இன்றைய செய்தி சுருக்கம்!

**ayyasamy ram** · **ayyasamy ram** Wed 30 Mar 2022 - 13:44

பெட்ரோல், டீசல் விலை இன்றும் அதிகரித்துள்ளது. சென்னையில்
பெட்ரோல் விலை லிட்டருக்கு 75 காசுகள் அதிகரித்து ரூ.106.69க்கு
விற்பனை செய்யப்படுகிறது. டீசல் விலை லிட்டருக்கு 76 காசுகள்
அதிகரித்து ரூ.96.76க்கு விற்பனை செய்யப்படுகிறது. கடந்த
9 நாட்களில் 8 முறை பெட்ரோல், டீசல் விலை உயர்ந்துள்ளது
குறிப்பிடத்தக்கது.
-----------------------------------------
-
போக்குவரத்துத் துறை அமைச்சராக இருந்த ராஜகண்ணப்பன்,
பிற்படுத்தப்பட்டோர் நலத் துறைக்கு மாற்றப்பட்டார்.
பிற்படுத்தப்பட்டோர் நலத் துறை அமைச்சராக இருந்த சிவசங்கர்
போக்குவரத்துத் துறை அமைச்சராக்கப்பட்டார்.
-----------------------------------
-
அரசின் நலத் திட்டங்களை மக்களுக்கு எடுத்துச் செல்லுங்கள்
என்று பாஜக எம்.பி.க்களுக்கு பிரதமர் மோடி அறிவுறுத்தியுள்ளார்.
--------------------------------

**ayyasamy ram** · **ayyasamy ram** Wed 30 Mar 2022 - 13:45

பெட்ரோல் விலை உயர்வு: மத்திய நிதி அமைச்சர் விளக்கம்

-
“கச்சா எண்ணெய் வினியோகத்தில் தடங்கல்,
போர் காரணமாக சர்வதேச சந்தையில் கச்சா எண்ணெய் விலை
உயர்வு ஆகியவை கடந்த 2 வாரங்களாக நடந்து கொண்டிருக்கிறது.
இதனால் தான் 8 நாட்களாக பெட்ரோல்-டீசல் விலை உயர்ந்து
வருகிறது. சர்வதேச விலைக்கு ஏற்ப மத்திய அரசு செயல்பட்டு
கொண்டிருக்கிறது” என்று மத்திய நிதி அமைச்சர் நிர்மலா
சீதாராமன் மாநிலங்களவையில் விளக்கம் அளித்தார்.
----------------------------------
-
உக்ரைன் தலைநகர் கீவில் ரஷ்ய படைகள் திரும்பப் பெறப்படவில்லை;
இடமாற்றம்தான் செய்யப்படுகிறது. கீவில் ரஷ்ய படைகள் குறைக்கப்
படுவதாக ரஷ்ய அரசு அறிவித்திருப்பது ஏமாற்றும் செயல் என்று
அமெரிக்கா குற்றம்சாட்டியுள்ளது.
------------------------------------
-
“இஸ்ரேல், அரபு பயங்கரவாத அலையில் சிக்கியுள்ளது.
ஒரே வாரத்தில் தொடர்ந்து 3 பயங்கரவாத தாக்குதல் நடந்துள்ள
நிலையில் நாட்டின் பாதுகாப்பு சூழலை ஆய்வு செய்ய அவசர
கூட்டம் கூட்டப்படும்” என்று இஸ்ரேல் பிரதமர் நப்தலி பென்னெட்
தெரிவித்தார்.
--------------------------------------
-
மகாராஷ்டிர மாநிலம், புணே நகரில் செவ்வாய்க்கிழமை நடைபெற்ற
5ஆவது லீக் ஆட்டத்தில் சன்ரைசர்ஸ் ஐதராபாத் அணியை ராஜஸ்தான்
ராயல்ஸ் அணி 61 ரன்கள் வித்தியாசத்தில் வீழ்த்தியது.
-
-------------------------------------

தமிழ் இந்தியன் எக்ஸ்பிரஸ்