Latest topics

நவீன கவிதைகளில் பெண்ணியம்

ஈகரை தமிழ் களஞ்சியம் :: கவிதைக் களஞ்சியம் :: ரசித்த கவிதைகள்

Page 1 of 1

நவீன கவிதைகளில் பெண்ணியம்

Post by ayyasamy ram Wed Mar 16, 2022 12:47 pm

மூத்த பெண் கவிஞர்களில் ஒருவராகிய, இரா மீனாட்சிக்கு
நவீனப்பெண்ணிய இலக்கியத்தில் இருக்கும் பங்கு முதன்மையானது.
எழுபதுகளில் பெண்ணியத்தை அழுத்தமாய் கவிதை வழியாய் பதித்த
அவர் வழியாகத்தான் பெண் கவித்துவம் எழுச்சி கண்டது எனலாம்.

‘சுடு பூக்கள்’ கவிதையில்,

“அவள் தானே வெளியேற
அவளே தடையாகி,
அவலத்துடிப்பு.
மென்குரலில் வெளியழைப்பு.
அவளுக்கோ அவலத்துடிப்பு
கழுத்து முடிச்சு பற்றுக்கோடா?
தடையுத்தரவு.
முள்வேலி.
கம்பிக்கயிறு கட்டுமானம்.

பூச்சிலை நெளிகிறது.
திரையாகி அலைகிறது.
துருப்பிடித்த
சன்னலுக்குத் தெரியுமா
சீலையின் தவிப்பு?”

என்னும் கவிதையில் பெண்ணின் அக விடுதலை வேட்கையானது,
வேலிகளைக் கண்டு துவண்டு விழுவதும் அதன் உணர்வுகளை
பெண் தானே எழுப்ப முயல்வதுமாய் அற்புதமாய் கவிதை
கோர்த்திருக்கும் வலிமை மீனாட்சி அவர்களுடையது.

மதுரை நாயகியே என்னும் மற்றுமொன்றில்,

“மதுரை நாயகியே!
மீனாட்சித்தாயே!
படியேறி
நடை தாண்டி
குளம் சுற்றி
கிளி பார்த்து
உன்னருகே ஓடிவரும்
உன்மகளை
உன்மகனே ஏ
வழிவம்பு செய்கின்றான்
கோயிலிலும் காப்பில்லை
உன் காலத்தில்-
அழகி நீ!
எப்படி உலாப்போனாய்?”

என்று கேட்கிறார்.
இன்றும் இந்த கவிதை பொருந்துவது நமது சமூகத்தின் அழுக்கான
முகமதை கண்ணாடியிட்டு காட்டுகிறது.

-அகிலா (நவீன பெண்ணியம் -கட்டுரையிலிருந்து)
நன்றி-கீற்று

ayyasamy ram: வழிநடத்துனர்; பதிவுகள் : 83010
இணைந்தது : 30/09/2013