காங்., தோல்வி... என்ன சினிமா பார்க்கலாம்...: மக்களிடம் கேட்கும் கார்த்தி

**T.N.Balasubramanian** · **T.N.Balasubramanian** Thu Mar 10, 2022 1:45 pm

சென்னை: 5 மாநில தேர்தல் முடிவுகள் எண்ணப்பட்டன. காங்கிரஸ் புதிய எழுச்சி பெறுமா எங்காவது ஆட்சி அமைக்குமா என்று அக்கட்சியினர் பலத்த எதிர்பார்ப்பில் இருந்தனர். எதிர்பார்ப்புக்கு ஏற்றார் போல், கோவாவிலும், பஞ்சாபிலும் காங்கிரசுக்கு அதிக இடங்கள் கிடைக்கலாம் என தேர்தலுக்கு பிந்தைய கருத்துகணிப்பு முடிவுகள் கட்டியம் கூறின.

நன்றி தினமலர்.

ஆனால், இன்று(மார்ச் 10) முடிவுகள் வெளி வந்த பிறகு, காங்கிரஸ் கட்சி ஓட்டுக்கடலில் கரைந்து போனது. அந்த கடலில் தாமரை மலர்ந்துவிட்டது. இது காங்கிரஸ் தலைவர்களுக்கு பலத்த அதிர்ச்சியை ஏற்படுத்தியுள்ளது. இப்போதைக்கு வேறு வேலை பார்க்கலாம் என கிளம்பி விட்டார்கள். இதற்கு உதாரணமாக, முன்னாள் மத்திய நிதியமைச்சர் ப.சிதம்பரத்தின் மகனும் சிவகங்கை தொகுதி எம்.பி.,யுமான கார்த்தியின் டுவீட்டை எடுத்து கொள்ளலாம்.

அவர் இன்று(மார்ச் 10) மதியம் தனது டுவிட்டர் பக்கத்தில், ‛‛ நெட்பிளிக்சில் (சினிமா ஓடிடி தளம்) என்ன படம் பார்க்கலாம்; யாருக்காவது (யாராவது) யோசனை சொல்லுங்கள்'' என்று குறிப்பிட்டுள்ளார்.

கார்த்தியின் இந்த டுவீட் சில விவாதங்களை கிளப்பி உள்ளது. தேர்தல் முடிவு வரும் நேரத்தில் என்ன சினிமா பார்ப்பது என கேட்டது காங்கிரஸ் கட்சியை நம்பி பலனில்லை என நினைக்கிறாரா, எவ்வளவு அரசியல் செய்தாலும் எந்த பலனும் ஏற்பட போவதில்லை என சொல்லாமல் சொல்கிறாரா, இந்த கட்சிக்கு வேலை பார்ப்பதை விட அந்த நேரத்தில் வேறு ஏதாவது வேலை செய்யலாம் என குறிப்பிடுகிறாரா, இனிமேல் காங்கிரஸ் கட்சியினருக்கு எந்த பணியும் இல்லை என்று சொல்கிறாரா, தோல்வி கவலையை மறப்பதற்காக சினிமா பார்க்கலாம் என்று கட்சியினருக்கு ஆலோசனை கூறுகிறாரா என்று விவாதிக்கப்படுகிறது

**T.N.Balasubramanian** · **T.N.Balasubramanian** Thu Mar 10, 2022 1:48 pm

யார் கண்டது?
ஒரு வேளை காங்கிரஸ் தலைமையை ப சி எடுத்துக்கொண்டால்தான் கட்சி தேறுமென நினைக்கிறாரோ என்னவோ?

**ayyasamy ram** · **ayyasamy ram** Thu Mar 10, 2022 2:26 pm

காங்., தோல்வி... என்ன சினிமா பார்க்கலாம்...: மக்களிடம் கேட்கும் கார்த்தி 1646899885846

-
சுதந்திர இந்தியாவில் எந்தவித வளர்ச்சிக்கும் பாடுபடாமல், வாரிசு அரசியலில்
மட்டுமே ஆர்வம் காட்டியதாக காங்கிரஸ் மீது பாஜக குற்றஞ்சாட்டியது.

இதனால், 5 மாநில தேர்தல் முக்கியமாக கருதப்பட்டநிலையில், 4 மாநிலங்களில்
பாஜக கூட்டணி ஆட்சியை பிடித்துள்ளது. பல வரலாறுகளை கொண்ட
காங்கிரஸ் கட்சி, பஞ்சாப்பில் சிறிய கட்சியான ஆம் ஆத்மியிடம் வீழ்ந்துள்ளது.
-
ஏற்கனவே இந்தியாவில் பஞ்சாப் உள்பட 3 இடங்களில் மட்டுமே காங்கிரஸ்
ஆட்சி புரிந்து வந்தது. தற்போது இந்தத் தேர்தலில் தோல்வியடைந்தன் மூலம்,

ராஜஸ்தான் மற்றும் சத்தீஸ்கரில்

மட்டுமே காங்கிரஸ் கட்சி ஆட்சியில் உள்ளது.
-

பஞ்சாப் மாநிலத்தில் ஆளும் காங்கிரஸ், சிரோமணி அகாலிதள், பாஜக ஆகிய கட்சிகள்
படுதோல்வியை சந்தித்துள்ளன.

இந்த பதிவைத் துவங்கியவர் நன்றி கூறியுள்ளார் ayyasamy ram

**krishnaamma** · **krishnaamma** Thu Mar 10, 2022 7:05 pm

அவர் இன்று(மார்ச் 10) மதியம் தனது டுவிட்டர் பக்கத்தில், ‛‛ நெட்பிளிக்சில் (சினிமா ஓடிடி தளம்) என்ன படம் பார்க்கலாம்; யாருக்காவது (யாராவது) யோசனை சொல்லுங்கள்'' என்று குறிப்பிட்டுள்ளார்.

நான் வேண்டுமானால் லிஸ்ட் அனுப்புகிறேன் அவருக்கு..... குதூகலம்