வீட்டுக்குள் 'ஹோலி' பண்டிகை; ஒடிசா அரசு அதிரடி உத்தரவு

**ayyasamy ram** · **ayyasamy ram** Wed 2 Mar 2022 - 8:16

-
புவனேஸ்வர்:
கொரோனா பரவல் குறைந்திருந்தாலும், 'ஹோலி' பண்டிகைக்கு
மக்கள் பொது இடங்களில் கூட தடை விதித்துள்ள ஒடிசா அரசு,
கொண்டாட்டங்களை வீடுகளுக்குள் நடத்த உத்தரவிட்டு உள்ளது.

ஒடிசாவில் கொரோனா பரவல் வெகுவாக குறைந்ததால்,
இரவு நேர ஊரடங்கு திரும்ப பெறப்பட்டது. இருப்பினும்,
குறிப்பிட்ட கட்டுப்பாடுகள், 31ம் தேதி வரை அமலில் இருக்கும்
என அறிவிக்கப்பட்டு உள்ளது.

இந்நிலையில், ஹோலி பண்டிகைக்கான வழிகாட்டுதல்களை,
மாநில அரசு வெளியிட்டு உள்ளது.

அதன் விபரம்:
ஹோலி பண்டிகையை முன்னிட்டு, பொதுமக்கள் சாலைகள்
உள்ளிட்ட பொது இடங்களில் ஒன்று கூட தடை விதிக்கப்பட்டு உள்ளது.
ஹோலியை வீடுகளுக்குள், குடும்பத்தினருடன் மட்டுமே கொண்டாட
வேண்டும்.இப்பண்டிகையை அடுத்து, கிருஷ்ணர், ராதை சிலைகளுடன்
ஊர்வலம் நடைபெறும்.

இது போன்ற மத ரீதியான நிகழ்வுகளுக்கு அனுமதி வழங்கப்படுகிறது.
இருப்பினும், ஊர்வலம் மற்றும் கோவில் நிகழ்வுகளில் பங்கேற்போர்
எண்ணிக்கை மற்றும் அதுதொடர்பான கட்டுப்பாடுகள் குறித்து, மாவட்ட
நிர்வாகம் முடிவு செய்யும். இவ்வாறு அதில் கூறப்பட்டு உள்ளது.
-
தினமலர்