அழகு தெய்வமாக வந்து காவடிச் சிந்து---செஞ்சுருட்டி

by **ayyasamy ram** Wed Mar 23, 2022 12:26 pm

இயற்றியவர்: அண்ணாமலை ரெட்டியார்

-

அழகு தெய்வமாக வந்து காவடிச் சிந்து---செஞ்சுருட்டி Palani-murugan

-
அழகு தெய்வமாக வந்து பழனி மலை மீதில் நிற்போன்
ஆதி சக்தி அன்னை தந்த பாலன் - அவன்
அசுரர் தம்மை வென்ற வடிவேலன் - நல்ல
அமுதமென்னுமோர் தமிழில் பாடிடும்
அன்பர் வாழவே கருணை செய் குகன்
அரன் உகந்த குருவாம் உயர் சீலன் -என்றும்
அருள் சுரந்தே காக்கும் அனுகூலன்

குழந்தையாக குமரனாக கோவணாடைத் துறவியாக
கோலம் கொள்ளும் காட்சி என்ன சொல்வேன்? - கண்டு
கூடும் மாய வினைகள் யாவும் வெல்வேன்! - இந்த
குவயலத்திலோர் கலியுகப் பெரு வரதனாய்த் திகழ்ந்தருளும் கந்தனை
கும்பிட்டெந்தன் பிணிகள் நீங்கி மகிழ்வேன் - உள்ளக்
குமுறல் ஓய்ந்தே நல்ல வழி செல்வேன்

நீல மயில் மீதில் நிற்போன் ஆவினன்குடியில் தோன்றும்
நிமலனாம் குழந்தை முருகேசன் - அவன்
நித்திலம் போல் முறுவல் வள்ளி நேசன் - இந்த
நீனிலம் தனில் அன்பு செய்திடும் அடியர் யாரையும் காத்து நின்றிடும்
நித்ய சோதி வடிவமாம் பிரகாசன் - உடன்
நெஞ்சில் நீங்காதென்றும் அங்கு வாசன்

அழகு தெய்வமாக வந்து பழனி மலை மீதில் நிற்போன்
ஆதி சக்தி அன்னை தந்த பாலன் - அவன்
அசுரர் தம்மை வென்ற வடிவேலன் - நல்ல
அமுதமென்னுமோர் தமிழில் பாடிடும்
அன்பர் வாழவே கருணை செய் குகன்
அரன் உகந்த குருவாம் உயர் சீலன் - என்றும்
அருள் சுரந்தே காக்கும் அனுகூலன்

by **ayyasamy ram** Wed Mar 23, 2022 12:27 pm

by **Dr.S.Soundarapandian** Wed Mar 23, 2022 2:14 pm

by Sponsored content

அழகு தெய்வமாக வந்து காவடிச் சிந்து---செஞ்சுருட்டி

அழகு தெய்வமாக வந்து காவடிச் சிந்து---செஞ்சுருட்டி

Re: அழகு தெய்வமாக வந்து காவடிச் சிந்து---செஞ்சுருட்டி

Re: அழகு தெய்வமாக வந்து காவடிச் சிந்து---செஞ்சுருட்டி

Re: அழகு தெய்வமாக வந்து காவடிச் சிந்து---செஞ்சுருட்டி