கொடுத்து மகிழ்..!

**ayyasamy ram** · **ayyasamy ram** Sun Jan 23, 2022 8:16 am

*கொடுக்கின்ற மனம் மனிதனுக்கு இல்லாவிட்டாலும்,
பிறர் கொடுப்பதைத் தடுக்க முயல்வது கூடாது.
-
* பசி என்றும் நம்மிடம் வந்தவருக்கு வயிறார சாப்பிடுவதற்கு
உணவு அளிப்பதே சிறந்த பண்பாகும்.
-
* கோபம் வந்து விட்டால், இமைப் பொழுதில் நண்பர்களும்
பகைவர்களாக மாறி விடுவர்.
-
* தவறுக்காக மன்னிப்பு கேட்பதன் மூலம் மனம் துாய்மை
பெறும். அச்சம் அகன்று விடும்.
-
* பேராசை கொண்ட மனிதனுக்கு உலகத்தையே கையில்
கொடுத்தாலும் திருப்தி உண்டாவதில்லை.
-
-மகாவீரர்

**ayyasamy ram** · **ayyasamy ram** Sun Jan 23, 2022 8:18 am

மென்மையாகப் பேசுவோம்...!

-
* உள்ளத்தூய்மையே ஒழுக்கத்தின் உயிர்நாடி. எண்ணம்,சொல்,
செயல் மூன்றையும் நல்வழிப்படுத்தி சரியான நெறியில் வாழ்வதே
ஒழுக்கம்.

* அடக்கத்துடன் வாழும் இல்லறத்தான், அடக்கமில்லாமல் வாழும்
துறவியைக் காட்டிலும் மேன்மையானவன்.

* அடக்கத்துடன் வாழ்பவன் இம்மையிலும் மறுமையிலும் இன்பம்
பெறுவது உறுதி.

* முன்யோசனையுடன் இதமாகவும், மென்மையாகவும் பேசுபவன்
பெரியோர்களின் மதிப்பை பெறுவான்.

* பாவச்செயல்கள் துன்பத்தையே தரும். செய்த பாவங்களுக்குத்
தண்டனை அனுபவிக்காமல் ஒருவன் சொர்க்கத்தை அடைய முடியாது.

* தியானத்தின் மூலம் மனதை தூய்மைப்படுத்திக் கொண்டால்
துன்பக்கடலை எளிதாகக் கடக்க முடியும்.

* தன்னைக் கொண்டு தன்னை வெல்பவனே இன்பம் பெறத் தகுதி
படைத்தவன்.

* பிறரின் இகழ்ச்சியைக் கண்டு கோபம் கொள்ளாமலும்,
சண்டையிடாமலும் பொறுத்துக் கொள்பவனே அறிஞன்.

- மகாவீரர்