அந்தமானில் கொட்டுது மழை: கப்பல் போக்குவரத்து நிறுத்தம்

**ayyasamy ram** · **ayyasamy ram** Mon Mar 21, 2022 5:04 am

-

அந்தமானில் கொட்டுது மழை: கப்பல் போக்குவரத்து நிறுத்தம் Tamil_News_large_2987928

-

போர்ட்பிளேர்
அந்தமான் நிகோபார் தீவுகளில் புயல் சின்னம் காரணமாக, பலத்த
காற்றுடன் கன மழையும் பெய்கிறது. இதனால், மீனவர்கள் கடலுக்குள்
செல்ல வேண்டாம் என எச்சரிக்கப்பட்டுள்ளனர்.

மேலும், சென்னை மற்றும் விசாகப்பட்டினம் ஆகிய இடங்களில் இருந்து
செல்லும் கப்பல் போக்குவரத்தும் நிறுத்தப்பட்டுள்ளது.

எச்சரிக்கை

தென்கிழக்கு வங்கக்கடலில் உருவான குறைந்த காற்றழுத்தம், காற்றழுத்த
தாழ்வு பகுதியாக மாறியது.பின், காற்றழுத்த தாழ்வு பகுதி வடக்கு நோக்கி
நகர்ந்து நேற்று காலை அந்தமான் நிகோபார் தீவுகள் அருகே புயலாக
வலுவடைந்தது. இதற்கு 'அசானி' என்று பெயரிடப்பட்டு உள்ளது.

இதையடுத்து அந்தமான் நிக்கோபர் தீவுகளில் நேற்று காலை முதல்
கன மழை பெய்து வருகிறது; பலத்த காற்றும் வீசுகிறது. மீனவர்கள் கடலுக்குள்
செல்ல வேண்டாம் என எச்சரித்துள்ள வானிலை மையம், மீன் பிடிக்க சென்றுள்ள
மீனவர்கள் அருகிலுள்ள கரைக்கு ஒதுங்கும்படி வலியுறுத்திஉள்ளது.

கடற்படையினர் ஹெலிகாப்டரில் சென்று, நடுக்கடலில் மீன்பிடித்துக்
கொண்டிருக்கும் மீனவர்களுக்கு எச்சரிக்கை விடுத்தனர்.

சென்னை மற்றும் ஆந்திர மாநிலம் விசாகப்பட்டினம் துறைமுகத்தில்
இருந்து அந்தமான் செல்லும் பயணியர் கப்பல் சேவையும், அசானி புயல்
காரணமாக நிறுத்தப்பட்டு உள்ளது. தயார்நிலைபள்ளி, கல்லுாரிகளுக்கும்
விடுமுறை அறிவிக்கப்பட்டுள்ளது. அந்தமான் நிகோபார் தீவுகளில் தேசிய
பேரிடர் மீட்புப் படையினர் தயார்நிலையில் நிறுத்தி வைக்கப்பட்டு உள்ளனர்.

கடலோரத்தில் வசிக்கும் மக்கள் பாதுகாப்பான பகுதிக்கு அனுப்பப்படுகின்றனர்.
ஆறு இடங்களில் நிவாரண முகாம்கள் அமைக்கப்பட்டுள்ளன. கேரளாவின் சில
பகுதிகளிலும் அடுத்த ஐந்து நாட்களுக்கு பலத்த மழை பெய்யும் என
அறிவிக்கப்பட்டுள்ளது.

தினமலர்

அந்தமானில் கொட்டுது மழை: கப்பல் போக்குவரத்து நிறுத்தம்

அந்தமானில் கொட்டுது மழை: கப்பல் போக்குவரத்து நிறுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக