நாங்கள் அரபு தேசத்து குதிரைகள்!

by **சிவா** Tue Jan 19, 2010 4:20 pm

First topic message reminder :

காற்றின் கணத்தில் கரைந்து போன
இதயங்கள் வீட்டு முற்றத்தில்(முறிந்து போன)
முதிர்ந்து போன பனை ஓலை

தேசம் விட்டு வந்ததனால் மட்டுமே
தேசியமயமாக்கபட்டவர்கள்

கடவு சீட்டின் பக்கங்கள் மட்டுமே
பயன் பாட்டில் இருப்பதற்கான பதிவுகள்

ஓர் இணை வருட கற்பத்திற்கு கொஞ்சி
விளையாட இரட்டை குழந்தைகள்
இரண்டு மதங்கள்

எங்கள் வானில் "வெள்ளி"
முளைக்கும் நாள் மட்டும்தான்
நான் நிலா ரசிகன்

பொங்கல் தீபாவளி பண்டிகைகள்
கொண்டாடி கொண்டிருப்பது
என்ன தொலைக்காட்சி பெட்டி
மட்டும் தான்

என் தகப்பன் எனக்காக தூக்கிய மூட்டையின்
கணம் நான் அறிவேன் ஆனால்....

என் பிள்ளைக்கு நான் தகப்பன்
என்பதை தவிர வேறொன்றும்
தெரியாது .....

நான் பிரிந்ததனால் மட்டும் தான்
அத்துனையும் சேர்க்க முடிகிறது

எங்கள் வாழ்கையை வளமையாய்
எழுதிக்கொண்டோம் இளமைதான்
எழுத்துப்பிழை

நாங்கள் அரபு தேசத்து குதிரைகள்
முடிந்துவிடாத திசையை காண்பியுங்கள்
இயங்கிக்கொண்டு இருக்கிறோம்

தன்னம்பிக்கையுடன்

விருதை பாரி ........

by நிலாசகி Tue Jan 19, 2010 4:51 pm

என் தகப்பன் எனக்காக தூக்கிய மூட்டையின்
கணம் நான் அறிவேன் ஆனால்....

என் பிள்ளைக்கு நான் தகப்பன்
என்பதை தவிர வேறொன்றும்
தெரியாது .....

பொங்கல் தீபாவளி பண்டிகைகள்
கொண்டாடி கொண்டிருப்பது
என்ன தொலைக்காட்சி பெட்டி
மட்டும் தான்

!!!!!!!!!!!!