காயம் காரணமாக டெஸ்ட் தொடரிலிருந்து விலகுவதாக ரோஹித் ஷர்மா அறிவித்துள்ளார்.

இந்திய அணிக்கு கேப்டனாக இருந்த விராட் கோலி, டி20 உலகக் கோப்பையுடன் டி20 அணிக் கேப்டன் பதவியிலிருந்து விலகினார். இந்த பதவி ரோஹித் ஷர்மாவுக்கு கொடுக்கப்பட்டது. தற்போது, ஒருநாள் அணிக் கேப்டன் பதவியும் கோலியிடம் இருந்து பறிக்கப்பட்டு, ரோஹித் ஷர்மாவிடம் கொடுக்கப்பட்டுள்ளது.


கோலி அதிருப்தி:
இந்நிலையில், ஒருநாள் அணிக் கேப்டன் பதவி பறிக்கப்பட்டதால் கோலி அதிருப்தியில் இருப்பதாக தகவல் வெளியாகின. இதனால்தான், இன்னும் அறிக்கைகூட வெளியிடாமல் இருக்கிறாராம். மேலும், டெஸ்டில் முழுக் கவனம் செலுத்த சிறிது காலம் ஓய்வுக்கு செல்ல வாய்ப்புள்ளதாகவும் கூறப்பட்டது.

இது கிரிக்கெட் வட்டத்தால் பெரும் விவாதத்தை ஏற்படுத்தியுள்ளது. விராட் கோலியிடம் எடுத்து கூறியிருந்தால் தானாகப் பதவியை ராஜினாமா செய்திருப்பார். அவர் ராஜினாமா செய்யும்வரை காத்திருக்காமல் உடனே நீக்கியது ஏன்? இது மிகப்பெரிய தவறு. வெற்றிகரமான கேப்டனாக இருந்தவரை இப்படியா அவமானப்படுத்துவது என பலர் கருத்துகளை பகிர்ந்து வருகின்றனர்.

கோலி வரவில்லை:
இந்நிலையில் தென்னாப்பிரிக்கா சென்று, ஜனவரி 26 முதல் மூன்று போட்டிகள் கொண்ட டெஸ்ட் தொடரில் பங்கேற்கும் இந்திய அணியினர் தற்போது மருத்துவ பாதுகாப்பு வட்டத்திற்குள் இணைந்துள்ளனர். ஆனால், கேப்டன் கோலி இன்னும் வரவில்லை. நாளை மருத்துவ பாதுகாப்பு வட்டத்திற்குள் இணைவார் என தகவல் வெளியானது.



ரோஹித் விலகல்:
இந்நிலையில் காயம் காரணமாக டெஸ்ட் தொடரிலிருந்து துணைக் கேப்டன் ரோஹித் ஷர்மா விலகியுள்ளதாக பிசிசிஐ செயலாளர் ஜெய் ஷா அறிவித்துள்ளார். இது தற்போது மிகப்பெரிய பிரச்சினையாகப் பார்க்கப்படுகிறது. ஒருபக்கம் கோலி இன்னும் அணியில் இணையாததற்கும், மறுபக்கம் ரோஹித் விலகியிருப்பதற்கும் இடையில் ஏதோ காரணம் இருப்பதாக ரசிகர்கள், கிரிக்கெட் விமர்சகர்கள் கருதுகிறார்கள்.

விரைவில், இதுகுறித்த முழுத்தகவலும் வெளியாகும் என எதிர்பார்க்கப்படுகிறது. தென்னாப்பிரிக்க அணிக்கு எதிராக மூன்று போட்டிகள் கொண்ட டெஸ்ட் தொடர் முடிந்த பிறகு, மூன்று போட்டிகள் கொண்ட ஒருநாள் தொடர், நான்கு போட்டிகள் கொண்ட டி20 தொடர் நடைபெறும் என்பது குறிப்பிடத்தக்கது.

நன்றி சமயம்.

மும்பை: இந்திய கிரிக்கெட் அணி தென்னாப்பிரிக்காவுக்கு சுற்றுப்பயணம் மேற்கொண்டு 3 டெஸ்ட், 3 ஒருநாள் போட்டிகள் கொண்ட தொடரில் விளையாடுகிறது. இந்த நிலையில் டெஸ்ட் அணி அறிவிக்கப்பட்ட போது, ஒருநாள் அணியின் கேப்டன் பொறுப்பு விராட் கோலியிடமிருந்து பறிக்கப்பட்டது
ரோகித் சர்மா ஒருநாள் அணியின் கேப்டனாக அறிவிக்கப்பட்டதால் கடும் அதிருப்தியில் விராட் கோலி இருந்ததாக கூறப்பட்டது. “என்னால் வர முடியாது”.. தென்னாப்பிரிக்க சுற்றுப்பயணம்.. விராட் கோலி எடுத்த அதிரடி முடிவால் பரபரப்பு!
காயம்?
தென்னாப்பிரிக்காவிற்கு வரும் 17ஆம் தேதி புறப்பட இருந்த இந்திய அணி மும்பையில் தங்கியிருந்து 3 நாள் தனிமையில் இருந்தது. இந்த முகாமிற்கு விராட் கோலி பங்கேற்கவில்லை. மேலும் அவரது செல்போனும் சுவிட்ச் ஆப் செய்யப்பட்டு இருந்தது.இந்த நிலையில் இந்திய டெஸ்ட் அணியின் துணை கேப்டன் ரோகித் சர்மா, பேட்டிங் செய்யும் போது அவருக்கு பந்து பட்டு காயம் ஏற்பட்டு, அவர் டெஸ்ட் அணியிலிருந்து விலகிவிட்டதாக அறிவிக்கப்பட்டது. மாற்று வீரராக பிரியாங் பாஞ்சால் இந்திய அணியில் சேர்க்கப்பட்டார். உண்மை என்ன? ஆனால் , இது காயம் அல்ல, சரியான திட்டம் போட்டு வெளியேற்றப்பட்டார் ரோகித் சர்மா என்ற அதிர்ச்சி தகவல் வெளியாகியுள்ளது. ரோகித் சர்மா டெஸ்ட் அணியிலிருந்தால் தாம் அணிக்கு திரும்ப மாட்டேன் என்று விராட் கோலி கூறியதாக தெரிகிறது. அவரை சமதானப்படுத்த எடுத்த முயற்சி தோல்வியில் முடிந்துவிட்டதாக தெரிகிறது ரோகித் விலகல் இதனை அறிந்த ரோகித் சர்மா, தாம் ஒருநாள், டி20 போட்டியில் கவனம் செலுத்தி கொள்கிறேன். இதனால் டெஸ்ட் போட்டியில் விளையாட வில்லை என்று கூறிவிட்டதாக தெரிகிறது. இதனால் ரோகித் சர்மாவுக்கு காயம் என்று கூறி, அவரே அணியிலிருந்து சென்றதாக பி.சி.சி.ஐ. வட்டாரங்கள் தெரிவிக்கின்றன.
கோலி திட்டம்
இதே போன்று ஒருநாள், டி20 போட்டியில் விராட் கோலியும் சிறிது காலம் விளையாடமல் டெஸ்டில் மட்டும் கவனம் செலுத்துவதாக கூறி, ரோகித் அணியில் அவர் இடம்பெறாமல் ஓய்வில் இருப்பார் என்ற தகவல் வெளியாகியுள்ளது. இந்திய அணியில் இப்படி ஒரு விரிசல் ஏற்படும் என யாரும் நினைக்கவில்லை. எனினும் இந்த தகவலை உறுதிப்படுத்த முடியவில்லை.

நன்றி சமயம்