தாதா சாகேப் பால்கே' விருது பெற்றார் ரஜினி; குருவுக்கு சமர்ப்பணம்

புதுடில்லி: இந்திய திரைத்துறையின் உயரிய விருதான, 'தாதா சாகேப் பால்கே' விருதினை நடிகர் ரஜினிகாந்த் பெற்றார். இந்த விருதினை தனது குரு கே.பாலசந்தருக்கு சமர்பிப்பதாக அறிவித்தார். மேலும், நடிகர்கள் தனுஷ், விஜய்சேதுபதி, பார்த்திபன், இயக்குனர் வெற்றிமாறன், தயாரிப்பாளர் எஸ்.தாணு, இசையமைப்பாளர் டி.இமான் உள்ளிட்டோரும் தேசிய விருதுகளை பெற்றனர்.






67வது தேசிய திரைப்பட விருதுகள் வழங்கும் விழா, டில்லியில் இன்று (அக்.,25) நடந்தது. இந்த விழாவில் இந்திய திரைத்துறையின் மிக உயரிய விருதான ‛தாதா சாகேப் பால்கே' விருதும் வழங்கப்பட்டது. திரைப்படத்துறையில் வாழ்நாள் சாதனை புரிந்தவர்களுக்காக ஆண்டுதோறும் வழங்கப்படும் இந்த விருதினை தமிழ் திரைப்படத்துறையில் கடைசியாக சிவாஜிகணேசன் பெற்றிருந்தார்.



இந்த வரிசையில் 2019-ம் ஆண்டுக்கான விருது நடிகர் ரஜினிகாந்துக்கு அறிவிக்கப்பட்டது. கொரோனா நோய் பரவல் காரணமாக அவ்விழா இன்று டில்லியில் நடந்தது. இதில், நடிகர் ரஜினிகாந்திற்கு ‛தாதா சாகேப் பால்கே' விருதினை துணை ஜனாதிபதி வெங்கையா நாயுடு வழங்கினார். மத்திய அமைச்சர்கள் அனுராக் தாக்கூர், எல்.முருகன் ஆகியோர் உடனிருந்தனர். ரஜினி விருது பெறும் நிகழ்வினை அவரது மனைவி லதா ரஜினிகாந்த், மகள் சவுந்தர்யா, மருமகன் தனுஷ் மற்றும் ரஜினியின் பேரக்குழந்தைகளும் கண்டுகளித்தனர்.

அதேபோல், சிறந்த துணை நடிகருக்கான விருதினை சூப்பர் டீலக்ஸ் படத்தில் நடித்த விஜய் சேதுபதியும், சிறந்த குழந்தை நட்சத்திரம் விருதினை கே.டி கருப்பு படத்தில் நடித்த நாக விஷாலும், சிறந்த இசையமைப்பாளர் விருதை அஜித் நடிப்பில் வெளியான விஸ்வாசம் படத்திற்கு இசையமைத்த டி.இமான் பெற்றார். சிறப்பு ஜூரி விருதை ஒத்த செருப்பு படத்தை இயக்கிய பார்த்திபன் பெற்றார்.

விருது பெற்றதும் ரஜினிகாந்த் பேசுகையில், ‛ விருது வழங்கிய மத்திய அரசுக்கும், என்னை வாழ வைக்கும் தமிழ் மக்களுக்கும் நன்றி. தாதா சாகேப் பால்கே விருதை எனது குருவான இயக்குனர் பாலச்சந்தருக்கு சமர்பிக்கிறேன்,' எனத் தெரிவித்தார்.

நன்றி தினமலர்.

குருநாதருக்கு சமர்ப்பணம். செய்யவேண்டியதுதான்.--காசா பணமா? வாயால் சொல்லவேண்டியதுதானே!

உங்களை ஊக்குவித்து கோடி கோடியாக சம்பாதிக்கவைத்த தமிழக மக்களுக்கு உங்கள் நினைவாக 
பெயர் சொல்லும் வகையில் நீங்கள் செய்தது என்ன??????????????
தான தர்மம் /அறக்கட்டளை /நலிவுற்றோருக்கு உதவி?  ஹூம் ம்ம்ம்ம்ம்ம் 

போகட்டும் அரசுக்கு கொடுக்கவேண்டிய கடை வாடகையை கொடுத்துவிட்டீர்களா?
நீங்கள் நடத்தும் பள்ளியில் ஆசிரியர்கள் சம்பளம் கொடுக்கப்பட்டுவிட்டதா?

தெரியவில்லை கேட்கிறேன்........செய்து விட்டேன் என்றால் சந்தோஷம்.

விருதினை பெற்றதற்கு மனமார்ந்த வாழ்த்துகள்.