இயக்குநர் புகார்…கூகுள் சுந்தர் பிச்சை மீது வழக்குப்பதிவு..

-


தலைமை செயல் அதிகாரி சுந்தர் பிச்சை உட்பட 6 கூகுள்
அதிகாரிகள் மீது காப்புரிமை சட்டத்தின் விதியை மீறியதாக
மும்பை போலீசார் வழக்குப் பதிவு செய்துள்ளனர்.

சுனீல் தர்ஷன் மும்பையை சேர்ந்த பிரபலமான பாலிவுட்
திரைப்பட இயக்குநர் ஆவார். இவர் தனது படப்பிடிப்பு பணியை
1987ஆம் ஆண்டு தொடங்கினார். இவர் இதுவரை 16 படங்களை
இயக்கியுள்ளார்.

கடந்த 2017 ஆன் ஆண்டு “ஏக் ஹசீனா தி ஏக் தீவானா தா”
என்ற படத்தை இவர் இயக்கியிருந்தார். அந்த திரைப்படத்தை
மர்ம நபர்கள் சட்டவிரோதமாக யூடியூப்பில் பதிவேற்றம்
செய்திருக்கின்றனர். ஆனால் இந்த படத்தின் காப்புரிமையை
இயக்குநர் சுனில் தர்சன் யாருக்கும் கொடுக்கவில்லை.

இந்த நிலையில் சட்டவிரோதமாக தனது படம் யூடியூப்பில்
பதிவேற்றம் செய்யப்பட்டதால், காப்புரிமை சட்டத்தின் கீழ்
கூகுள் நிறுவனத்தின் மீதும், அதன் நிர் வாகிகள் மீதும்
நடவடிக்கை எடுக்கவேண்டும் என்று மும்பை நீதிமன்றத்தில்
சுனில் தர்சன் வழக்கு தொடர்ந்தார்.

வழக்கை விசாரித்த நீதிமன்ற உத்தரவின் படி சுந்தர் பிச்சை
மற்றும் கூகுள் அதிகாரிகள் ஐவர் மீது காப்புரிமை சட்டத்தின்
விதியை மீறியதாக வழக்குப் பதிவு செய்யப்பட்டுள்ளதாக
மும்பை போலீசார் தெரிவித்துளனர்.

திரைப்பட இயக்குநர் சுனீல் தர்ஷன் என்பவர், தன்னுடைய
ek haseena thi ek deewana tha என்ற திரைப்படத்தை
சிலர் யூடியூப்பில் பதிவேற்றம் செய்துள்ளனர் என்று
நீதிமன்றத்தில் தெரிவித்திருந்திருந்தார்.

மேலும், யூடியூப்பில் பதிவேற்றப்பட்ட படத்தை கூகுள்
அனுமதித்திருப்பது காப்புரிமை சட்டத்தை மீறியதாகும் என்றும்,
கூகுள் அதிகாரிகள் மீது நடவடிக்கை எடுக்க வேண்டும் என்றும்
நீதிமன்றத்தில் சுனீல் தர்ஷன் கூறியிருந்தார்.

இவரது வழக்கில் உரிய நடவடிக்கை எடுக்கும்படி மும்பை
போலீசாருக்கு நீதிமன்றம் உத்தரவிட்டிருந்தது குறிப்பிடத்தக்கது.

-சரவணகுமார்
-நியூஸ் 7

சுந்தர்பிச்சை மீது வழக்கா? - என்று தமிழர்கள் மனம் பதைபதைக்கிறது! ஆனால், அனுமதி பெறாமல் யூ டியூப்பில் பதிவேற்றம் செய்வது தவறுதானே?

மனம் பதைபதைக்கவேண்டாம்.
இது யாராக இருந்தாலும் --ஜெஃப் பெஸோஸ் / பில் கேட்ஸ் / வாறன் பஃபெ  ஆக இருந்தாலும் அவர்கள் பெயரில் வழக்குப் பாயும்.. சுந்தர் பிச்சை அவர்களா ஒவ்வொரு யு ட்யூப் பும் விதிமீறல் இல்லாமல் வெளியிடப்படுகிறதா என்றா  பார்ப்பார்.யு ட்யூப் முதன்மை அதிகாரி பேரில் கேஸ் மாற்றப்படும். அவர் ஆவன செய்வார்.

சமீபத்து --2/3 நாட்கள் முன்பு 4 நகராட்சி பகுதிகளில், மெட்ரோ குடிநீர் வாரியம் , கொடுக்கும் நீரில் e கொல்லி என்ற பாக்டீரியா இருக்கிறது என்று செய்தி. இதற்காக முதன்மை செயலாளர் மீதோ அல்லது மந்திரி மீதோ கேஸ் போடமுடியாது.

சம்பந்தப்பட்ட முதன்மை அதிகாரிதான் பொறுப்பு.

மந்திரி மீது வழக்குப் போட முடியாது...........சம்பந்தப்பட்ட நாடுகளின் சட்டமுறைமை.
ஆனால் சுந்தர் பிச்சை மீது வழக்குப் போட எந்த தடையும் கிடையாது.இது இணையச் சட்ட முறை.

இணைய சட்டம் (Internet laws ) என்பது அனைத்து வடிவங்களிலும் இணையத்தைப் பயன்படுத்துவது தொடர்பாக நடைமுறையில் உள்ள சட்டம் மற்றும் சட்டக் கோட்பாடுகளைக் குறிக்கிறது.
மற்ற சட்டத் துறைகளைப் போலன்றி, இணையச் சட்டத்தை ஒரு குறிப்பிட்ட, நிலையான மற்றும் திடமான நடைமுறைத் துறையாக அடையாளம் காண முடியாது. மாறாக இது கொள்கைகளைப் பயன்படுத்துகிறது மற்றும் ஒப்பந்தச் சட்டம் மற்றும் தனியுரிமைச் சட்டம் உட்பட பல்வேறு பாரம்பரியத் துறைகளின் விதிகளை உள்ளடக்கியது .
(எங்கள் நிறுவனத்தில் நிரந்தரமாக வேலை செய்ய, இணைய விதிகள் சட்டம் அடிப்படை விதிகள் பரீட்சையை 6 மாதத்திற்குள் முடிக்க வேண்டும்.சித்தி பெறா விட்டால் டாடா சொல்லி விடுவார்கள்)

International Regulation of the Internet, இணைய சட்டத்தில் 3.11.1995 இல் இந்தியா கைச்சாத்திட்டது.
எனவே அந்த இணைய சட்டத்தை, உள்நாட்டு சட்டத்தை மீறாத வகையில் ஏற்றாக வேண்டும்.

சென்ற வருடம் கலிபோர்னியா நீதிமன்றம் இரண்டு மணி நேரம் சுந்தர் பிச்சை நீதிமன்றத்திற்கு வந்து விளக்கம் தர உத்தரவிட்டது.நீதிபதி ஏற்றுக் கொள்ளாத வரை யாராக இருப்பினும் நேரில் வந்தே ஆக வேண்டும்.ஐரோப்பிய நீதிமன்றம் விலக்கு கொடுத்தது.

அதேசமயம்,யூ டியுப்பில் பதிவேற்ற அனுமதி தேவையில்லை.ஆனால் காப்பிரைட் போன்றவற்றை மீறாமல் பதிவேற்றுவதாக உறுதி (TOS) செய்ய வேண்டும்.அதன்பின்னரே பதிவேற்ற முடியும். அப்படி ஒரு காணொலி அனுமதி இன்றி பதிவேற்றப்பட்டதாக முறையிட்டால் நீக்கப்படுவதுடன்,பதிவேற்றியவருக்கு மூன்று எச்சரிக்கைகள் (7 நாட்கள்-90 நாட்கள்) விடப்படும்.

மேலதிக தகவல்களுக்கு நன்றி சக்தி.

@சக்தி18