பத்து தல - சிம்புவின் வேடத்தில் தெலுங்கில் நடிக்கும் பாலகிருஷ்ணா!

**ayyasamy ram** · **ayyasamy ram** Tue Feb 22, 2022 2:23 pm

சிம்பு நடித்து வரும் படங்களில் ஒன்று பத்து தல.
ஸ்டுடியோ கிரீன் தயாரிக்கும் இந்தத் திரைப்படத்தில்
கௌதம் கார்த்திக் சிம்புவுடன் நடிக்கிறார். இதில் சிம்பு
தாதாவாக நடிக்கிறார்.

இதே கதையில், இதே வேடத்தில் பாலகிருஷ்ணா நடிப்பில்
புதிய படம் தயாராகிறது. இதன் பர்ஸ்ட் லுக்கை நேற்று
வெளியிட்டுள்ளனர்.

பத்து தல திரைப்படம் கன்னடத்தில் 2017 இல் வெளியான
MUFTI திரைப்படத்தை தழுவி எடுக்கப்படுகிறது. இந்தப்
படத்தை நார்தன் இயக்கி இருந்தார்.

சிவ ராஜ்குமார், ஸ்ரீமுரளி பிரதான வேடங்களில்
நடித்திருந்தனர். தமிழில் இந்தப் படத்தைதான் பாத்து தல
என்ற பெயரில் எடுத்து வருகிறார்கள். சிவ ராஜ்குமார்
நடித்த தாதா வேடத்தில் சிம்புவும், ஸ்ரீமுரளி நடித்த
வேடத்தில் கௌதம் கார்த்திக்கும் நடிக்கின்றனர்.

இதே படத்தின் தெலுங்கு உரிமையை வாங்கி
பாலகிருஷ்ணா நடிப்பில் புதிய படத்தை மைத்ரி மூவி
மேக்கர்ஸ் தயாரிக்கிறது. கோபிசந்த் மலினேனி இந்தப்
படத்தை இயக்குகிறார்.

இதில் பாலகிருஷ்ணாவுக்கு ஜோடியாக சுருதிஹாசன்
நடிக்கிறார். முக்கியமான வேடத்தில் வரலட்சுமியை
ஒப்பந்தம் செய்துள்ளனர். மலையாள நடிகர் லால் பிரதான
வேடம் ஏற்றுள்ளார்.

சிவ ராஜ்குமாருக்கு வயது 59. பாலகிருஷ்ணாவுக்கு
வயது 61 ஒரு முதிர்ந்த தாதா கதாபாத்திரத்தில் நடிக்க
இவர்களுக்கு ஏற்ற வயது இது. ஆனால் அதே வேடம்
இளைஞரான சிம்புவுக்கு சரிவருமா?

பத்து தல அறிவிப்பு வந்த போதே இந்தக் கேள்வி எழுந்தது.
பாலகிருஷ்ணா அதே படத்தின் தெலுங்கு தழுவலில்
நடிக்கிறார் என்ற செய்தி வந்த நிலையில் இந்த கேள்வி
மேலும் தீவிரமாக எழுப்பப்பட்டுள்ளது.

நியூஸ் 18

பத்து தல - சிம்புவின் வேடத்தில் தெலுங்கில் நடிக்கும் பாலகிருஷ்ணா!

பத்து தல - சிம்புவின் வேடத்தில் தெலுங்கில் நடிக்கும் பாலகிருஷ்ணா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக