அச்சுறுத்தும் புது வகை கொரோனா - தமிழகத்திற்கு புதிய கட்டுப்பாடுகள்!

**T.N.Balasubramanian** · **T.N.Balasubramanian** Tue Oct 26, 2021 8:10 pm

புதிய வகை கொரோனா வைரஸ் தொற்று பரவி வருவதை அடுத்து, தமிழகத்திற்கு புதிய கட்டுப்பாடுகள் விதிக்கப்பட்டுள்ளன.

அச்சுறுத்தும் புது வகை கொரோனா - தமிழகத்திற்கு புதிய கட்டுப்பாடுகள்! Samayam-tamil

பிரிட்டன், ரஷ்யா, சீனா உள்ளிட்ட சில நாடுகளில் மீண்டும் கொரோனா வைரஸ் தொற்று பரவல் அதிகரித்து வருகிறது. டெல்டா வகை கொரோனா வைரஸ் உருமாற்றம் அடைந்து அதிகமாக பரவி வருவதாக ஆராய்ச்சியாளர்கள் எச்சரிக்கை விடுத்துள்ளனர். கொரோனா வைரஸ் பல விதங்களில் உருமாற்றம் அடைந்தாலும், ஏ.ஒய்.4.2 என்ற புதிய உருமாறிய கொரோனா வைரஸ் அதிக வீரியத்துடன் இருப்பதாக கூறப்படுகிறது.

மத்திய பிரதேசத்தில் இரு ராணுவ அதிகாரிகள் உட்பட 7 பேருக்கு புதிய வகை கொரோனா தொற்று கண்டறியப்பட்டுள்ளது. கொரோனா தொற்று படிப்படியாக குறைந்து வந்த நிலையில் புதிய வகை கொரோனா தொற்றால் மக்கள் அச்சம் அடைந்துள்ளனர். இதிலும் இரண்டு டோஸ் தடுப்பூசி செலுத்திக் கொண்டவர்களுக்கு புது வகை கொரோனா தொற்று கண்டறியப்பட்டது பீதியை அதிகரித்துள்ளது.

இந்நிலையில், புது வகை கொரோனா கண்டறியப்பட்டு உள்ளதால், மக்கள் வழிகாட்டு நெறிமுறைகளை கட்டாயம் கடைபிடிக்க வேண்டும் என தமிழக அரசு அறிவுறுத்தி உள்ளது. மீண்டும் நோய் பரவல் அதிகரிக்காத வகையில் தடுப்பூசிகள் செலுத்த கூடுதல் முக்கியத்துவம் அளிக்க வேண்டும் என, சுகாதாரத் துறைக்கு அறிவுறுத்தப்பட்டு உள்ளது.

அடுத்து வரக் கூடிய 2 மாதங்கள் சுகாதாரத் துறைக்கு சவாலான மாதங்களாக இருக்கும். இதனால் அரசுக்கு மக்கள் ஒத்துழைப்பு அளித்து அரசின் வழிகாட்டு நெறிமுறைகளை தவறாமல் கடைபிடிக்க வேண்டும் எனக் கேட்டுக் கொள்ளப்பட்டுள்ளது.

நன்றி சமயம்

**Dr.S.Soundarapandian** · **Dr.S.Soundarapandian** Wed Oct 27, 2021 11:57 am

அச்சுறுத்தும் புது வகை கொரோனா - தமிழகத்திற்கு புதிய கட்டுப்பாடுகள்!

அச்சுறுத்தும் புது வகை கொரோனா - தமிழகத்திற்கு புதிய கட்டுப்பாடுகள்!

Re: அச்சுறுத்தும் புது வகை கொரோனா - தமிழகத்திற்கு புதிய கட்டுப்பாடுகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக