ராணுவ அதிகாரிகளுக்கு மின்சாரம் துண்டிப்பு: தெலுங்கானா அரசு மிரட்டலால் பரபரப்பு

ஹைதராபாத்-
தெலுங்கானாவின் ஹைதராபாதில், ராணுவ அதிகாரிகள் குடியிருக்கும் க
ன்டோன்மென்ட் பகுதிக்கு, குடிநீர், மின்சாரத்தை நிறுத்தப் போவதாக,
மாநில அரசு தெரிவித்துள்ளது


தெலுங்கானாவில், முதல்வர் சந்திரசேகர் ராவ் தலைமையிலான தெலுங்கானா
ராஷ்ட்ரீய சமிதி அரசு அமைந்துஉள்ளது. மத்திய அரசுக்கு எதிராகவும், பா.ஜ.,வுக்கு
எதிராகவும் சந்திரசேகர் ராவ் தொடர்ந்து விமர்சனம் செய்து வருகிறார்.

இந்நிலையில், அவரது மகனும், மாநில நகராட்சிகள் மற்றும் தொழில் துறை
அமைச்சருமான கே.டி.ராமாராவ், சட்டசபையில் கேள்வி ஒன்றுக்கு அளித்த பதிலில்
கூறியதாவது:

கன்டோன்மென்ட் பகுதி, ராணுவ அமைச்சகத்தின் கட்டுப்பாட்டில் உள்ளது.

இங்கு, ராணுவ அதிகாரிகள் வசிக்கின்றனர். நகரின் மற்ற பகுதிகளில் வளர்ச்சிப்
பணிகளை மேற்கொள்வது போல், இங்கும் சாலை உள்ளிட்ட வசதிகள் செய்யப்படவில்லை.
மேலும், அப்பகுதியில் உள்ள சாலைகளை அடிக்கடி மூடி வைப்பதால், பொதுமக்கள்
பயன்படுத்த முடியாத நிலை உள்ளது.

இதனால், போக்குவரத்து நெரிசல் ஏற்படுகின்றது.இது தொடர்பாக பல முறை கோரிக்கைகள்
வைத்தும், எந்த நடவடிக்கையும் எடுக்கப்படவில்லை. இந்த மாநிலத்தைச் சேர்ந்த மத்திய
அமைச்சர் கிஷண் ரெட்டி மற்றும் பா.ஜ.,வைச் சேர்ந்த எம்.பி.,க்கள், இந்த விஷயத்தில் எந்த
உதவியும் செய்வதில்லை.

அதனால், கன்டோன்மென்ட் பகுதிக்கான குடிநீர் மற்றும் மின்சாரத்தை நிறுத்த முடிவு
செய்துள்ளோம். அதன் பிறகாவது, ராணுவ அமைச்சகம் நடவடிக்கை எடுக்கிறதா என்பதை
பார்ப்போம்.இவ்வாறு அவர் கூறினார்.

இது குறித்து, பா.ஜ., செய்தி தொடர்பாளர் சுபாஷ் கூறியதாவது:அமைச்சர் ராமாராவ் நன்கு
படித்தவர்; விஷயம் தெரிந்தவர். அவரே இப்படி பொறுப்பற்ற முறையில் பேசியது வருத்தம்
அளிக்கிறது. இந்திய ராணுவ வீரர்களை அவமதிக்கும் வகையில் அவர் கூறியதை ஏற்க முடியாது.
இவ்வாறு அவர் கூறினார்.

தினமலர்