சமூக சீர்திருத்தத்தை வலியுறுத்தியவர் ராமானுஜர் : பிரதமர் மோடி !

**krishnaamma** · **krishnaamma** Sat Feb 05, 2022 8:29 pm

ஐதராபாத்: சமூக சீர்திருத்தத்தை வலியுறுத்தியவர் ராமானுஜர் என தெலங்கானா மாநிலத்தில் நடைபெற்ற ராமானுஜர் சிலை திறப்பு விழாவில் பிரதமர் மோடி கூறினார்.

சிலை திறப்பு விழாவில் கலந்து கொண்ட பிரதமர் மேலும் கூறியதாவது:குருவின் மூலமாகத்தான் நாம் அறிவை பெறுகிறோம். ராமானுஜரின் இந்த உருவச்சிலை மக்களுக்கு விழிப்புணர்வை அளிக்கட்டும். ராமானுஜரின் தைரியம், கருத்துக்கள் மற்றும் சித்தாத்தங்களை பின்பற்றுவோம். இந்த சிலை இந்தியாவின் பெருமையை வருங்கால தலைமுறைக்கு கூறும் .உலகம் முழுவதும் உள்ள ராமானுஜரின் சீடர்களுக்கு எனது வணக்கங்கள் .108 திவ்ய தேசங்களில் பயணம் செய்யும் வாய்ப்பு எனக்கு கிடைத்துள்ளது.

தொடரும்...

**krishnaamma** · **krishnaamma** Sat Feb 05, 2022 8:30 pm

சமூக சீர்திருத்தத்தை வலியுறுத்தியவர் ராமானுஜர் : பிரதமர் மோடி ! Wf4d7z6

ராமானுஜர் சிலை திறப்பு விழாவில் பங்கேற்றது எனது பாக்கியம் இங்கு நடந்த லட்சுமி நாராயண யாகத்தின் பலன் அனைவருக்கும் கிடைக்க வேண்டும். உலகின் மிக பழமையான நாகரிகம் கொண்ட நாடு இந்தியா. எந்தவிசயங்களை நாம் ஏற்க வேண்டும் என கூறியவர்கள் ராமானுஜர் போன்ற ஆச்சார்யர்கள்.

ராமானுஜரின் அறிவு மிகவும் உன்னதமானது. அவர் பல விசயங்களை எளிமையாக ஒரே நூலில் தெரிவித்து உள்ளார். பகவத் கீதையின் கருத்துக்களை ராமானுஜர் நமக்கு கூறி இருக்கிறார். தமிழில் பல முக்கியமான படைப்புகளை ராமானுஜர் அருளி இருக்கிறார். சமூக சீர்திருத்தத்தை வலியுறுத்தியவர் ராமானுஜர். இவ்வாறு பிரதமர் மோடி கூறினார்.

நன்றி தினமலர்

**T.N.Balasubramanian** · **T.N.Balasubramanian** Sat Feb 05, 2022 8:48 pm

மு க அவர்களே ராமானுஜரின் வாழ்க்கை சரிதம் எழுதும் அளவுக்கு சீர்திருத்தவாதி.

**Dr.S.Soundarapandian** · **Dr.S.Soundarapandian** Sat Feb 05, 2022 10:37 pm

"சமூக சீர்திருத்தத்தை வலியுறுத்தியவர் ராமானுஜர்”

- எல்லாம் சரிதான் ! ஆனால் நடப்பு?

**ayyasamy ram** · **ayyasamy ram** Sun Feb 06, 2022 3:22 am

வரும் 7 ம் தேதி பாதுகாப்பு அமைச்சர் ராஜ்நாத் சிங், 8 ம் தேதி மத்திய
உள்துறை அமைச்சர் அமித்ஷா, 13ம் தேதி ஜனாதிபதி
ராம்நாத் கோவிந்த் ஆகியோர் வருகை தர உள்ளனர்.

ராமானுஜர் சிலை திறப்பு விழாவில் பங்கேற்கும்படி முதல்வர்
ஸ்டாலினை நேரில் சந்தித்து திரிதண்டி சின்ன ஜீயர் சுவாமிகள்,
அழைப்பு விடுத்திருந்தார்.இந்நிலையில், திரிதண்டி சின்ன ஜீயர்
சுவாமிகளுக்கு ஸ்டாலின் எழுதிய கடிதத்தில் கூறப்பட்டுள்ளதாவது:

ராமானுஜரின் பொற்சிலைத் திறப்பு நிகழ்வுக்கு என்னை
அழைத்தமைக்காக எனது மரியாதை கலந்த நன்றியை
உரித்தாக்குகிறேன்.

இந்தச் சீரிய தருணத்தில், ராமானுஜர் அவர்களின் சமத்துவக்
குரல் நாடெங்கும் சிறப்போடும் எழுச்சியோடும் ஒலிக்க வேண்டும்
என்ற எனது விருப்பத்தைத் தெரிவித்து கொள்கிறேன்.

சமத்துவத்தின் சிலை என்னும் இந்த அடையாளம், அனைவரையும்
உள்ளடக்கி ஒட்டு மொத்தமாக நம் நாடு வளர்ச்சி பெறத் தற்போது
மிகவும் தேவைப்படும் ஒன்றாகும். தங்களது நிகழ்வு பெரும்
வெற்றியடைய எனது மனபூர்வமான வாழ்த்துகளையும் ராமானுஜரின்
"சமத்துவ சிலை" என்ற இந்த அடையாளம், தேச ஒருமைப்பாட்டின்
அடையாளமாகத் திகழ வேண்டும் என்ற எனது விருப்பத்தையும்
தெரிவித்துக்கொள்கிறேன்.
இவ்வாறு அந்த கடிதத்தில் ஸ்டாலின் தெரிவித்துள்ளார்.

பிரதமரரை வரவேற்காத சந்திரசேகரராவ்

ராமானுஜர் சிலை திறப்பு விழாவில் கலந்து கொள்வதற்காக
பிரதமர் மோடி இன்று புதுடில்லியில் இருந்து தெலங்கானா மாநிலம்
ஐதராபாத்திற்கு விமானம் மூலம் வருகை தந்தார். விமான நிலையத்தில்
பிரதமரை மாநில கவர்னர் தமிழிசை சவுந்தரராஜன் மற்றும் உயர்
அதிகாரிகள் பங்கேற்று வரவேற்றனர்.
ஆனால் மாநில முதல்வர் சந்திரசேகரராவ் பிரதமரை வரவேற்காமல்
அவரது வருகையை புறக்கணித்தார்.

-தினமலர்

**T.N.Balasubramanian** · **T.N.Balasubramanian** Sun Feb 06, 2022 8:53 am

Code:: பிரதமரரை வரவேற்காத சந்திரசேகரராவ்

அரசியல் நாகரிகம் அற்றவர்கள் என்றே சொல்லவேண்டும்.
நாளை வேறொரு மாவட்டத்திற்கு இவர் போகும்போது அந்த மாவட்ட கலெக்டர் இவரை வரவேற்க வரவில்லையெனில் இவருக்கு எப்பிடி இருக்கும்?

இதே போல் அன்றைய பிரதமர் வாஜ்பாயை வரவேற்க ஜெயலலிதா விமான நிலையம் போகவில்லை.

அந்த விஷயத்தில் எம்ஜியார் சிறந்தவர். மாநிலத்திற்கு தேவையானவற்றை குறிப்பிட்ட காலத்திற்கு பெற்று தர மாநில -மத்திய அரசு நல்லுறவு மிக அவசியம் என அறிந்து செயல்பட்டவர்.

**T.N.Balasubramanian** · **T.N.Balasubramanian** Sun Feb 06, 2022 8:56 am

வணக்கம் ராம், காலை 3.29க்கு பதிவு ! வாசம் சென்னைதானே ?

அல்லது சிங்கப்பூரா?

@ayyasamy ram

**krishnaamma** · **krishnaamma** Sun Feb 06, 2022 8:40 pm

பிரதமரரை வரவேற்காத சந்திரசேகரராவ்

பிரதமரை மதிக்காமல் இப்படி செய்து இருந்தால் அது சந்திரசேகரராவின் மடத்தனம்... இது எந்த விதத்திலும் அந்த கர்ம வீரர் மோடி ஜியை பாதிக்காது..... :வணக்கம்: