ஹெய்ட்டி பூகம்பத்தில் பலியானோரின் எண்ணிக்கை ஒரு லட்சத்துக்கும் அதிகம்

ஹெய்ட்டியை உலுக்கிய பாரிய பூகம் பத்திற்கு ஒரு இலட்சத்திற்கும் அதிக
மானவர்கள் பலியாகியிருக்கக் கூடுமென அஞ்சப்படும் அதேவேளை, உயிர் தப்பிய
பல்லாயிரக்கணக்கானவர்கள் உலக நாடு களின் மீட்புப் பணிகள் மற்றும் நிவார
ணங்களுக்காகக் காத்திருக்கின்றனர் என் றும் கூறப்படுகின்றது. பூகம்பத்தைத்
தொடர்ந்து அங்கு மிக மோச மான மனிதப் பேரவலம் தோன்றியுள்ளது. பெருமளவு
மக்கள் நள்ளிரவை நடுவீதிகளில் கழித்துள்ளனர். இடிபாடுகளுக்கிடையில்
பலியானவர் களை மீட்பதற்காக ஒருங்கிணைக்கப் பட்ட திட்டங்கள் எதுவும்
முன்னெடுக்கப் படாத நிலையில் மிகச் சொற்பமான சர்வதேச உதவியே அந்த
மக்களுக்குக் கிடைத்துள்ளது.

ஹெய்ட்டியின் தலைநகர்
போர்ட்ஒவ்பிரின்ஸில் உள்ள பிரதான வைத்தியசாலைக்கு காயங்களுடன் எடுத்து
வரப்பட்ட பலர் உயிரிழந்துள்ளனர். செஞ்சிலுவைக் குழு தன்னிடமிருந்த
மருந்துப் பொருள்கள் முழுமையாக முடிவடைந்து விட்டதாகத் தெரிவித்துள்ளது.
இடிபாடுகளுக்கிடையே சிக்கியுள்ளவர்களை மீட்பதற்கே இப்போது முன்னுரிமை
அளிக்கப்படுவதாக மனிதாபிமான அமைப்புகள் தெரிவிக்கின்றன.

எனினும்,
இடிபாடுகளுக்குள் சிக்கியுள்ளவர்களைக் கண்டுபிடிப்பதற்கும், மீட்பதற்கும்
பாரிய இயந்திரங்களும், மோப்பநாய்களும் அவசரமாகத் தேவைப்படுகின்றன. மேலும்
உணவு, குடிதண்ணீர் போன்றவற்றிற்கும் பெரும் தட்டுப்பாடு நிலவுகின்றது.
கடும்
சூறாவளியால் ஹெய்ட்டி பாதிக்கப்பட்டவேளை காணப்பட்டதைவிட நிலைமை மிக
மோசமாகவுள்ளது. குடிதண்ணீர் தாகத்தாலேயே மக்கள் இறக்கப் போகின்றனர் என
மருத்துவ உதவியாளர்கள் குறிப்பிட்டுள்ளனர்.
தலையில் காயப்பட்டவர்கள்,
கைகால்கள் துண்டிக்கப்பட்டவர்கள், அதிர்ச்சியில் உறைந்து போயுள்ளவர்கள் என
மிகப்பெரிய எண்ணிக்கையானவர்கள் வைத்தியசாலைக்குக் கொண்டு வரப்படுகின்றனர்
என்றும் ஐ.நா. பணியாளர்கள் குறிப்பிடுகின்றனர்.