அவன் அளக்கும் ஒரு மரக்கா நெல் படி !

ஈகரை தமிழ் களஞ்சியம் :: தகவல் களஞ்சியம் :: கட்டுரைகள் - பொது

Page 1 of 1 •

அவன் அளக்கும் ஒரு மரக்கா நெல் படி !

#1354652

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Sun Dec 12, 2021 9:32 pm

அவன் அளக்கும் ஒரு மரக்கா நெல் படி !

ஏன் இங்கு நின்றான் அப் 'படி'
ஏன் அங்கு கிடந்தான் அப்'படி'
ஏன் எங்கும் இருக்கிறான் இப் 'படி'

இப்படி படிப்படியாய் கேள்விகள்?

எப்படி இருந்தாலும் யுகம் யுகமாய் அவன்
இருந்த 'படி'
நின்ற'படி'
கிடந்த'படி'
எப்படியெல்லாம் நமைக்
காத்துகொண்டிருக்கிறான் தினப்'படி '.

மார்பில் வாசம் செய்யும்
வாசல் படி தாண்டா திருமகளின்
சொல்'படி '
ஈசனோடும் பிரம்மனோடும்
இணைந்த 'படி'
கூப்பிட்ட குரலுக்கு ஓடோடி வருமவன்
‌புகழ் பாடுவதெப்'படி !'

இன்னும் ஒரு 'படி'
மேலே சென்று
எங்கும் நிறைந்த' படி'
எதிலும் உறைந்த 'படி'
என்றும் எங்களுக்கே 'படி'
அளக்கும் படி செய்யும்
எங்கள் பிரான் அவனை
போற்றுவதெப் 'படி'

கைகளோ அவனை
சேவித்த 'படி'
கால்களோ அவன் சன்னதி
நடந்த 'படி'
மனமோ அவனை
நாடிய 'படி'
சிந்தையோ அவனின்
அருள் வேண்டிய 'படி'
இன்னும் அவனை
கொண்டாடுவதெப் 'படி'

ஏதும் வேண்டாம்

எல்லா ஜீவனுக்குமாய்
நம்மால் முடிந்த 'படி'
அன்னமோ, நீரோ
அன்றி ஆகாரமோ
ஏதேனும்
நித்தியப்'படி'
அளித்த'படி'
நம் வாழ்வது
இருக்கும் 'படி'
'மற(ர)க்கா'மல்
ஏறினோமானால்
அவன் 'படி'

அதுவே போதும்
காக்கும் அவன் திருவடி.

ரங்கா ரங்கா ரங்கா !.... :வணக்கம்: