நள்ளிரவு கூண்டில் சிக்கிய சிறுத்தை !

நள்ளிரவு கூண்டில் சிக்கிய சிறுத்தை !



கோவை; கோவையில் பாழடைந்த குடோனில் பதுங்கி ஐந்து நாட்களாக போக்கு காட்டி வந்த சிறுத்தை நேற்று நள்ளிரவு கூண்டில் சிக்கியது.
கோவை, குனியமுத்தூர், சுகுணாபுரம் உள்ளிட்ட பகுதிகளில் இரு மாதங்களாக பொதுமக்களை அச்சுறுத்தி வந்த மூன்று வயதுடைய ஆண் சிறுத்தை கடந்த திங்கட்கிழமை சுகுணாபுரம், வாளையாறு ரோட்டிலுள்ள பாழடைந்த குடோனில் பதுங்கியிருந்தது கண்டுபிடிக்கப்பட்டது.
இதையடுத்து அந்த பாழடைந்த குடோனை வலை கொண்டு மூடிய வனத்துறையினர் குடோனின் இரண்டு நுழைவாயில்களிலும் கூண்டுகள் வைத்து, அதன் உள்ளே இறைச்சி மற்றும் நாய்களை கட்டி வைத்து சிறுத்தையை பிடிக்கும் முயற்சியில் ஈடுபட்டனர்.
மேலும் ஐந்து கேமிராக்கள் மூலம் சிறுத்தையின் நடவடிக்கைகளை வனத்துறையினர் தொடர்ந்து கண்காணித்து வந்தனர். ஆனால் கடந்த, 5 நாட்களாக சிறுத்தை சிக்காமல் போக்கு காட்டி வந்தது. சிறுத்தையின் நடமாட்டத்தை சி.சி.டிவி., மூலம் கண்காணித்த வனத்துறையினர் சிறுத்தை குடோனுக்குள் உலா வருவதும், கேமிராவை உற்றுபார்ப்பதும், கூண்டின் அருகே சென்றுவிட்டு திரும்பும் காட்சிகளை வெளியிட்டனர்.
இந்நிலையில் நேற்று நள்ளிரவு தண்ணீர் தேடி குடோனில் அலைந்த சிறுத்தை, 12.30 மணியளவில் குடானின் முன்பக்க நுழைவாயிலில் வைக்கப்பட்டிருந்த கூண்டில் தானாக வந்து சிக்கியது. கூண்டில் வைக்கப்பட்டிருந்த தண்ணீரை குடித்த சிறுத்தை ஆக்ரோஷமாக காணப்பட்டது. பிடிப்பட்ட சிறுத்தையின் உடல்நிலை நன்றாக இருப்பதாக மருத்துவர்கள் தெரிவித்தனர்.

தொடர்ந்து சிறுத்தையை பாதுகாப்பாக காட்டு பகுதியில் விடுவதற்காக நேற்று நள்ளிரவு கூண்டுடன் வனத்துறையினர் வாகனத்தில் எடுத்து சென்றனர். கடந்த ஒரு வாரமாக சிறுத்தை சிக்குமா, சிக்காதா என்ற கேள்விக்கு நேற்றிரவு விடை கிடைத்தது. இதனால் வனத்துறையினர், அப்பகுதி மக்கள் நிம்மதி பெருமூச்சுவிட்டனர்.

நன்றி தினமலர்

அப்பாடா...ஒருவழியாக சிறுத்தை பிடிபட்டது...

இப்பிடி இவ்வளவு பயமூர்த்தும் இந்த இனதிற்கு  --சிறுத்தை என்ற பெயர் சிறிதும் பொருத்தமில்லை.