கடனை திருப்பி செலுத்தாததால் மதுவந்தி வீட்டிற்கு சீல் வைத்த அதிகாரிகள்

by **T.N.Balasubramanian** Thu Oct 14, 2021 5:42 pm

சென்னை: நிதி நிறுவனத்திடம் கடன் பெற்று அதனை திருப்பி செலுத்தாததால் நடிகர் ஒய்.ஜி.மகேந்திரனின் மகளான மதுவந்தியின் வீட்டிற்கு அதிகாரிகள் சீல் வைத்தனர்.

கடனை திருப்பி செலுத்தாததால் மதுவந்தி வீட்டிற்கு சீல் வைத்த அதிகாரிகள் Tamil_News_large_2867410

கடனை திருப்பி செலுத்தாததால் மதுவந்தி வீட்டிற்கு சீல் வைத்த அதிகாரிகள் Tamil_News_large_2867410

பா.ஜ.,வின் செயற்குழு உறுப்பினரும், நடிகர் ஒய்.ஜி.மகேந்திரனின் மகளுமான மதுவந்தி கடந்த 2016ம் ஆண்டு இந்துஜா லைலண்ட் பைனான்ஸ் நிறுவனத்தில் ஒரு கோடி ரூபாய் கடன் பெற்று, சென்னை ஆழ்வார்பேட்டை வீனஸ் காலனி 2வது குறுக்கு தெருவில் உள்ள ஆசியானா அப்பார்ட்மெண்டில் சொந்தமாக வீடு வாங்கியுள்ளார். சில மாதங்கள் கடனுக்கான தவணை கட்டிய மதுவந்தி, அதன்பின்னர் தொடர்ந்து தவணை பணம் கட்டாமல் இருந்ததாக கூறப்படுகிறது. இது தொடர்பாக நிதி நிறுவனஅதிகாரிகள் வட்டிப் பணத்துடன் அசலையும் சேர்த்து ஒரு கோடியே 21 லட்சத்து 30 ஆயிரத்து 867 ரூபாய் பணம் கட்ட சொல்லி நோட்டீஸ் அனுப்பியுள்ளனர்.

ஆனாலும், மதுவந்தி உரிய பதில் அளிக்கவில்லை எனக் கூறப்படுகிறது. இதனால் நிதி நிறுவனம் சார்பாக மெட்ரோ பாலிட்டன் அல்லிகுளம் நீதிமன்றத்தில் வழக்கு தொடரப்பட்டு, மதுவந்தியின் வீட்டை சீல் வைக்க உத்தரவு பெறப்பட்டது. இதனை தொடர்ந்து நீதிமன்றம் உத்தரவின் பேரில் தேனாம்பேட்டை எஸ்.ஐ., ரத்தினகுமார், தேவராஜ் , வழக்கறிஞர் வினோத் ஆகியோர் மதுவந்தியின் வீட்டை பூட்டி சீல் வைத்தனர். அந்த வீட்டின் சாவியை நிதி நிறுவனத்தின் அதிகாரியிடம் ஒப்படைக்கப்பட்டது.

தினமலர் நன்றி

by **T.N.Balasubramanian** Thu Oct 14, 2021 6:00 pm

கடன் பெறுவர்- சமூகத்தில் பணக்காரர்களாக இருப்பவர்கள்.

பெற்ற கடனை திருப்பி தராமல் இருப்பது பெரியமனிதத்தன்மை.

by **ayyasamy ram** Thu Oct 14, 2021 7:33 pm

மதுவந்தி தரப்பில் பேசியவர்கள்,
‘மதுவந்தியின் வீட்டை அதிகாரிகள் சீல் வைக்கவில்லை
என்றும், இது தவறான தகவல், அப்படியெல்லாம் எதுவும்
நடக்கவில்லை’ என்றும் தெரிவித்துள்ளதாக கூறப்படுகிறது.
-
இந்தியன் எக்ஸ்பரஸ்

by **T.N.Balasubramanian** Thu Oct 14, 2021 9:59 pm

ayyasamy ram wrote:மதுவந்தி தரப்பில் பேசியவர்கள்,
‘மதுவந்தியின் வீட்டை அதிகாரிகள் சீல் வைக்கவில்லை
என்றும், இது தவறான தகவல், அப்படியெல்லாம் எதுவும்
நடக்கவில்லை’ என்றும் தெரிவித்துள்ளதாக கூறப்படுகிறது.
-
இந்தியன் எக்ஸ்பரஸ்

மேற்கோள் செய்த பதிவு: 1352297

அப்பிடி என்றால் தவறாக செய்தி வெளியிட்ட ஊடகத்தின் மீது மான நஷ்ட வழக்கு பதிவு செய்யவேண்டியதுதானே!

யாரை நம்புவது? ஊடகங்களையா?தனி நபர்களையா? என்ன கொடுமை சார் இது