கடைசி நேர வரி சேமிப்பு முதலீட்டிற்கான வழிமுறைகள் !

by **krishnaamma** Mon Mar 07, 2022 8:47 pm

கடைசி நேர வரி சேமிப்பு முதலீட்டிற்கான வழிமுறைகள் !

திட்டமிட அதிக அவகாசம் இல்லாத நிலையில், வரி சேமிப்பு முதலீட்டை மேற்கொள்ளும் போது மனதில் கொள்ள வேண்டிய விஷயங்கள்.வரி சேமிப்பிற்கான திட்டமிடல் மற்றும் முதலீட்டை மேற்கொள்ள நிதியாண்டின் துவக்கமே ஏற்றது என்றாலும், பலவித காரணங்களால் இதை தாமதமாக மேற்கொள்பவர்களும் பலர் இருக்கின்றனர். அந்த வகையில், 2021 – -22 நிதியாண்டிற்கான வரி சேமிப்பு முதலீட்டை இந்த மாத இறுதிக்குள் மேற்கொள்ள வேண்டும்.

தாமதமாக வரி சேமிப்பை மேற்கொள்பவர்கள், கடைசி நேர திட்டமிடலின் போது கவனிக்க வேண்டிய விஷயங்கள் இருக்கின்றன. முக்கியமாக அவசரகதியில் முதலீட்டை மேற்கொள்ளாமல், அது தரக்கூடிய பலனையும் மனதில் கொள்ள வேண்டும்.

தொடரும்...

by **krishnaamma** Mon Mar 07, 2022 8:48 pm

ஆய்வு அவசியம்

வரி சேமிப்பிற்கான முதலீட்டை மேற்கொள்வதற்கு முன், முதலில் எந்த அளவு முதலீடு செய்ய வேண்டிய தேவை இருக்கிறது என்பதை கண்டறிய வேண்டும். வருமான வரிச்சட்டம் ‘80 சி’ பிரிவின் கீழ், 1.5 லட்சம் ரூபாய் வரை வரிச்சலுகை பெற முடியும். எனினும், இந்த பிரிவில் பல் வேறு பிடித்தங்கள் மற்றும் வழக்கமான முதலீடுகளும் பொருந்தும். பி.எப். தொகை, பி.பி.எப்., தேசிய சேமிப்பு சான்றிதழ், காப்பீடு, பள்ளி கல்வி கட்டணம் ஆகியவை இந்த பிரிவில் பொருந்தும். இவற்றை எல்லாம் ஆய்வு செய்து, இன்னும் எவ்வளவு தொகைக்கு முதலீடு செய்ய வேண்டும் என கணக்கிட்டு அதற்கேற்ப செயல்பட வேண்டும்.

இந்த பிரிவு முழுவதும் பயன்படுத்தப்பட்டிருந்தால் விட்டு விடலாம்.ஆய்வுக்கு பிறகு, முதலீடு செய்ய வேண்டிய நிலை இருந்தால், ஏற்கனவே உள்ள வாய்ப்புகளை முதலில் பரிசீலிக்க வேண்டும். உதாரணத்திற்கு பி.பி.எப்., அல்லது செல்வ மகள் போன்ற திட்டங்களில் கூடுதலாக முதலீடு செய்யலாம். நிதி இலக்கை நோக்கி முன்னேறவும் இது உதவும். இத்தகைய வாய்ப்புகள் இல்லை எனில், நிதி தேவைகளை கண்டறிந்து அதற்கேற்ப வரி சேமிப்பு முதலீடு வாய்ப்புகளை தேர்வு செய்ய வேண்டும். வரி சேமிப்பிற்காக மட்டும் வழக்கமான பாலிசிகளை வாங்குவது அல்லது யூனிட் சார்ந்த திட்டத்தை வாங்குவது போன்றவற்றை தவிர்க்க வேண்டும்.
தொடரும்...

by **krishnaamma** Mon Mar 07, 2022 8:49 pm

நீண்ட கால தாக்கம்

வரி சேமிப்பிற்காக சரியாக ஆய்வு செய்யாமல், கடைசி நேரத்தில் ஒரு வாய்ப்பை தேர்வு செய்வதில் என்ன பிரச்னை என்றால், இது நீண்ட கால பொறுப்பாக சுமையாகும் என்பதோடு, முதலீடு நோக்கில் உரிய பலன் தராமலும் போகலாம். இத்தகைய சூழலில் தேசிய சேமிப்பு சான்றிதழ் அல்லது இ.எல்.எஸ்.எஸ்., போன்ற எளிமையான முதலீடு வாய்ப்புகளை தேர்வு செய்யலாம்.

நிதி தேவை மற்றும் இடர் தன்மைக்கு ஏற்ப இவை அமைந்திருப்பது நல்லது. தேசிய பென்ஷன் திட்டத்தில் முதலீடு செய்துள்ளவர்கள் கூடுதலாக, 50 ஆயிரம் ரூபாய் சலுகை பெறுவதற்கான வாய்ப்பையும் பயன்படுத்திக்கொள்ளலாம்.மேலும் மருத்துவ காப்பீடு மூலம் சலுகை பெறுவதற்கான வாய்ப்பையும் முழுமையாக பயன்படுத்திக்கொள்ள வேண்டும். மருத்துவ காப்பீடு பொருத்தமாக இருப்பதும் அவசியம்.

முதலீடுகளை தீர்மானித்த பிறகு, மேலும் தாமதம் செய்யாமல் உடனடியாக செயல்படுத்த வேண்டும். ஏனெனில், மாத இறுதி வரை தள்ளிப்போட்டால், காசோலைகள் செயலாக்கம் பெறுவதற்கான அவகாசம் இல்லாமல் போகலாம். இந்த சிக்கலை தவிர்ப்பது நல்லது. அதே நேரத்தில் அடுத்த நிதியாண்டுக்கான திட்டமிடலை துவக்கத்திலேயே மேற்கொள்ள உறுதி எடுத்துக்கொள்ள வேண்டும்.

நன்றி தினமலர்.

by Sponsored content

கடைசி நேர வரி சேமிப்பு முதலீட்டிற்கான வழிமுறைகள் !

கடைசி நேர வரி சேமிப்பு முதலீட்டிற்கான வழிமுறைகள் !

Re: கடைசி நேர வரி சேமிப்பு முதலீட்டிற்கான வழிமுறைகள் !

Re: கடைசி நேர வரி சேமிப்பு முதலீட்டிற்கான வழிமுறைகள் !

Re: கடைசி நேர வரி சேமிப்பு முதலீட்டிற்கான வழிமுறைகள் !