தேர்தல் கால இலவசங்கள்.

பா.ஜ.,வை சேர்ந்த அஸ்வினி உபாத்யாய் உச்சநீதிமன்றத்தில் தாக்கல் செய்யப்பட்ட பொது நல வழக்கில் கூறியதாவது: தேர்தல் விதிகளை மீறி பொது மக்களின் பணம் தவறாக பயன்படுத்தப்படுகிறது. பொது மக்களின் பணம் மூலம், இலவசங்கள் தருவதாக வாக்குறுதி அளிப்பது, வாக்காளர்கள் மத்தியில் தாக்கத்தை ஏற்படுத்தும், இது நேர்மையான சுதந்திரமான தேர்தல் என்ற அடித்தளத்தை அசைப்பதுடன், தேர்தல் செயல்முறையின் தூய்மையை கெடுப்பதுடன் சமநிலையை சீர்குலைக்கிறது.

தேர்தலை கொண்டு இலவசங்களை அறிவிப்பது, ஜனநாயகம் புத்துயிர் பெறுவதற்கு பெரிய அச்சுறுத்தலாக உள்ளதுடன், அரசியல்சாசனத்திற்கு பாதிப்பை ஏற்படுத்துகிறது. அதிகாரத்தில் நீடிக்க வேண்டும் என்பதற்காக, தேர்தல் நேரத்தில் அரசின் கஜானாவில் இருந்து இலவசங்களை அறிவிப்பது முறையற்ற நடவடிக்கை. பொதுமக்களின் பணத்தில் இருந்து இலவசங்களை அறிவிக்கும் கட்சிகளின் அங்கீகாரத்தை ரத்து செய்வதுடன் தேர்தல் சின்னங்களை முடக்க வேண்டும் என தெரிவித்திருந்தார்.

இந்த வழக்கு தலைமை நீதிபதி என்வி ரமணா, ஏஎஸ் போபண்ணா, ஹிமோ கோலி அமர்வு முன்பு விசாரணைக்கு வந்தது.




அப்போது தலைமை நீதிபதி கூறியதாவது: குறைந்த நம்பிக்கையுடன், பல்வேறு விவகாரங்களில் விதிமுறைகளை வகுக்கும்படி தேர்தல் ஆணையத்திற்கு உத்தரவு பிறப்பிக்கிறோம். நீதிமன்றத்தின் உத்தரவிற்கு பிறகு ஒரு முறை ஆலோசனை நடத்தும் தேர்தல் ஆணையம், பின்னர் அரசியல் கட்சிகளின் கருத்தை கேட்கிறது. அதற்கு பிறகு என்ன நடக்கிறது என எங்களுக்கு தெரியவில்லை. இலவசங்களுக்கான பட்ஜெட், வழக்கமான பட்ஜெட்டை விட அதிகமாக செல்கிறது. எனவே இலவசங்கள் என்பது முக்கியமான விஷயம். அரசியல் கட்சிகள் இலவசங்களை விதிமுறைகளை வகுப்பது தொடர்பாக மத்திய அரசு, தேர்தல் ஆணையம் நான்கு வாரங்களுக்குள் பதிலளிக்க வேண்டும் என உத்தரவிட்டு வழக்கை ஒத்திவைத்தனர்.

நன்றி தினமலர்.

தேர்தல் கால இலவசங்கள் நிச்சயமாக தவிர்க்கப்படவேண்டியது.

தேர்தல் வாக்குறுதிகள்-- இலவசமாக கொடுப்பதாக கூறி வெற்றி பெறும்  கட்சி 
கட்சிப்பணத்திலா இலவசங்கள் தருகின்றன?

நீங்களும் நானும் கட்டிடும் வரி 
கடைக்காரர்கள் நம்மிடம் வசூலிக்கும் வரி (இவர் வரி வசூலிக்கும் தரகர் )
அரசுக்கு செலுத்துகிறார்.
எவர் பணத்தை எவருக்கு கொடுக்க அரசுக்கு என்ன அக்கறை.
கட்சி ஜெயிக்கவேண்டுமெனில்  கட்சிப்பணத்தை கொடு.  

இலவசம் அறிவிக்கும் எந்த கட்சிக்கும் விஷயம் தெரிந்த மக்கள் 
ஓட்டுப்போடக்கூடாது.

Guest அவர்களே, உங்கள் கருத்து என்ன?

"இலவசம் அறிவிக்கும் எந்த கட்சிக்கும் விஷயம் தெரிந்த மக்கள்
ஓட்டுப்போடக்கூடாது."- இதுதான் என் கருத்து அன்பரே!
மக்களை ஏமாற்றும் அப்பட்டமான இந்த வழியை உடனே நிறுத்தவேண்டும்!
இலவச அறிவிப்பு , மசால்வடையை வைத்து எலிபிடிப்பது போல!