முளைத்த வெந்தய சாலட்

by **ayyasamy ram** Fri Mar 18, 2022 4:32 pm

-
இந்திய மக்கள் தொகையில் பாதிக்கும் மேலானவர்களுக்கு
ரத்தச்சோகை பிரச்னை இருப்பதாகச் சொல்கின்றன புள்ளி
விவரங்கள். இதில் ஆண்கள், பெண்கள், குழந்தைகள் என
எல்லோரும் அடக்கம்.

'நல்லாதான் சாப்பிடறோம்...' எனச் சொல்லிக்கொள்பவர்களுக்கும்
ரத்தச்சோகை இருக்கலாம். எப்படிச் சாப்பிடுகிறீர்கள் என்பதை
விடவும் என்ன சாப்பிடுகிறீர்கள் என்பது முக்கியம்.

இந்த வார வீக் எண்டுக்கு ரத்தச்சோகையை விரட்டும், அயர்ன்ரிச்
உணவுகளை முயற்சி செய்யலாமே...

தேவையானவை:

முளைகட்டிய வெந்தயம் - 100 கிராம்
குடமிளகாய் - ஒன்று (பொடியாக நறுக்கவும்)
வறுத்த எள் - ஒரு டேபிள்ஸ்பூன்
கடுகு - கால் டீஸ்பூன்
தேங்காய்த்துருவல் - சிறிதளவு (விரும்பினால்)
வறுத்த வேர்க்கடலை - ஒன்றரை டேபிள்ஸ்பூன்
வறுத்த ஆளி விதை - சிறிதளவு
வறுத்த மோர் மிளகாய் - ஒன்று
எலுமிச்சைச்சாறு - சிறிதளவு
உப்பு, எண்ணெய் - தேவையான அளவு

செய்முறை:

ஒரு பாத்திரத்தில் முளைத்த வெந்தயத்துடன் குடமிளகாய்,
வறுத்த எள், தேங்காய்த்துருவல், வறுத்த வேர்க்கடலை, வறுத்த
ஆளி விதை, உப்பு சேர்த்துக் கலக்கவும். வாணலியில் சிறிதளவு
எண்ணெய்விட்டு கடுகு, மோர் மிளகாயைத் தாளித்து சாலட்டுடன்
சேர்க்கவும். அதனுடன் சிறிதளவு எலுமிச்சைச் சாறு கலந்து
பரிமாறலாம்.

குறிப்பு:
வெந்தயம் மற்றும் ஆளி விதையில் அதிக அளவு இரும்புச்சத்து
உள்ளது.

நன்றி-அவள் விகடன்

by **T.N.Balasubramanian** Fri Mar 18, 2022 4:43 pm

முளை கட்டிய பயிர்கள் சத்து மிக்கவை.
எளிதான /அதிக செலவில்லா வைத்தியம்.
அதிக பலன் தரக்கூடியது.

by **krishnaamma** Fri Mar 18, 2022 9:07 pm

நாங்கள் முளை கட்டிய வெந்தயம் சாப்பிட்டதுண்டு. கசப்பே தெரியாது. ஆனால் இப்படி செய்து சாப்பிட்டது இல்லை. நல்ல ஒரு ரெசிபி போட்டதற்கு நன்றி அண்ணா... புன்னகை

...

by Sponsored content

முளைத்த வெந்தய சாலட்

முளைத்த வெந்தய சாலட்

Re: முளைத்த வெந்தய சாலட்

Re: முளைத்த வெந்தய சாலட்

Re: முளைத்த வெந்தய சாலட்