ஏ.ஆர்.ரஹ்மானுக்கு மீண்டும் ஆஸ்கார் வாய்ப்பு

by இளவரசன் Wed Jan 20, 2010 3:36 pm

ஏ.ஆர்.ரஹ்மானுக்கு மீண்டும் ஆஸ்கார் வாய்ப்பு

ஸ்லம்டாக் மில்லினர் படத்துக்காக ஆஸ்கார் விருது பெற்ற இசையமைப்பாளர் ஏ.ஆர்.ரஹ்மானுக்கு மேலும் ஒரு ஆஸ்கார் விருது பெறுவதற்கான வாய்ப்பு கணிந்து வந்துள்ளது. 'கப்பிள்ஸ் ரிட்ரீட்' என்ற ஹாலிவுட் படத்துக்கு இசையமைத்துள்ளார் ரஹ்மான். இந்த இசை ஆல்பம் அங்கு பெரும் வரவேற்பை பெற்றுள்ளது. இந்தப் படத்துக்காக அவரே எழுதி இசையமைத்த 'நானா' எனத் தொடங்கும் தமிழ் பாடல் ஆஸ்கார் அகடமி விருதுக்கு பரிந்துரைக்கப்பட்டுள்ளது. இதுகுறித்து ரஹ்மான் அளித்துள்ள பேட்டியில், எனக்கு ஹாலிவுட்டில் இருந்து பல்வேறு வாய்ப்புகள் வந்த போதும், இந்தப்படத்தை நான் தேர்வு செய்ய காரணம் , அது காமெடி படம் என்பதுதான். இந்த படத்துக்கு இசையமைத்து ஹாலிவுட்டில் எனது முதல் அனுபவத்தை பெற்றுள்ளேன். இந்த படத்தில் எனது மகன் ஒரு பாடலில் பாடியுள்ளான், என்று எந்தவித பந்தாவும் இல்லாமல் சாந்தமாக கூறினார். ஆஸ்கார் நாயகனுக்கு மேலும் ஒரு ஆஸ்கார் கிடைக்க நாமும் வாழ்த்துவோம்.

Thanks: Dinamalar