தீபாவளி இல்லேன்னு யார் சொன்னா?

தீபாவளி இல்லேன்னு யார் சொன்னா?
என்று கேட்ட ஸ்ரீபெரியவா
ஸ்ரீஸ்ரீஸ்ரீ மஹாபெரியவாளை அடுத்த நாள் தீபாவளியன்று தரிசிக்க
ஸ்ரீவேதமூரத்தி சென்னையிலிருந்து கிளம்பினார்
அவருடைய தாயார் காலமாகி ஒருவருடம் முடியாததால் தீபாவளி பண்டிகை கொண்டாடும் சந்தர்ப்பம் இல்லை என்பதால் முதல்நாள் இரவ பிரம்மஸ்ரீ பிரதோஷ சிவநாயன்மாரின் இல்லத்தில் தங்கி ஸ்ரீபெரியவா மகிமைகளை பக்தி பரவசத்தோடு பேசி மகிழ்ந்தார்
விடிந்தால் தீபாவளி
பிரதோஷம் மாமாவிற்கு இப்படி விருந்தாளியாக வந்தவருக்கு தீபாவளி கொண்டாட இயலாத நிலை இருப்பதை அறிந்ததும் சற்றே வருத்தம்
ஸ்ரீவேதமூர்த்தி மாமாவின் மென்மையான குணத்தை அறிந்தவராய் அவருக்கு தர்மசங்கடம் ஏற்படுத்தாமல் ஸ்ரீபெரியவா தரிசனத்துக்கு செல்வதாக கூறிவிட்டு விடியற்காலையிலேயே ஸ்ரீமடத்துக்கு கிளம்பினார்
ஸ்ரீபெரியவாளை புத்தாடை அணியாமல் தரிசித்து நின்றவரிடம் சாடையாக ஸ்ரீபெரியவா.
"ஏன் புதுசு உடுத்தலே" என்பதாக கேட்டார்
இவர் தன் தாயார் காலமாகி வருடம் முடியாததை சொன்னார்
. உடனே ஸ்ரீபெரியவா "அதனாலென்ன?' என்றார்
"அதனாலே தீபாவளி கிடையாது பெரியவா " என்றார் வேதமூர்த்தி
"அப்படின்னு யார் சொன்னா?''
எதிர்பாராத கேள்வியால் ஸ்ரீபெரியவா வேதமூர்த்தியை தடுமாற வைத்தார்
பின் அந்த அபார கருணாமூர்த்தி"நாங்க சந்யாசிகளே தீபாவளியை விடாம கொண்டாடறோம்
கிருஷ்ண பரமாத்மா நரகாசுரனுக்கு கொடுத்த வாக்கை நாம எல்லோரும் காப்பாத்த வேண்டாமா?" என்று தீபாவளியை விடக்கூடாது என்பதான அறிவுரை அருளினார்
அதோடு தயாளம் நிற்கவில்லை உடனே கைங்கர்ய அன்பரை கூப்பிட்டு வேதமூர்த்தி அவர்களை உள்ளே அழைத்து போகும் படி உத்தரவு அருளினார்
கைங்கர்ய அன்பரும் ஸ்ரீபெரியவா சொல்வதன் காரணம் புரிந்தவராய் அவரை உள்ளே அழைத்துச் சென்று அங்கே ஸ்ரீபெரியவா கங்கா ஸ்நானம் முடிந்து மிச்சம் வைத்த எண்ணெய்யை கொடுத்து தேய்த்துக் கொள்ளும்படி செல்வி, ஸ்ரீபெரியவா ஸ்நானம் செய்து மீதி இருந்த வெந்நீரில்
இவரையும் குளிக்கும்படி செய்தார்
ஆஹா' எப்பேர்பட்ட அனுக்ரஹம் என்று பெருமகிழ்ச்சியோடு ஸ்ரீபெரியவா முன்வந்து நின்றார்
"கங்கா ஸ்நானம் ஆச்சா?" என்று நடமாடும் கிருஷண பரமாத்மாவாக
ஸ்ரீபெரியவா கேட்டுவிட்டு புதுவேட்டி அங்கவஸ்திரத்தை தட்டில் வைத்து இவரிடம் நகர்த்தினார்
இந்த எல்லையிலா பெரும் கருணையை ஸ்ரீவேதமூர்த்தி வியந்து பகிர்ந்துள்ளார்

நன்றி முகநூல்