குடைக்கு இறக்குமதி வரியை அதிகரித்தது மிக மிகச் சரிதான்.

by **ayyasamy ram** Tue Feb 08, 2022 5:59 am

மத்திய நிதியமைச்சர் சொன்னது “இறக்குமதி செய்யப்படும் குடைகளின் மீதான வரியை 20 சதவீதமாக உயர்த்தப்பட்டு உள்நாட்டில் அதன் உற்பத்தியை ஊக்கு விக்கப்படும் – அதாவது சுயசார்பு உற்பத்தி ஊக்குவிக்கபடும் என்று சொல்கிறார் “

தமிழக மக்களை முட்டாளாகவே வைத்துக் கொள்ளும் முயற்சியில் இன்றைய மீடியா உள்ளது.

வைரங்களின் இறக்குமதி வரி குறைப்பு – குடைகளின் இறக்குமதி வரி அதிகரிப்பு – இது சரியான நடவடிக்கையா?

இன்றைய நிதி வரவு-செலவு திட்ட அறிக்கையில் நிதியமைச்சர் திருமதி நிர்மலா சீதாரமன் அவர்கள் - கஸ்டம்ஸ் டியூட்டி எனப்படும் இறக்குமதி கலால் வரியில் சில மாற்றங்களை அறிவித்தார். அதில் வைரம் முதலான (பாலிஷ் செய்யப்பட்ட கற்கள்) கற்களுக்கு வரி 5 விழுக்காடாக குறைக்கப் படுகிறது. (அதே சமயம்) குடையின் மீதான இறக்குமதி வரி 20 விழுக்காடாக அதிகரிக்கப்படுகிறது - என அறிவித்தார்.

உடனே நாடெங்கிலும் உள்ள ட்விட்டர் அறிவாளிகள் இதனைச் சுட்டிக்காட்டி கேலிப்படங்கள் வெளியிடத் தொடங்கினர். எளியவர்கள் பயன்படுத்தும் குடைக்கு வரி; பணக்காரர்கள் பயன்படுத்தும் வைத்திற்கு வரியில்லை என்ன ஞாயம் இது? எனக் கேள்விகள்.

பாரதிய ஜனதா கட்சியினரின் ஐ.டி. பிரிவு என்ன செய்து கொண்டிருக்கிறது எனத் தெரியவில்லை. இதற்கெல்லாம் உடனுக்குடன் பதில் தராவிட்டால், மக்கள் அதனை அப்படியே நம்பிவிடுவர்.

இந்த இரண்டு அறிப்புகளுமே MSME செக்டாரின் வளர்ச்சிக்காக செய்யப்பட்டவை. பட்டை தீட்டப்பட்ட கற்கள் - விலை உயர்ந்த வைரம் முதல் மரகதம், கெம்பு, நீலம், மாணிக்கம், வைடூரியம் போன்றவை – இறக்குமதி செய்யப்பட்டால் நகைகள் உற்பத்தி அதிகரித்து, ஏற்றுமதி பெருகும்.

எனவே இந்தத் தொழிலை ஊக்கப்படுத்த இறக்குமதி வரியை குறைக்க வேண்டியுள்ளது.

குடைகள் அதிகம் உற்பத்தி செய்யும் நாடு சீனா. அங்கிருந்துதான் குடைகள் இறக்குமதி செய்யப்பட்டு விற்பனை செய்யப்பட்டுள்ளன. நம் நாட்டில் குடைகளை உற்பத்தி செய்ய மத்திய அரசு கடந்த சில ஆண்டுகளாக பெரிய முயற்சி செய்து வருகிறது. இருந்தாலும் இறக்குமதியாகும் சீனக்குடைகளால் நமது உற்பத்தி பாதிக்கப்படுகிறது.

இதனால் குடைகள் மீதான இறக்குமதி வரியை அதிகரிக்க வேண்டியிருக்கிறது. குடைகள் பற்றி மத்திய அரசு எடுத்துவரும் முயற்சிகளை https://aatmnirbharsena.org/blog/umbrella-business-in-india/ என்ற இணையதளத்தில் பாருங்கள்.

எனவே வைரத்திற்கு இறக்குமதி வரியைக் குறைத்தது சரிதான்; குடைக்கு இறக்குமதி வரியை அதிகரித்தது மிக மிகச் சரிதான்.
-
தினசரி

by **T.N.Balasubramanian** Tue Feb 08, 2022 3:42 pm

இறக்குமதி வரி குறைப்பும் /உயர்ந்தலும் பயன் பெறுவது ஒரு விதத்தில் அரசாக இருக்கும்.

ஜனங்களை பொறுத்தவரையில் வரி விகித ஏற்றம் மக்களின் பர்ஸைதான் பாதிக்கும்.

by Rajana3480 Fri Feb 11, 2022 2:37 am

அதற்கு பதிலாக சீனாவிலிருந்து குடை இறக்குமதி
செய்வதை நிறுத்தி விட்டு உள்நாட்டு தயாரிப்புகளை ஊக்கப்படுத்தலாமே? வரியை ஏற்றினால் நியாயமா இது?

by **krishnaamma** Sat Feb 12, 2022 9:53 pm

Rajana3480 wrote:அதற்கு பதிலாக சீனாவிலிருந்து குடை இறக்குமதி
செய்வதை நிறுத்தி விட்டு உள்நாட்டு தயாரிப்புகளை ஊக்கப்படுத்தலாமே? வரியை ஏற்றினால் நியாயமா இது?

மேற்கோள் செய்த பதிவு: 1357712

ம்ம்... எனக்கும் இபடித்தான் தோன்றுகிறது புன்னகை

by Sponsored content

குடைக்கு இறக்குமதி வரியை அதிகரித்தது மிக மிகச் சரிதான்.

குடைக்கு இறக்குமதி வரியை அதிகரித்தது மிக மிகச் சரிதான்.

Re: குடைக்கு இறக்குமதி வரியை அதிகரித்தது மிக மிகச் சரிதான்.

Re: குடைக்கு இறக்குமதி வரியை அதிகரித்தது மிக மிகச் சரிதான்.

Re: குடைக்கு இறக்குமதி வரியை அதிகரித்தது மிக மிகச் சரிதான்.

Re: குடைக்கு இறக்குமதி வரியை அதிகரித்தது மிக மிகச் சரிதான்.