பொன்சேகாவின் வாக்குறுதியில் அமெரிக்கா அதிக நம்பிக்கை

கொழும்பு, ஜனவரி 19
இலங்கை ஜனாதிபதித் தேர்தலில் எதிர்க்கட்சிகளின்
பொதுவேட்பாளராகப் போட்டியிடும் ஜெனரல் சரத் பொன்சேகாவின் வாக்குறுதிகளில்
அமெரிக்கா அதிக நம்பிக்கை கொண்டுள்ள தாக அந்த நாட்டின் மூத்த அதிகாரி
ஒருவர் ஏ.எவ்.பி. செய்திச் சேவைக்குத் தெரிவித்திருக்கிறார்.
எனினும், இந்தத் தேர்தலில் எந்தவொரு வேட்பாளரையும் அமெரிக்கா ஆதரிக்காது என்றும் அந்த அதிகாரி _ட்டிக்காட்டியுள்ளார்.


இது தொடர்பாக அந்த செய்திச் சேவை மேலும் குறிப்பிட்டுள்ளவை வருமாறு:
இலங்கையில்
நடைபெறவுள்ள ஜனாதி பதித் தேர்தல் காரணமாக அந்த நாட்டுட னான உறவுகளில்
சிறந்த மாற்றம் ஏற் படும் என்ற நம்பிக்கை அமெரிக்காவில் காணப்படுகின்றது.
தேர்தல் இரு நாடுகளின் உறவுகளில் மாற்றங்களைக் கொண்டு வருமா எனக்கேட்டதற்கு, அந்த நாட்டின் மூத்த அதிகாரியொருவர் "உறவுகள் செயற்படும் விதத்தை அது ஏற்கனவே சாதகமாக மாற்றிவிட்டது'' என்றார்.\

எதிர்க்கட்சிகளின்
பொதுவேட்பாளர் சரத் பொன்சேகா அதிகளவு ஊடக சுதந்திரம் மற்றும் சுயாதீன
ஆணைக்குழுக்களை அமைத்தல் போன்ற வாக்குறுதிகளை வழங்கியுள்ளமை குறித்து
அமெரிக்க அதிகாரி அதிகளவு நம்பிக்கையும் எதிர்பார்ப்பும் வெளியிட்டார்.
"எதிர்காலத்தைப்
பற்றி எதிர்வு கூறுவதற்கு நான் தயக்கம் கொண்டுள்ளேன். வேட்பாளர்கள்
பலவிதமான வாக்குறுதிகளை வழங்குவதும் பின்னர் அவற்றை நிறைவேற்றாமல்
விடுவதுமே இதற்குக் காரணம். என்றாலும் ஜெனரல் பொன்சேகா சில நல்ல
வாக்குறுதிகளை வழங்கியுள்ளார்'' என அந்த அதிகாரி குறிப்பிட்டார்.
எனினும்,
அமெரிக்கா சரத் பொன்சேகாவிற்கு நிதியுதவி வழங்குவதாக இலங்கையின் ஆளும்
கட்சி நாடாளுமன்ற உறுப்பினர் ஒருவர் தெரிவித்த குற்றச்சாட்டுகளை வோஷிங்டன்
நிராகரித்துள்ளது.

மேலும் இலங்கை நீண்டகால நலனை அடிப்படையாகக் கொண்டு
அமெரிக்காவுடன் நல்லுறவுகளை ஏற்படுத்த விரும்பவேண்டும் என்று குறிப்பிட்ட
அந்த அதிகாரி இலங்கையின் தேயிலை, ஆடைகள் போன்றவற்றுக்கான முக்கிய சந்தையாக
மேற்குலகமே விளங்குவதைச் சுட்டிக்காட்டினார்.
மேற்குலகில் உள்ள இலங்கை
பற்றிய ஆய்வாளர்கள் குறிப்பாகப் புலம்பெயர்ந்த தமிழ் சமூகத்தினர் சரத்
பொன்சேகா குறித்த இரு வேறுபட்ட கருத்துகளைக் கொண்டுள்ளனர். இவர்களே
மேற்குலக நாடுகள் இலங்கை குறித்துக் கடுமையான நிலைப்பாட்டை எடுக்கவேண்டும்
என வாதிடுபவர்கள்.
இலங்கையின் ஜனாதிபதியாக வரவேண்டும் என அமெரிக்கா
கருதும் முதல் நபராக பொன்சேகா விளங்கமாட்டார். எனினும், அவர் வென்றால் அது
அமெரிக்காவுடனான நல்லுறவுக்கான பாதையைத் திறக்கும் என அமெரிக்க மக்கள்
கழகமொன்றைச் சேர்ந்த இலங்கை விவகார நிபுணர் ரொபேர்ட் ஓ பேர்ஸ்ட்
குறிப்பிட்டார்.

இராணுவத்துக்கும் பொன்சேகாவுக்கும் உள்ள தொடர்பே அவரது
பெயருக்குக் களங்கத்தை ஏற்படுத்துகின்றது. யுத்தக் குற்றங்கள் உண்மையில்
இடம்பெற்றிருந்தால் அது அவருக்குத் தெரிந்திருக்கும். அவருக்கு அதில்
தொடர்பிருக்கும் என்றும் ஒபேர்ஸ்ட் தெரிவித்தார்.
பொருளாதாரத் தேவை
ஏற்பட்டாலொழிய வேறெந்தச் சந்தர்ப்பத்திலும் இலங்கை, மேற்குலகின் எதிரி
நாடுகளின் பக்கம் திரும்பாது என ஜோர்ஜ் டவுன் பல்கலைக்கழகப் பேராசிரியர்
அசோக பண்டாரகே தெரிவித்தார்.
தீவிர சிங்களத் தேசியவாதிகள் கூட இலங்கை மேற்குலகிலிருந்து துண்டிக்கப்படுவதை விரும்பமாட்டார்கள் என்றார் அவர்.

இதேவேளை,
இலங்கைப் பொருட்களைப் பகிஷ்கரிக்க வேண்டுமென்ற பிரசாரத்தை
முன்னெடுத்துவரும் "பேர்ள்' அமைப்பைச் சேர்ந்த மனோரஞ்சன், சரத்
பொன்சேகாவுக்கும் ராஜபக்ஷவுக்கும் இடையில் தெரிவு செய்வதற்கு எதுவுமில்லை
என்றார்.
தேர்தலுக்குப் பின்னர் தமிழ் மக்கள் குறித்து எவ்வித கரிசனையும் இருக்காது என்றும் அவர் குறிப்பிட்டார்.
இதேவேளை, மஹிந்த ராஜபக்ஷவை வெறுக்கும் புலம் பெயர் தமிழர்களில் சிலர் பொன்சேகாவுக்குச் சந்தர்ப்பம் ஒன்றை வழங்கத் தயாராகவுள்ளனர்.
புலம்
பெயர்ந்த தமிழர்கள் மஹிந்த தோற்கடிக்கப்படுவதை விரும்புகின்றனர். இது
மாற்றங்களைக் கொண்டு வரும் என்றார் கனடா தமிழ் காங்கிரஸின் டேவிட்
பூபாலபிள்ளை.