அதிகாரிகளை வெளியேற்றிய அடியாட்கள்: உச்ச நீதிமன்றம் அதிர்ச்சி

புதுடில்லி,-
'தனியார் நிறுவனத் துக்கு சொந்தமான குடியிருப்பில் இருந்த மத்திய
அரசு அதிகாரிகளை, அந்நிறுவனம் அடியாட்களை வைத்து
வலுக்கட்டாயமாக வெளியேற்றிய சம்பவம் அதிர்ச்சியளிக்கிறது' என,
உச்ச நீதிமன்றம் தெரிவித்துள்ளது.

வாடகை பாக்கி

டில்லியில் கான் மார்கெட் பகுதியில், 'சோபா சிங் அண்ட் சன்ஸ்' என்ற
தனியார் நிறுவனத்துக்கு சொந்தமான அடுக்குமாடி குடியிருப்பில்,
மத்திய அரசு அதிகாரிகள் குடியிருந்து வந்தனர்.

இவர்கள் நிறுவனத்துக்கு சரியாக வாடகை தரவில்லை என கூறப்படுகிறது.
இதையடுத்து, அந்த நிறுவனம் சார்பில், டில்லி உயர் நீதிமன்றத்தில் வழக்கு
தொடரப்பட்டது.

வழக்கை விசாரித்த உயர் நீதிமன்றம், அந்த நிறுவனத்துக்கு வாடகை
பாக்கியை உடனடியாக வழங்க, மத்திய அரசுக்கு உத்தரவிட்டது.

இதை எதிர்த்து, மத்திய அரசு உச்ச நீதிமன்றத்தில் வழக்கு தொடர்ந்தது.
இதற்கிடையே, தங்கள் இடத்தில் வசிக்கும் அதிகாரிகளை வெளியேற்ற
அனுமதி கோரி, வாடகை கட்டுப்பாட்டாளரிடம் சோபா சிங் நிறுவனம் மனு
கொடுத்தது. விசாரணைவாடகை கட்டுப்பாட்டாளர் அதிகாரிகளை
வெளியேற்ற அனுமதியளித்தார்.

இதையடுத்து, சோபா சிங் நிறுவனம் அடியாட்களை அனுப்பி, குடியிருப்பில்
இருந்த அதிகாரிகளை வெளியேற்றியது. இந்நிலையில், இந்த வழக்கு
விசாரணை, உச்ச நீதிமன்றத்தில் தலைமை நீதிபதி என்.வி.ரமணா, நீதிபதிகள்
கிருஷ்ணா முராரி, ரவிக்குமார் அடங்கிய அமர்வு முன் நேற்று நடந்தது.

அப்போது, மத்திய அரசு சார்பில் ஆஜரான சொலிசிட்டர் ஜெனரல் துஷார் மேத்தா,
அடியாட்களை அனுப்பி, அரசு அதிகாரிகளை சோபா சிங் நிறுவனம்
வலுக்கட்டாயமாக வெளியேற்றியது பற்றி தெரிவித்தார்.

இதைக் கேட்ட நீதிபதிகள், 'அடியாட்களை அனுப்பி, அரசு அதிகாரிகளை
வலுக்கட்டாயமாக வெளியேற்றியது அதிர்ச்சியளிக்கிறது. இது பற்றி அடுத்த
வாரம், அதற்கான அமர்வு விசாரிக்கும்' என உத்தரவிட்டனர்.

தினமலர்

யாரும் யாருக்கும் காரணமில்லாமல் ஒரு காரியம் செய்யமாட்டார்கள்.

வழக்கை விசாரித்த உயர் நீதிமன்றம், அந்த நிறுவனத்துக்கு வாடகை
பாக்கியை உடனடியாக வழங்க, மத்திய அரசுக்கு உத்தரவிட்டது.

அரசு உடனடியாக வாடகை பாக்கியை தரவில்லையா? வேறு ஏதாவது தடை இருந்தால் அதை முறையாக தீர்த்துக்கொண்டு இருக்கலாமே. அரசு ஒரு வழிகாட்டியாக இருக்கவேண்டும். தங்கள் பக்கம் நியாயம் இருக்கின்றது என்றால் "ஸ்டே " வாங்கி இருக்கலாமே.!

போக போக தான் தெரியும்.

"யாரும் யாருக்கும் காரணமில்லாமல் ஒரு காரியம் செய்யமாட்டார்கள்."-
கொலை செய்பவர்களுக்கும் இது பொருந்துமா?

Dr.S.Soundarapandian wrote: "யாரும் யாருக்கும் காரணமில்லாமல் ஒரு காரியம் செய்யமாட்டார்கள்."-
கொலை செய்பவர்களுக்கும் இது பொருந்துமா?

மேற்கோள் செய்த பதிவு: 1360093

நிச்சயமாக பொருந்தும்.
பொழுது போவதற்காக யாரும் யாரோ ஒருவரை கொலை செய்யமாட்டார்கள் .
நிச்சயமாக இருக்கும். ஆழ்ந்து விசாரித்தால் தெளிவாகும்.
வீட்டிலேயே எடுத்துக்கொள்ளலாமே அய்யா.
கடிக்கும் கொசுவை கொலை செய்கிறோம்
கடிக்கும் மூட்டை பூச்சியை கொலை செய்கிறோம்.

@Dr.S.Soundarapandian

திங்கட்கிழமை டைம்ஸில் வந்த தகவல்.
சர் சோபா சிங் --சோபா சிங் கம்பெனி சேர்மேன் கூறியது.
" அடியாட்களை நியமிக்கவில்லை. கோர்ட் அமீனா ( பைலிஃ)
முறையாக தன் ஆட்களுடன் வந்து வெளியேற்றினார்.
20 வருடமாக நடந்த கேஸ்.மார்ச் 3 தேதியே , வீட்டை ஒப்படைக்க கூறியிருந்தோம். அன்று கூட யாரையும் வெளியேற்றவில்லை.
அமீனாவும் போலீஸ் அதிகாரிகளும் மீண்டும் அவர்களை வீடுகளை
ஒப்படைக்கக் கூறி வேண்டுகோள்தான் விடுத்தனர். யாரையும் வீட்டை விட்டு
வெளியேற்றவில்லை எனக் கூறினார்.

அது ஒரு பக்கம் இருக்க தேர்தலில் தோற்ற MP களும் வீடுகளை காலி பண்ணமாட்டேன் என்கிறவர்களும் உண்டு.

@Dr.S.Soundarapandian