சொந்தமாக மின்சாரம் தயாரித்து இயங்கும் ரயில்!

**ayyasamy ram** · **ayyasamy ram** Wed Mar 23, 2022 3:55 am

இரும்பு போன்ற தாதுக்களை சுரங்கத்திலிருந்து தோண்டி எடுத்து, அவற்றை ஆலைகளுக்கு ரயில் வாயிலாக கொண்டு செல்வது மிகவும் செலவு பிடித்த வேலை. அதுமட்டுமல்ல, சுற்றுச்சூழலுக்கு மிகவும் கேடு. ஆஸ்திரேலியாவில் சுரங்கத் தொழில்கள் பல உள்ளன.

எனவே மூலப் பொருட்களைக் கொண்டு செல்லும் ரயில்களை பசுமை வாகனங்களாக மாற்றும் முயற்சிகள் நடக்கின்றன.அதில் ஒன்று தான் புவியீர்ப்பு விசையை வைத்தே ஆற்றலை தயாரித்து ரயிலை ஓட்டுவது.

ஆஸ்திரேலியாவின் 'போர்டெஸ்கியூ' சுரங்க நிறுவனமும், பிரிட்டனின் 'டபிள்யு.ஏ.இ.,' நிறுவனமும் கூட்டாக இந்த தொழில்நுட்பத்தை உருவாக்கி உள்ளன.

மூலப்பொருட்களை சுமந்தபடி செல்லும் ரயில் வண்டிகளை, சற்றே இறக்கமான பாதைகளை அமைத்து, அதில் இயந்திர இழுவை இல்லாமல் தானாகவே செலுத்துகின்றன.அப்போது சக்கரங்களின் சுழற்சியில் மின்சாரம் தயாராகிறது. அந்த மின்சாரத்தை வைத்து, அடுத்து மேடாக அமைக்கப்பட்டுள்ள ரயில் பாதையில் வண்டி செல்லும்.

பின் மீண்டும் இறக்கப் பாதை... இப்படியே புவியீர்ப்பு விசையை மட்டும் வைத்து அந்த ரயில் ஆலைவரை மூலப்பொருட்களைக் கொண்டு வந்து சேர்த்துவிடும்.இதற்கென தனிப்பாதைகளை அமைத்து இரு நாட்டு நிறுவனங்களும் சோதனைகள் செய்து வெற்றி கண்டுள்ளன. இந்த நுட்பத்திற்கு 'இன்பினிட்டி டிரெயின்' என பெயரிட்டுள்ளது, போர்டெஸ்கியூ நிறுவனம்.

அதாவது, 'முடிவிலி தொடரி!' இந்த தொழில் நுட்பம் நடைமுறைக்கு வந்தால், இந்தியா போன்ற நீண்ட நெடிய ரயில் வண்டி அமைப்பை வைத்திருக்கும் நாடுகளில், ரயில் பயணம் மிக மிக குறைவானசெலவில் இயங்கத் துவங்கிவிடும்.

தினமலர்

**T.N.Balasubramanian** · **T.N.Balasubramanian** Wed Mar 23, 2022 8:23 am

நல்லதொரு முயற்சி .

**T.N.Balasubramanian** · **T.N.Balasubramanian** Wed Mar 23, 2022 8:35 am

முன்பெல்லாம் சைக்கிள்தானே பெரும்பாலானோருக்கு போக்குவரத்து சாதனமாக இருந்தது. அப்போது இரவு நேரங்களுக்காக சைக்கிள் முன்பாகத்தில் சிறு மண்ணெண்ணெய் விளக்கு எரியும்.(இது நமக்கு வழிகாட்ட அவ்வளவு வெளிச்சம் தராவிட்டாலும் எதிரே வருபவர்களுக்கும் ஒரு வண்டி வருகிறது என்பதை தெளிவுபடுத்தும்.) மண்ணெண்ணெய் விளக்கை தவிர டைனமோ என்ற சிறு மின் உபகரணத்தை இணைத்து, வண்டி ஓட்டும்போது சிறிது அதிக வெளிச்சம் பெறுவோம். இரட்டை பலன்கள்.போகும் இடத்திற்கும் போகலாம்.
வெளிச்சம் கிடைக்கும். மண்ணெண்ணெய் செலவில்லை. மாற்று சக்தி.
மேற்கண்ட "சொந்தமாக மின்சாரம் தயாரித்து இயங்கும் ரயில்!" பதிவை பார்க்கையில் மலர்ந்த பழைய நினைவுகள்.

Sponsored content · Sponsored content

சொந்தமாக மின்சாரம் தயாரித்து இயங்கும் ரயில்!

சொந்தமாக மின்சாரம் தயாரித்து இயங்கும் ரயில்!

Re: சொந்தமாக மின்சாரம் தயாரித்து இயங்கும் ரயில்!

Re: சொந்தமாக மின்சாரம் தயாரித்து இயங்கும் ரயில்!

Re: சொந்தமாக மின்சாரம் தயாரித்து இயங்கும் ரயில்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக