கன மழையிலும் துாய்மை பணி

**T.N.Balasubramanian** · **T.N.Balasubramanian** Tue 9 Nov 2021 - 18:24

சென்னை: மழையிலும் வீடுதோறும் குப்பை சேகரித்த துாய்மை பணியாளர்களின் சேவை, நெகிழச் செய்தது.

சென்னையில் நேற்று முன்தினம் இரவு முதல் கன மழை பெய்தது. தெருக்கள், வடிகால்கள் மற்றும் கால்வாய்களில் மழைநீர் வடிய, குப்பை மற்றும் மரக்கிளைகள் தடையாக இருந்தன. இவற்றை துாய்மை பணியில் ஈடுபட்டு வரும் தனியார் மற்றும் மாநகராட்சி ஊழியர்கள், மழையையும் பொருட்படுத்தாமல் அகற்றி, தங்களின் கடமையை நிறைவேற்றினர்.

தெருக்களில் மழை நீர் தேங்கியதால், 'பேட்டரி' வாகனங்களில் குப்பை சேகரிப்பதில் சிரமம் ஏற்பட்டது. இதை உணர்ந்த துாய்மை ஊழியர்கள், கழிவு நீருடன் கலந்து தெருக்களில் தேங்கிய மழைநீரில் நடந்து சென்று, வீடுகளில் குப்பை சேகரித்தனர்.

சில இடங்களில், இதர துறை ஊழியர்களுடன் இணைந்து, வெள்ளம் வடிய உதவினர்.மழையில் நனைந்தபடியே பணி செய்த துாய்மை ஊழியர்களை, பொதுமக்கள் மனதார பாராட்டினர்.

நன்றி தினமலர்.

**T.N.Balasubramanian** · **T.N.Balasubramanian** Tue 9 Nov 2021 - 18:31

பாராட்டுவோம்.

இன்று காலை துப்புரவு தொழிலாள பெண்மணி தனது அலைபேசியில் எங்கள் தெருவில் நீர் தேக்க நிலைமையை போட்டோ பிடித்து அவரது மேலாளருக்கு அனுப்பிக்கொண்டு இருந்தார்,

யாருக்கு /எதற்கு/ ஏன் எனக் கேட்டேன்.
நாளைக்கே யாரும் என் மீதோ /எங்கள் அலுவலகம் மீதோ -ஏதாவது காரணம் காட்டி வேலையில் குறை காணக்கூடாது என்பதற்காக ,இருக்கும் நிலைமையை படம் பிடித்து எங்கள் மேலதிகாரிக்கு அனுப்பி உள்ளேன் என்றார்.

போற்றப்படவேண்டிய செயல்பாடு. மகிழ்ச்சி

கன மழையிலும் துாய்மை பணி

கன மழையிலும் துாய்மை பணி

Re: கன மழையிலும் துாய்மை பணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக