மருத்துவரிடம் செல்லும்முன்... (நிஜாம்)

**mohamed nizamudeen** · **mohamed nizamudeen** Sun 20 Feb 2022 - 16:03

மருத்துவரிடம் செல்லும் முன்!

கிராமத்திலிருக்கும் என் அப்பாவுக்கு, சென்னையில் உள்ள பிரபல மருத்துவரிடம், இதய நோய் சம்பந்தமாக ஆலோசனை பெற, சமீபத்தில், 'அப்பாயின்மென்ட்' வாங்கியிருந்தேன். அப்பாவுக்கு துணையாக நானும் சென்றேன்.
மருத்துவமனையில், மருத்துவரை பார்க்க நிறைய கூட்டம். இரண்டு மணி நேரம் காத்திருந்து, எங்கள் முறை வந்ததும், உள்ளே சென்றோம்.

உள்ளே சென்றதும், மருத்துவரிடம் வணக்கம் சொல்லி, நோய்கள் பற்றி எதுவும் சொல்லாமல், ஒரு பேப்பரை எடுத்து மருத்துவரிடம் நீட்டினார், அப்பா.

பேப்பரை படித்து முடித்ததும், 'வெரி குட்... எல்லாரும் இப்படி அவங்கவங்க பிரச்னைகள், சாப்பிடும் மாத்திரைகள், நோயின் தன்மை போன்ற எல்லாவற்றையும் புள்ளி விபரத்தோடு எழுதி எடுத்து வந்து விட்டால், நாங்களும் எந்த குழப்பமுமின்றி, உங்களுக்கு தெளிவாக மருத்துவம் செய்ய உதவியாக இருக்கும்.

'மேலும், எங்களிடம் நேரில் சொல்லும்போது சில முக்கியமான தகவல்களை மறக்கவும் வாய்ப்புள்ளது...' என்று சொல்லி, அப்பாவிடம் சில சந்தேகங்களை கேட்டு உறுதிபடுத்திய பின், ஐந்தே நிமிடத்தில் ஆலோசனைகளை கூறி, பாராட்டி அனுப்பி வைத்தார்.

வாசகர்களே... மருத்துவர்களிடம் சிகிச்சைக்கு செல்லும் முன், இதுபோன்ற நடைமுறைகளை கடைப்பிடிக்கலாமே?

-எ.எம்.எம்.ரிஸ்வான், சென்னை.
(தினமலர் வாரமலர்) மருத்துவரிடம் செல்லும்முன்... (நிஜாம்) T51ndTD