இனி, மருத்துவ படிப்பு கானல் நீர் அல்ல: திருப்பூர் அரசு பள்ளி மாணவர்கள் 25 பேருக்கு இடம் கிடைத்தது

**ayyasamy ram** · **ayyasamy ram** Sun Jan 30, 2022 12:25 pm

-
திருப்பூர்:
தமிழக அரசின், 7.5 சதவீத உள் ஒதுக்கீட்டின் கீழ், திருப்பூர்
மாவட்டத்தில் உள்ள அரசு பள்ளியில் படித்த, 25 மாணவ,
மாணவியருக்கு முதல் நாள் மருத்துவ கவுன்சிலிங்கில்
இடம் கிடைத்துள்ளது.

அரசு பள்ளி மாணவர்களுக்கு மருத்துவ படிப்புகளில் உள்ள
மொத்த இடங்களில், 7.5 சதவீதம் உள் ஒதுக்கீடு வழங்கப்
பட்டுள்ளது. இவர்களுக்கான, கவுன்சிலிங், கடந்த 27ம் தேதி
துவங்கியது. முதல்முறையாக ஆன்லைனில் நடக்கும் இந்த
கலந்தாய்வில், அரசு பள்ளி ஒதுக்கீட்டில், ஆயிரத்து,
806 பேரின் விண்ணப்பங்கள் ஏற்கப்பட்டு கவுன்சிலிங்கில்
பங்கேற்க அழைப்பு விடுக்கப்பட்டது.

திருப்பூர் மாவட்டத்தில் அழைக்கப்பட்ட, 95 பேரில், 42 பேர்
முதல் நாள் கவுன்சிலிங்கில் பங்கேற்றனர்.
இதில் ஜெய்வாபாய் மாதிரி அரசு பெண்கள் மேல்நிலைப்
பள்ளியில் மட்டும், 7 மாணவியருக்கு விரும்பிய கல்லுாரியில்
மருத்துவம் பயில வாய்ப்பு கிடைத்துள்ளது.

குறிப்பாக, கோவை மருத்துவ கல்லுாரி, மதுரை விருதுநகர்,
தேனி, வேலம்மாள், கோவை பி.எஸ்.ஜி., திருப்பூர் ஆகிய
மருத்துவ கல்லுாரிகளில் சேர்ந்து பயில மாணவ, மாணவியர்
தேர்வாகியுள்ளனர்.

மாவட்ட 'நீட்' ஒருங்கிணைப்பாளர் சுரேஷ் கூறுகையில்,
''அரசு பள்ளி மாணவர்களுக்கு இலவச நீட் பயிற்சி வழங்க
துவங்கியது முதல் நிறைய மாணவர்கள் ஆர்வத்துடன் மருத்துவ
கல்வி பயில முன்வருகின்றனர். அரசின், 7.5 ஒதுக்கீடு திட்டம்
நல்ல வரவேற்பை பெற்றுள்ளது.

திருப்பூரில் கடந்தாண்டு, 31 மாணவியர் மருத்துவ கவுன்சிலிங்கில்
தேர்வாகினர்.
இம்முறை, முதல் நாள் கவுன்சிலிங்கில், 25 பேருக்கு இடம்
கிடைத்துள்ளது. இதில், முதல் முறையாக, 6 மாணவர்களும் இடம்
பிடித்துள்ளனர்'' என்றனர்.

-தினமலர்

இனி, மருத்துவ படிப்பு கானல் நீர் அல்ல: திருப்பூர் அரசு பள்ளி மாணவர்கள் 25 பேருக்கு இடம் கிடைத்தது

இனி, மருத்துவ படிப்பு கானல் நீர் அல்ல: திருப்பூர் அரசு பள்ளி மாணவர்கள் 25 பேருக்கு இடம் கிடைத்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக