ரஷ்யா, உக்ரைன் போர் பதற்றத்தால் : தங்கம் விலை உயர்வு

by **ayyasamy ram** Sun Feb 13, 2022 7:32 am

சென்னை-
ரஷ்யா, உக்ரைன் நாடுகளுக்கு இடையே நிலவும் போர் பதற்றத்தால்,
உலக பொருளாதாரம் பாதிக்கும் எனக்கருதி, முதலீட்டாளர்கள்
தங்கத்தில் அதிக முதலீடு செய்வதால், தமிழகத்தில் நேற்று ஒரே
நாளில், ஆபரண தங்கம் விலை சவரனுக்கு 840 ரூபாய் உயர்ந்தது

.உலக நிலவரங்களால், சில தினங்களாக உள்நாட்டில் தங்கம் விலை
உயர்ந்து வருகிறது. தமிழகத்தில் நேற்று முன்தினம், 22 காரட் ஆபரண
தங்கம் கிராம் 4,610 ரூபாய்க்கும்; சவரன் 36 ஆயிரத்து 880 ரூபாய்க்கும்
விற்பனையாகின. கிராம் வெள்ளி 66.60 ரூபாய்க்கு விற்கப்பட்டது.

நேற்று ஒரே நாளில், தங்கம் கிராமுக்கு 105 ரூபாய் உயர்ந்து, 4
,715 ரூபாய்க்கும்; சவரனுக்கு அதிரடியாக 840 ரூபாய் உயர்ந்து,
37 ஆயிரத்து 720 ரூபாய்க்கும் விற்கப்பட்டன.

வெள்ளி கிராமுக்கு 80 காசுகள் உயர்ந்து, 67.40 ரூபாயாக இருந்தது.
திருமண சீசன் துவங்கியுள்ள நிலையில், தங்கம் மற்றும் வெள்ளி விலை
உயர்ந்து வருவது, திருமணம் நடத்த உள்ளவர்களிடம் கவலையை
ஏற்படுத்தியுள்ளது.

இதுகுறித்து, சென்னை தங்கம் மற்றும் வைர நகை வியாபாரிகள்
சங்க தலைவர் ஜெயந்திலால் சலானி கூறியதாவது: ரஷ்யா, உக்ரைன்
நாடுகளுக்கு இடையில் போர் பதற்றம் நிலவுகிறது. போர் மூண்டால்
உலக பொருளாதாரத்தில் பெரிய மாற்றம் ஏற்படும். பொருளாதார
துறைகள் சார்ந்த பங்குச் சந்தைகள் வீழ்ச்சியை நோக்கிச் செல்லும்.

இதனால், தற்போதே முதலீட்டாளர்கள் திட்டமிட்டு, தங்கத்தில் முதலீடு
செய்து வருவதால், அதன் விலை உயர்ந்து வருகிறது. உள்நாட்டிலும்
தங்கம் விலை அதிகரித்துள்ளது. இதுதவிர, வைரத்தின் விலையும்
35 சதவீதம் வரை உயர்ந்துள்ளது.இவ்வாறு அவர் கூறினார்.

தினமலர்

by **krishnaamma** Sun Feb 13, 2022 10:18 pm

சண்டை வரும் என்று நினைத்து இப்படி விலை( ஏறுகிறது... ஆனால் வராமல் போனால்????? பாவம் பெண்ணை பெற்றவர்கள்... இபொழுது அதிக விலை கொடுத்து தங்கம் வாங்கும் நிலமைக்குத் தள்ளப்படுகிறார்கள் :

by **Dr.S.Soundarapandian** Mon Feb 14, 2022 1:19 pm

by **T.N.Balasubramanian** Mon Feb 14, 2022 3:06 pm

தங்கம் விலையேறுவதற்கு காரணம் ஒன்றும் இருக்கவேண்டிய அவசியமில்லை.

பங்கு சந்தை என்பர் சில நாள்.
பட்ஜெட் என்பர் சில நாள்.
கச்சா எண்ணெய் விலையேற்றம் என்பர்.
பண்டிகைகள் வருகின்றன என்பர்.
எது எப்பிடி இருந்தாலும் விலை ஏறிக்கொண்டேதான் போகும்.
இந்த தங்க வியாபாரமே --பெண்களையும் /நம்பர் 2 வில் பணம் சம்பாதித்து
பில் இல்லாமல் ரொக்கமாக பணம் கொடுக்கும் கணவன் /மனைவிகளை
நம்பியும் அயல்நாட்டில் இருந்து தினம் தினம் கோடி கணக்கில்
வரும் குருவிகளை நம்பி வருகிறது./வளருகிறது.

இது இந்திய நாட்டில் மிக அதிகம்.

மற்ற விஷயத்தில் மேற்காசிய /வெளி நாடுகளை காப்பி அடிக்கும் இந்திய மக்கள்
வெளிநாட்டாரின் நகை மோகமின்மையை பின்பற்றவேண்டும்.அப்பிடியே அவர்கள் இமிடேஷன் நகைகள் / மெலிதான 16 கேரட் சங்கிலிதான் போட்டிருப்பார்.

by Sponsored content

ரஷ்யா, உக்ரைன் போர் பதற்றத்தால் : தங்கம் விலை உயர்வு

ரஷ்யா, உக்ரைன் போர் பதற்றத்தால் : தங்கம் விலை உயர்வு

Re: ரஷ்யா, உக்ரைன் போர் பதற்றத்தால் : தங்கம் விலை உயர்வு

Re: ரஷ்யா, உக்ரைன் போர் பதற்றத்தால் : தங்கம் விலை உயர்வு

Re: ரஷ்யா, உக்ரைன் போர் பதற்றத்தால் : தங்கம் விலை உயர்வு

Re: ரஷ்யா, உக்ரைன் போர் பதற்றத்தால் : தங்கம் விலை உயர்வு