வேண்டும் விடுதலை

**ayyasamy ram** · **ayyasamy ram** Sun Jan 23, 2022 9:35 am

-

அந்நிய அரசிடமிருந்து விடுதலை பெற்றது அப்போது
அறியாமை இருளிலிருந்து விடுதலைப் பெறுவது எப்போது?

தீவிரவாதம் இல்லாத பாரதம் வேண்டும்
மதவாதம் செய்யாத மானிடர் வேண்டும்
அடிமை இல்லாத கிராமம் வேண்டும்
அநீதி இல்லாத நகரம் வேண்டும்!

வன்முறை இல்லாத சமுதாயம் வேண்டும்
வறுமை இல்லாத தேசம் வேண்டும்
பெண் வதை செய்யாத ஆடவர் வேண்டும்
பெருமை சேர்க்கும் வீரர்கள் வேண்டும்!

உழவு நலியாத கிராமம் வேண்டும்
ஊழல் இல்லாத அரசாங்கம் வேண்டும்
தன்னலம் கருதாத தலைவர்கள் வேண்டும்
துரோகம் இழைக்காத ராணுவம் வேண்டும்!

கடமையாற்றும் காவல் துறை வேண்டும்
கண்ணியம் காக்கும் இதயங்கள் வேண்டும்
கனிவாய் கற்பிக்கும் ஆசான் வேண்டும்
பணிவாய் கற்கும் மாணவன் வேண்டும்!

மதுவின் தீமையை உணர வேண்டும்
மதிநுட்பம் பெருகிட நுாலகம் வேண்டும்
கல்லாமை முற்றிலும் அகல வேண்டும்
அப்துல்கலாமை போன்று எளிமை வேண்டும்!

இயற்கையை அழிக்காத இதயங்கள் வேண்டும்
இறைவனை வணங்கும் மழலைகள் வேண்டும்
காந்திஜியின் அகிம்சையை பேண வேண்டும்
காமராஜரின் நேர்மையை அணிய வேண்டும்!

பார் முழுதும் மூவர்ணக்கொடி பறந்திட வேண்டும்
பாரதத்தின் புகழ் தரணியில் ஓங்கிட வேண்டும்
வேண்டும் வேண்டும் விடுதலை இந்தியா
ஆகணும் ஆகணும் ஆரோக்கிய இந்தியா!

ச. புனிதா, சென்னை
நன்றி-வாரமலர்

**Dr.S.Soundarapandian** · **Dr.S.Soundarapandian** Sun Jan 23, 2022 11:27 am

“மதவாதம் செய்யாத மானிடர் வேண்டும்” -

உரியவர்களுக்கு விளங்குமா?

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

வேண்டும் விடுதலை

வேண்டும் விடுதலை

Re: வேண்டும் விடுதலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக