மஹாபெரியவா

by **T.N.Balasubramanian** Tue Feb 15, 2022 9:06 am

பக்தர்களுக்கு ஆசி வழங்கி விட்டு படியை விட்டு இறங்கும் போது, புன்னகையுடன், விசாலாட்சி அம்மாளைத் திரும்பிப் பார்த்தார் பெரியவர். அதற்கு ஆயிரம் அர்த்தங்கள்....
மஹாபெரியவர் சேலத்துக்கு ஒரு தடவை பக்தர்களின் விருப்பத்திற்கேற்பவந்திருந்தார்.
பெரியவர் சேலத்திற்கு வந்தால் சேலம் சுகவனேஸ்வரர் கோயில் நந்தவனத்தைச் சேர்ந்தாற் போல் இருக்கும் குளத்தில் தான் குளிப்பது வழக்கம்.
குளித்து விட்டு வெளியே வந்ததும் பக்தர்களுக்கு ஆசி வழங்குவார்.
சிவன் கோயில் பாதை வழியே நுழைந்தவுடன் வலப்புறம் முதலில் உள்ள வீட்டில் இருந்தது விசாலாட்சி அம்மாள், மஹாபெரியவரின் பரம பக்தை.
கும்பலோடு கும்பலாக நின்று அதுவும் சற்று தூரத்தில் இருந்து பெரியவரைத் தரிசிக்க முடியுமே தவிர அருகில் போக முடியாத அளவுக்கு பக்தர்களின் கூட்டம்.
பெரியவர் சேலத்தில் தங்கி இருக்கப் போவதோ சில தினங்கள் தான். அதற்குள் அவர் அருகில் முண்டி அடித்துக் கொண்டு போய்ப் பார்க்க இந்த அம்மாவினால் நிச்சயம் முடியாது.
தனக்குக் கொடுத்து வைத்தது அவ்வளவு தான் என்று திருப்திப்பட்டுக் கொண்ட அந்த அம்மாள் எட்ட இருந்தே தரிசனம் செய்து வந்தாள்.
பெரியவர் ஊருக்குக் கிளம்பும் தினம்.
அன்று காலையில் குளியல் முடிந்ததும்… வேகமாக வெளியே வந்த பெரியவர் விசாலாட்சியம்மாள் வீட்டு வாயிற்படியில் ஏறி நின்று கொண்டு பக்தர்களுக்கு ஆசி வழங்க ஆரம்பித்தார்.
உள்ளே இருந்து வெளியே வந்த விசாலாட்சி அம்மாளுக்குத் தான் காண்பது கனவா அல்லது நனவா என்கிற சந்தேகம்.
தனது வீட்டில் மகாபெரியவர்.. தனக்கு அருகில் மகான்.. கண்குளிர தரிசித்தார்.
எப்பேர்ப்பட்ட பேறு அந்த அம்மையாருக்கு!
பக்தர்களுக்கு ஆசி வழங்கி விட்டு படியை விட்டு இறங்கும் போது, புன்னகையுடன், விசாலாட்சி அம்மாளைத் திரும்பிப் பார்த்தார் பெரியவர்.
அதற்கு ஆயிரம் அர்த்தங்கள்…
தன்னை நாடி வரும் பக்தர்களின் உள்ளத்தில் என்ன எண்ணம் இருக்கிறது என்பதை அறிந்து அருள்பாலித்த மஹான், இவரைத் தவிர கலியுகத்தில் வேறு யார் இருக்க முடியும்?
மஹாபெரியவா திருவடிகளே சரணம் சரணம்..

நன்றி முகநூல் -கீதா கோவிந்தராஜன் அய்யர்

மஹாபெரியவா

மஹாபெரியவா

Re: மஹாபெரியவா