காலம் மதிப்பு மிக்கது! - காந்திஜி

by **ayyasamy ram** Sun Feb 06, 2022 3:28 am

* மனதிற்குள் பகையுணர்வை மறைப்பதை காட்டிலும் சண்டையிடுவது மேலானது.

* ஒவ்வொரு நாளும் நாட்குறிப்பு எழுதி வந்தால், விலை மதிப்பில்லாத காலத்தை வீணாக்கும் எண்ணம் மறைந்து விடும்.

* எப்போதும் எதையாவது பேசுபவன் விஷயம் இல்லாமல் உளறிக் கொண்டிருக்க நேரிடும்.

* நல்லவர்களின் ஆழமான நம்பிக்கைகள் ஒருபோதும் வீணாவதில்லை.

* உண்மையே வெல்லும். அதன் பலனாக நிறைந்த நன்மை கிடைக்கும் என்று முழுமையாக நம்புங்கள்.

- காந்திஜி

by **ayyasamy ram** Sun Feb 06, 2022 3:29 am

கடவுள் போடும் கணக்கு

* நம்மிடம் இருக்கும் ஆற்றலைப் பணம் தேடுவதிலேயே பயன்படுத்துகிறோம். அதைக் கொஞ்சம் சேவை செய்வதிலும் பயன்படுத்த வேண்டும்.

* தன்னடக்கம் இல்லாதவன் எவ்வளவு படித்தும் பயனில்லை. தலைவர்களாக வேண்டும் என விரும்புவோர் அடக்கம் உடையவராக இருக்க வேண்டும்.

* மனதில் எழும் நியாயமான ஆசை நிறைவேறாமல் போவதில்லை. இந்த உண்மையை அனுபவத்தில் எல்லாராலும் உணர முடியும்.

* நெற்றி வியர்வை நிலத்தில் விழ உழைக்க தொடங்கினால் மண்ணுலகம் சொர்க்கமாகி விடும்.

* கடவுளின் கணக்குப் புத்தகத்தில் நம் செயல்கள் மட்டுமே குறிக்கப்படுகிறது. நாம் படித்தவையும், பேசியவையும் அல்ல.

* பாவத்தை மறைத்து வைத்தால் அது உடலில் மறைந்து நின்று கொல்லும் நஞ்சு போல கொடியதாகும்.

- காந்திஜி