மனிதாபிமானம் இல்லாத பெண் மருத்துவர்.

**T.N.Balasubramanian** · **T.N.Balasubramanian** Mon Jan 03, 2022 6:46 pm

திருப்பூர்: 'கர்ப்பிணியிடம் சிகிச்சைக்காக வசூலித்த, 37 ஆயிரம் ரூபாய் கட்டணத்தை, அரசு பெண் டாக்டர் திருப்பி வழங்க வேண்டும்' என திருப்பூர் கலெக்டர் வினீத் உத்தரவிட்டுள்ளார்.

மனிதாபிமானம் இல்லாத பெண் மருத்துவர். Gallerye_103549786_2928614

மனிதாபிமானம் இல்லாத பெண் மருத்துவர். Gallerye_103549786_2928614

திருப்பூர் மாவட்டம் மடத்துக்குளம், காரத்தொழுவை சேர்ந்த, 24 வயது கர்ப்பிணி, செப்., 23ல் உடுமலை அரசு மருத்துவமனையில் சேர்க்கப்பட்டார். வயிற்றில் சிசு இறந்து விட்ட நிலையில், பணியில் இருந்த டாக்டர் ஜோதிமணி அலட்சியம் காட்டியுள்ளார். பின், தனியார் மருத்துவமனையில் 37 ஆயிரம் ரூபாய் செலுத்தி, இறந்த நிலையில் பெண் சிசு வெளியே எடுக்கப்பட்டது. இந்த சிகிச்சையை மேற்கொண்டது அரசு டாக்டர் ஜோதிமணி என்பதை அறிந்து, பெண்ணின் கணவர் அதிர்ச்சியடைந்தார்; திருப்பூர் கலெக்டர் வினீத்திடம் புகார் அளித்தார்.

இடமாற்றம்
கலெக்டர் நடவடிக்கையின்படி, கட்டணம் பெறும் நோக்கில், நோயாளிக்கு தனியார் மருத்துவமனையில் சிகிச்சை அளித்த டாக்டர் ஜோதிமணி, நீலகிரி மாவட்டம் கூடலுார் அரசு மருத்துவமனைக்கு மாற்றப்பட்டார்.

இந்நிலையில், ''கர்ப்பிணியிடம் பெறப்பட்ட 37 ஆயிரம் ரூபாயை, டாக்டர் ஜோதிமணி திருப்பி அளிக்க வேண்டும்; இல்லாவிட்டால், குற்ற நடவடிக்கை எடுக்கப்படும்,'' என்று கலெக்டர் வினீத் உத்தரவிட்டுள்ளார்.
கலெக்டர் மேலும் கூறிய போது, 'சுகாதாரத்துறை இணை இயக்குனர் மற்றும் ஆர்.டி.ஓ., விசாரணைக்கு உத்தரவிடப்பட்டது. அறிக்கை அடிப்படையில், பாதிக்கப்பட்டவர் குடும்பத்துக்கு நிவாரணம் வழங்க உத்தரவிடப்பட்டுள்ளது. 'டாக்டர் ஜோதிமணி மீது துறை சார்ந்த விசாரணையும் நடந்து வருகிறது. இதுகுறித்து, சுகாதாரத்துறை உத்தரவு பிறப்பிக்கும்' என்றார்.

நன்றி தினமலர்.

**T.N.Balasubramanian** · **T.N.Balasubramanian** Mon Jan 03, 2022 6:56 pm

அந்த காலங்களில் முறையாக படித்து அதிக மதிப்பெண்கள் பெற்று மருத்துவ கல்லூரிகளில் சேர்ந்தவர்கள் அதிகம் பணம் செலவழிக்க தேவையில்லாமல் இருந்தது. ஜன சேவை செய்தார்கள்.
இக்காலங்களில் ஏதோ படித்து லக்ஷ கணக்கில் பணம் கொடுத்து மருத்துவர் பட்டம் பெற்றவர்கள் கொடுத்த பணத்தை எப்பிடியாவது திரும்ப பெற நடைமுறை படுத்துவது இந்த முறைதான்.
ஏழைகள் பாவம்.

**Dr.S.Soundarapandian** · **Dr.S.Soundarapandian** Tue Jan 04, 2022 2:30 pm

"இக்காலங்களில் ஏதோ படித்து லக்ஷ கணக்கில் பணம் கொடுத்து மருத்துவர் பட்டம் பெற்றவர்கள் கொடுத்த பணத்தை எப்பிடியாவது திரும்ப பெற நடைமுறை படுத்துவது இந்த முறைதான். ஏழைகள் பாவம்."-

உண்மை! உண்மை! 25 லட்சம்,40 லட்சம் கொடுத்து மருத்துவக் கல்லூரியில் இடம் பிடித்தவர்கள் பற்றி நண்பர்கள் கதை கதையாகக் கூறியதை நான் கேட்டிருக்கிறேன்!
பண மூட்டைக் கட்சிகளின் ஆதிக்கம் இருக்கும் வரை நிலை இப்படித்தான் இருக்கும்!
தேர்தல் சீர்திருத்தம் மூலமாகப் பணமூட்டைக் கட்சிகளை இல்லாமல் செய்ய முடியாதா? சிந்தியுங்கள்! இன்னும் எவ்வளவு காலம்தான் இப்படிப் புலம்புவது?