2வது ஒருநாள் போட்டியிலும் வெற்றி: தொடரை வென்றது இந்தியா!

-
இந்தியா வந்துள்ள மேற்கிந்தியத் தீவுகள் அணி, மூன்று போட்டிகள்
கொண்ட ஒருநாள் தொடரில் பங்கேற்று விளையாடி வருகிறது.
முதல் இரண்டு போட்டிகள் நடந்து முடிந்துள்ள நிலையில், இரண்டிலும்
இந்திய அணி அபாரமாக செயல்பட்டு 2-0 என்ற கணக்கில் தொடரைக்
கைப்பற்றியுள்ளது.

இதனைத் தொடர்ந்து மூன்றாவது ஒருநாள் போட்டி இன்று துவங்கி
நடைபெற்றது. இதில் டாஸ் வென்ற இந்திய அணி முதலில் பேட்டிங்கை
தேர்வு செய்து களமிறங்கியது.

இந்திய இன்னிங்ஸ்:

முதலில் களமிறங்கிய இந்திய அணியில் கேப்டன் ரோஹித் ஷர்மா 13 (15),
விராட் கோலி 0 (2) இருவரும் ஒரே ஓவரில் அல்ஜாரி ஜோசப் பந்துவீச்சில்
ஆட்டமிழந்தனர். இதனால், ஸ்கோர் 16/2 என மாறியது.

அல்ஜாரி ரெக்கார்ட்:

அல்ஜாரி ஜோசப் பந்துவீச்சில் இருவரும் ஒரே சுவரில் ஆட்டமிழப்பது இது
முதல்முறையல்ல. இதற்குமுன்பு முதல் ஒருநாள் போட்டியிலும் இருவரும்
ஒரே ஓவரில் ஆட்டமிழந்தனர். இதனால், ரோஹித்தையும், கோலியையும்
ஒரே ஓவரில் இரண்டு முறை வீழ்த்திய பௌலராக அல்ஜாரி ஜோசப்
திகழ்கிறார்.

பார்ட்னர்ஷிப்:

இதனைத் தொடர்ந்து ஷிகர் தவன் 10 (26) ஆட்டமிழந்த நிலையில்
ஷ்ரேயஸ் ஐயர், ரிஷப் பந்த் இருவரும் பெரிய பார்ட்னர்ஷிப் அமைத்தனர்.
இந்த பார்ட்னர்ஷிப் 100 ரன்களை கடந்து நீடித்தது. இந்நிலையில் ரிஷப் பந்த்
56 (54), ஷ்ரேயஸ் ஐயர் 80 (111) இருவரும் அடுத்தடுத்து ஓவர்களில் ஆட்டமிழந்து
நடையைக் கட்டினார்கள்.

தொடர்ந்து சூர்யகுமார் யாதவும் 6 (7) பெரிய ஸ்கோர் அடிக்காமல்
ஆட்டமிழந்தார். இதனைத் தொடர்ந்து வாஷிங்டன் சுந்தர் 33 (34),
தீபக் சஹார் 38 (38) இருவரும் ஓரளவுக்கு ரன்களை சேர்த்து
ஆட்டமிழந்தனர். அடுத்து டெய்ல் என்டர்ஸ் பெரிய ஸ்கோர் அடிக்கவில்லை.


இறுதியில் இந்திய அணி 50 ஓவர்கள் முடிவில் 265/10 ரன்கள் மட்டுமே அடித்தது.
ஜேசன் ஹோல்டர் கடைசி நான்கு விக்கெட்களை கைபற்றி, 34 ரன்களை மட்டுமே
விட்டுக்கொடுத்தார்.

மே.இ.தீவுகள் இன்னிங்ஸ்:

இலக்கை துரத்திக் களமிறங்கிய மேற்கிந்தியத் தீவுகள் அணியில் கேப்டன்
நிகோலஸ் பூரன் 34 (39), ஓடியின் ஸ்மித் 36 (18) ஆகியோர் மட்டுமே பெரிய ஸ்கோர்
அடித்தார்கள். மற்றவர்கள் வந்த வேகத்தில் நடையைக் கட்டிய நிலையில்
டெய்ல் என்டர்ஸ் அல்ஜாரி ஜோசப் 29 (56), ஹெய்டன் வால்ஸ் 13 (38) ஆகியோர்
ஓரளவுக்கு ரன்களை சேர்த்தார்கள்.

இறுதியில் அந்த அசி 37.1 ஓவர்கள் முடிவில் 169/10 ரன்கள் மட்டும் அடித்து, 96 ரன்கள்
வித்தியாசத்தில் படுதோல்வியைச் சந்தித்து, 3-0 என தொடரை இழந்துள்ளது.

இப்போட்டியில் முகமது சிராஜ், பிரசித் கிருஷ்ணா ஆகியோர் தலா மூன்று
விக்கெட்களை கைப்பற்றிய நிலையில், தீபக் சஹார், குல்தீப் யாதவ் நன்றிஆகியோர்
தலா இரண்டு விக்கெட்களை கைப்பற்றி அசத்தினார்கள்.

நன்றி-சமயம் செய்திகள்