைவியை அவனால் நிமிர்ந்து பார்க்க முடியவில்லை.

மறுநாள் முதல் வேலையாக அந்த வாடிக்கையாளரை வரவழைத்து
மோதிரத்தைக் கொடுத்துவிட முடிவு செய்தான்.

- பத்மா சபேசன் (மார்ச் 2014)
குங்குமம்

**ayyasamy ram** · **ayyasamy ram** Fri Apr 01, 2022 8:41 am

**krishnaamma** · **krishnaamma** Fri Apr 01, 2022 2:27 pm

ayyasamy ram wrote:
கெட்டது – ஒரு பக்க கதை

-
அந்த வங்கியின் பாதுகாப்புப் பெட்டக அறைக்குள் எல்லாம்
சரியாக இருக்கிறதா என்று பார்வையிட நுழைந்தான் அஸிஸ்டென்ட்
மேனேஜர் மாதவன். ஒரு லாக்கருக்குக் கீழே மினுமினுப்பாக ஏதோ
தட்டுப்பட்டது. எடுத்துப் பார்த்தால் தங்க மோதிரம்.

சற்று முன்பு லாக்கரைத் திறந்து தன் பொருட்களை எடுத்த
வாடிக்கையாளர்தான் விட்டிருக்கிறார் என்பது மாதவனுக்கு
உறுதியாகத் தெரிந்தது.

இதை அவரிடமே ஒப்படைக்க வேண்டுமா? சுற்றும் முற்றும்
பார்த்தான். யாரும் இல்லை. மோதிரம் அரை பவுன் தேறும்.
லாக்கரில் வைக்கும் நகைகளுக்கு கஸ்டமர்களே பொறுப்பு
என்பதால் பிரச்னை வர வாய்ப்பில்லை.

சட்டென்று அதை பாக்கெட்டில் போட்டுக் கொண்டு இருக்கையில்
வந்து அமர்ந்தான் மாதவன்.மாலை உற்சாகமாய் வீடு திரும்பியவனை
அழுதபடி வரவேற்றாள் மனைவி.

‘’ஏம்மா அழறே?’’

‘‘ஹவுசிங் லோன் கட்ட 10 ஆயிரம் ரூபாய் எடுத்துட்டு பஸ்ல
போனேங்க. எவனோ பையை கிழிச்சி பணத்தை எடுத்துட்டான்.
திரும்பி வரக் கூட காசில்லாம நடந்தே வந்தேன். நாம யாருக்கும்
கெட்டது நினைச்சதில்லையே. ஏங்க இப்படி?’’ –
கேட்ட மனைவியை அவனால் நிமிர்ந்து பார்க்க முடியவில்லை.

மறுநாள் முதல் வேலையாக அந்த வாடிக்கையாளரை வரவழைத்து
மோதிரத்தைக் கொடுத்துவிட முடிவு செய்தான்.

- பத்மா சபேசன் (மார்ச் 2014)
குங்குமம்

நல்ல கதை தான்...ஆனால் இவையெல்லாம் வர வர கதைகளில் மட்டுமே நடக்கிறது.... கொஞ்சம் கூட நெஞ்சில் பாவ புண்ணியம் பார்க்காதவர்கள் தான் நன்றாக இருக்கிறார்கள்.... கலி முற்றுகிறது ...இப்போதே.... சோகம்